|
ابغى اشتري امزون وجابه اخذ رايكم في السعر قبل الشراء
بسم الله الرحمن الرحيم لو سمحتم ممكن اخذ رآيكم انا رحت اليوم اشتري امزون فرونتد اقل من سنه قالي البائع سعره 3150 بدون القفص ومع القفص بـــ 3250 ايش رايكم اشتريه ولا ايش ؟ وهل يجي معاه اشياء اخرى مثل فيتمينات وستاند ولا ايش ؟ افيدوني قبل ما اشتري واتورط فيه!! |
رد: ابغى اشتري امزون وجابه اخذ رايكم في السعر قبل الشراء
الطير محجل ولا لا والحجل كبس ولا اصلي وانتبهي للعمر ترا واجد ينغشون فيه حاولي تدورين فرخ
|
رد: ابغى اشتري امزون وجابