|
قصة موكا الهرباانه الله يشفيها
السلاام عليكم يا أعضاء منتداااي المحبووب
قطتي موووكاا همالاياا هاف بيكن فيس وعمرها سنه هربت قبل كم يوم وبعدين لقيناها متخبية في حووش مرره وسخ انا الصرااحه على طووول حميتها لأني ما قدرت اتحمل شكلها وبعد ما حميتها اكتشفت انو فيها براغيث وبعدد مو طبيعي والقطه مو قادره تتلم على بعضها من كثر القرص شلتها ووديتها طبيب بيطري عشان يشوف لها حل الطبيب ادااها للعامل وقال انو بتترش بدوا وبعدين يحموها تاني وبعد ثلاث ايام جيبوها ونعمل لها نفس الدواا عشان بس يتأكدوا انو كل البراغيث راحت ولاازم تنعزل عشااان قطتي التانيه ما تنعدي بعد ما رشوها ورجعت بيها البيت لقيتها لسه مليانه والبراغيث مو مريحتها بس ما قدرت اعملها حاجه عزلتها في مكان برا البيت طبعا لانو البراغيث مو خطر على البسه التانيه خطر علينا احنا كماان وبعد يوميين ما قدرت اتحمل عزلتها وخفت نفسيتها تتعب فاخذتها ووديتها تااني لنفس المحل وهناااك عاااد ما قصروا لما عرفواا انها لسه ملياانه رشها بمبيد مررره قوي لدرجة انو لما رجعنا البيت ماحد قدر يقرب منها من ريحتها كانت ريحتهااا خانقه بمعنى الكلمه والقطه المسكيينه مو قااادره تلحس نفسهاا وصاااير شكلهاا مرره حزينه وانا والله مررره حزنت علييها كان نفسي احممها يمكن تخف الريحه بس خفت عليهاا لا تبرد وتمرض بالذات وهم محميمينها ومغسلينها قلت نصبر يوم يمكن تخف الريحه اليوم التاني مو راضيه تاكل شي وعيونها بتدمع بشكل مو طبيعي وصارت مررره خوااافه وكل شويه متخبيه في مكان ومو راضيه احد يلمسها انا قلت يمكن طبيعي لانو العامل اللي سوا لها الدوا قال انها راح تفقد شهيتها للاكل لفتره بسيطه بس انا شفت الحاله اتطورت والبسه صارت ترجف وماهي راضيه تقووم من مكانها وآخر شي عملتها على نفسها وعيونها شبه مقفوووله وغير كدا شفت دم في الارض فقلت يمكن منها لان البسه التانيه لسه صغيره وبعدين صحتها كويسه والحمدلله واليوووم بإذن الله راح ارجع للمحل دا وأتفاهم معااه هو والدكتووور المتخلف ويالليت لو يسوو عندنا طوارئ للحيوانات وما نقعد ننتظرهم الين يفتحوا محلاتهم بس والله خاايفه مررره عليها لا تموووت وما أدري فين الغلط اللي حصل هل هو من العاامل اللي رشها والا مننا احنا اللي صبرنا عليها يوم وهي ما تاكل ارجوووكم يا اخواااني اللي عنده افاااده يقووولها واللي عنده لوم لا يلوم:( لاني مو قادره انااام من امس وانا افكر في حالها هل ممكن تكوون حملت وهي هربااانه وصار لها اللي صاار بسسبب انها حامل ؟ ولا العااامل اعطاااها دواا مرره قوي وما ناسبها ؟:confused: |
رد: قصة موكا الهرباانه الله يشفيها
شايفه الغلط بعينك وساكته
بالله كيف تبغي قطه تستحمل مبيد قوي عالجيها ممكن جاها تسمم او شي |
رد: قصة موكا الهرباانه الله يشفيها
الأخ out انا ما شفت بعيني انو المبيد قوي انا لما روحنا البيت شميتها ريحتها مرره قويه
وبعدين اليوم بعد ما وديتها الطبيب قال انو المبيد مو هو السبب قال انها اتصفقت والظاهر انو من كتر ما تتروش واعطاها ابرتين مخفضه للحراره وقطرات في عيونها ونشوف بكره بنراجع بيها تاني وان شاء الله خير وانا لاحظت انو فعلا لما بيغسلوا القطه ما بينشفوها ويدفوها زي ما احنا بنعمل وكمان فوق كدا قام ينفخ عليها بجهاز بيقول انو عشان يخرجوا البراغيث الدايخه منها ويمكن عشان كدا انصفقت مسكينه |
رد: قصة موكا الهرباانه الله يشفيها
الله يشفيها ويرجعها لك سالمة اختي وش اسم المحل الي وديتي قطوتك لها
|
رد: قصة موكا الهرباانه الله يشفيها
ايش جاب الدم من السخونه والبرد !!
الاعراض الي فيها ماشوف لها علاقه بالسخونه والبرد السخونه فعلا ابرتين او ابره مع مضاد بيتاموكس 3 ايام اشتري بيتاموكس دواء من البيطري خاص للقطط يفيدك حاليا وللمستقبل سعرو 20 ريال لو تراجعي بيطري ثاني افضل |
رد: قصة موكا الهرباانه الله يشفيها
المصيبه انها الى الآن ما اكلت ولا حاجه واتطورت حالتها وصايره تنتع وتطلع من فمها زي الرغوه مره صفره والحين صارت بيضا
وفضلاتها على نفسها اسهال لما دقيت عالدكتور قال جيبوها بكره الصبح ونا خايفه انها ما تعيش لبكره الصبح وما أقدر اوديها لدكتوور تاني نفسي أساعدها وما بيدي حيله ادعوا لها بليييز |
رد: قصة موكا الهرباانه الله يشفيها
يمكن بلعت شيء من المبيد , اذا كنتي واثقه بالبيطري , توكلي على الله ثم البيطري
اما اذا حسيتي انه مو ذاك الزود , وديها بيطري ثاني اشطر .. |
رد: قصة موكا الهرباانه الله يشفيها
اكليها عن طريق السرنجه بدون ابره
|
رد: قصة موكا الهرباانه الله يشفيها
شربتها قبل شوية لبن قليل الدسم بالسرنجه زي ما نصحني الاخ out بس بكل صعووبه مو راضيه تفتح فمها بسهوله كفتتها وقعدت اشربها وسموووكي بستي الثانيه مرررة حزنااانه عليها
طيب احد يعرفلي طبيب تاني كويس غير الدكتووور حق واحة الحيوان |
رد: قصة موكا الهرباانه الله يشفيها
يألله
:( الله يشفيها طمنينا عليها والله حزنتني :( |
رد: قصة موكا الهرباانه الله يشفيها
ولله آنحرق قلبببي كيف سمحتي له يرش مبيد قوي عليها ؟! ومن قوته ماحد قدر يقرب منها فـ كيف هي المكسينه على جسمها وتلحس فيه وتتنفسه !!! القطه بااااين تضرررت بقووووه من المبيد حبيبتي البراغيث لها آدويه وعلاجات خاصه آمنه للقطط لو آنتي ماعندك علم بهالأمور تعالي آسئلي مابنقصرر معاك كلنا هنا نفيدكم ونساعدكم ,, آو آبحثي بالمواضيع بالفهرس آو قسم سؤال وجواب بتحصليين شي يفيدك شوفي هالرد ليتك بس بحثتي آو جيتي سألتي قبل تتعرض هالمسكينه للخطر .. اقتباس:
آتمنى بجد آنك وديتيها اليوم بدون تأخير آكثر ومماطلله بالوقت وآستهانه بحجم المشكله وصحتها آخذيها لعياده مضمونه سوي بحث بالقوقل وبتحلصين وخليك من هالفاشل حسبي الله فيهم ,, وطمنينا بليزز |
رد: قصة موكا الهرباانه الله يشفيها
ليكون البيطري الشامي أو المصري دول ترا بس ينفعو بالاشياء العاديه يعني نصايح ويشخصو الحاله أنا جربت الاتنين بس ماينفعو للحالات اللي زي كدا والعنايه عندهم مو قد كدا وزي ماقولتي يحممو القطط ويتركوها مايعتنو بيها بعدين انا شوفت كل شي بعيوني حتى طريقة مسكهم للقطط تخليكي تحلفي ماتدخلي عندهم تاني لكن مايعالجو عندهم بالعاده يحولوكي لعياده بيطريه يكون فيها عنايه فائقه ودي بس للحالات الطارئه المميته *_* انا شوفت حالات كتيره حولوها من عندهم قالو مانعالجها لأنها تحتاج عنايه فائقه بس المن دحين ماعرفت لوين يحولو ,, او ايش العياده اللي يتعاملو معاها , الله يعينك والله قطتك تقطع القلب بس لازم تتماسكي ولا تفقدي ألمك بالله هوا الشافي المعافي ونصيحتي من كتر المبيد شعرها اضرر وممكن البراغيث ماراحت لو تقدري احلقي شعرها او قصيه قصير بعدين حيطول مو مشكله وخدي قطن كبير بمويه دافيه وامسحي وجهها وجسمها هيا دحين تحتاج عنايتك قبل عناية أي بيطري والابره إن شاء الله ماتأثر عليها سلبي بإذن الله لأنو حالتها مسكينه ماتتحمل ابر وحاولي كمان تأكليها بيدك لأنو دي الايام محتاجه غذاء مفيد جسمها شكلها تعب مره وشوفي بيطري تاني روحي ..... يقولو ممتازه العنايه عندهم بس روحي استشيري هناكا بيطريين وشوفي إيش حيقولو على حالتها واشتري نفس المشط حق البراغيث اللي نزلتو آنو بردها ومشطيها ولا تخلي مكيف شغال قريب منها ولا شباك مفتوح والاسهال علاجو إنها تاكل شي قاسي زي الدراي فود دا مفيد لها الله يشفيها يارب ولا تنسي تطمنينا عنها والله حزنت مره عليها واعتني بيها لآخر لحظه وإن شاء الله تتعافى وترجعلها صحتها ,, |
رد: قصة موكا الهرباانه الله يشفيها
الأخت ( آنــو )
الأخت ( Mo0oMo0o ) أشكر تفاعلكم مع الموضوع وتعاطفكم مع موكا ونصائحكم الذهبيه بالنسبة للبراغيث أنا قرييت عنها وعرفت انو مدة علاجها تطول بس لأنو عندي قطه أخرى ما حبيت انها تقعد معاها في البيت عشان ما تعديها و لأني انا أقرف من الحشرات فما كنت بأتحمل اني امشطها في البيت وبعدين الدكتوور قاال انو المبييد مو السبب بعدين اللي بستغربله يعني محل بيهتم بقطط وحيوانات صغييره لييش يرش مبييد ممكن يسبب لها تسمم الموضوع فيه إنه بالنسبه للأكل والشرب القطه ما كانت تاكل ابدا ولا ترضى تفتح فمها وكنت أشربها اللبن وموية زمزم بكل صعوبه وبالسرنجه بدون الإبره زي ما نصحني الأخ out و بعدين تستفرغ كمااان بصعوبه لأنها بطنها فاضيه وتخرج ماااده بيضاا في البداية لزجه برغوة وبعدين صااار يخرج سائل لونه بني محمر وشكلها يقطع القلب وهي تحاااول تستفرغ وتتقلب وتتخبط عشان يطلع اللي في بطنها وطبعا حركة لا تروح ولا تجي ولما تجي تهرب مني لأني بحاول أشربها بالغصب أحسها تسحب نفسها سحب انا قعدت معاااها امس اللليل مرااابطه الين الصبح وديتها جري عالدكتووور والدكتووور اللي وديتها عنده مو اللي في واحة الحيوان فرع الستين لأني لاحظت انهم أي كلام وديتها للعياااده ............... شكلوا شاطر مدري وبيعمل عمليات المهم أعطااها للعامل وقاللو ا نظفها انا خفت وقلت له بتحممموها تاني وهي بدي الحال قال لا بس تنظيف من تحت البسس التعبانين ما يحمموهم لأنها مسكييينه مرره معدومه بفضلاتها وريحتها فضيعه وبعدين اعطاها ابره للقئ والإسهال على قولته وبيخليها عنده تحت الإشراف الطبي وربنا الشاافي طبعا انا سألته ممكن تنجو يا دكتوور قال حسب مناعتها ان شاء الله مناعتها تكووون قويه وتنجو ودقيت اليوم المسا بسأل الدكتوور عنها قاللي لسه تعبانه ونتوا يا أعضاء منتدااي المحبوووب اللي قاااعده مرااابطه عليه هاذي اليومييين لا تنسوها من دعوااتكم |
رد: قصة موكا الهرباانه الله يشفيها
طبيعي بيقول المبيد مو السبب عشان مايبتلش :D مو اي دكتور تصدقي كلامه هذا اذا كان دكتور اصلا اغلبهم جزارين ولايعرفو البيطره الدكاتره البيطريه الكويسين ماينعدو على الأصابع بالسعوديه مو جده المبيد اتوقع السبب لأن من بعد مارشها بالمبيد انقلب حالها السخونه والأسهال اعراضها بسيطه وماتأثر كثير على القط وتوقف اكله وحركته لاكن الأعراض الي بقطتك واضح انها صعبه ممكن تسمم اديها زبادي بالعسل بالسرنجه واكل يمسك بطنها دراي فود اطحنيه وخليها تلحسو او دجاج الا الدكتور الزول ماكشف عليها وقال وش فيها وكيف يديها ابر بدون كشف وفحص دقيق لحالتها ويحطها بالمتابعه عنده وبدون مايعرف وش فيها غريب |
رد: قصة موكا الهرباانه الله يشفيها
يارب خير
إنتي لا تتركيهم روحي بكرا وخدي رقم البيطري نفسو لا تتركيه بحالو عشان يعرف إنك وراه وبتسألي دايما ما اعرف حيأكلوها هناكا شي ولا لأ انا ماعمري روحتلهم لكن أتمنى من الله إنو تتعافى وتكون مناعتها قويه لأنها مسكينه عانت كتير دي القطه شوفي انتبهي لقطتك التانيه راقبيها ومشطيها وعقمي مكان ماتنام وتجلس الاتحتياط واجب لا تنسي خدي فرشه وديتول وكلوركس وخففيهم بمويه وابدأي عقمي المكان حتى لو كان عند باب الشارع لأنو بإذن الله لما ترجع قطتك من العياده بالسلامه لازم البيت كلو ومكان ماكانت يكون معقم ونظيف لا تنسي طمنينا عنها والله بالي مشغول عليها واتصلي عليه دا البيطري اسألي كيفها حممتوها اكلتوها شربتوها وازا تقدري تروحي تشوفيها بنفسك يكون أفضل حتى لو لي 10 دقايق عشان قلبك يطمن |
رد: قصة موكا الهرباانه الله يشفيها
الأخ out
الأخت Mo0oMo0o ألأخت رآيقه أشكركم على اهتمامكم وما توصوا حريص أنا كل شويه بتصل واتطمن بس الى الآن ماحد طمني وبيقولوا مررره تعبانه والدكتووور قال انو لو مو متطعمه مناعتها بتكووون ضعيفه و هي جاتني هديه مع قطتي سمووووكي وهي عمرها سنه والناس اللي كانت عندهم ما أهتموا بتطعيماتها أنا من بكره حطعم سموووكي والحق عليها لا يصير فيها اللي صااار بأختها |
رد: قصة موكا الهرباانه الله يشفيها
مووكااا مااتت :(
|
رد: قصة موكا الهرباانه الله يشفيها
يالله :(
الله يعوضك خير يارب والله مسكينه عانت كتير هادي القطه الله يرحمها ويعوضك خير .. وعجلي ودي قطتك التانيه طعميها وافحصيها خليهم يشوفو صحتها العامه ويارب يخليلك هيا وتعوضك عن موكا |
رد: قصة موكا الهرباانه الله يشفيها
الله يعوضك
عارف الزول حطها عنده وراح البيت هذا اذا كمان حط اكل وشرب ولا لا كان المفروض يكشف عليها اول ماجبتيها ويديها العلاج المناسب كلو من الجزار الأول ابو مبيد |
رد: قصة موكا الهرباانه الله يشفيها
سوي كشف لحالتها وسبب وفاتها
وتقرير طبي عن سبب الوفاه لو من المبيد حاسبي الجزار الأول لأني لو انا منك ماحسكت واجيب العيد فيه ولو سكتي وطنشتي بيكون فيه ضحيه غيرك |
رد: قصة موكا الهرباانه الله يشفيها
الحمد لله على كل حال , اتوقع الحين ارتاحت من التعب اللي فيها
اقتباس:
8 8 8 طبقي كلام out حتى يعرفون ان الله حق |
رد: قصة موكا الهرباانه الله يشفيها
كنت حاسه آنها بتموت لأن اللي صار لها مو شويه آغلب علامات التسمم ظهرت عليها الخمول وفقدان الشهيه والآسهال والأستفراغ المدمي وآخيراً التأخير بعلاج حالتها ,, حسبي الله ونعم الوكيل فيهم وآكيد الفاشل معدوم الضمير بيقولك المبيد مو السبب علشان مايوهق عمره مو كل شخص يتسمى بيطري ويعالج نثق ثقه عميه بكلامه ونسلم له القطوه آحنا مسؤلين عنهم ونتخذ القرار بما فيه مصلحتهم ,, والشي اللي مو متأكدين منه نسأل ونبحث ومانستعجل فيه .. اقتباس:
آو آي ماد سامه راح تتضرر مثلها مثل اللي مو مطعمه وزي ماقال آوت سوي تقرير طبي وروحي للفاشل الأول وآقلبي عليه المحل ولاتخلين الموضوع يمر بهالسهوله ويظل يستهتر بآرواح المخلوقات .. ويالله معووضه بخير وكل تجربه نتعلم منها شي نتجنبه بالمستقبل ويكون درس لنا ولغيرنا ,, ومووفقه حبيبتي |
رد: قصة موكا الهرباانه الله يشفيها
الأخوة الأعضااء out
Mo0oMo0o Ava آنوو أشكر اهتمامكم ومواساتكم وربنا ما يوريكم مكروووه في عزييز وبالنسبه لشلة النصااابين دول انا ما حسكت وبروح لهم أكييد وأقل شي بسويه اني بفضحهم في المحل |
رد: قصة موكا الهرباانه الله يشفيها
,
يالله .. http://www.lmssat.com/vb/images/icons/nwic/f108.gif الله يرحمهآ .. بجد اللي ششافته مو هين .. الله يرزقك يآرب .. ولآ تسكتي ع هالمجرمين .. صرآحه هالأشكآل مكآنهم بـ محل لحم والا يقشرو ثوم جعلها بوجيههم .. . |
| جميع الأوقات بتوقيت GMT +3. الساعة الآن 12:46 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو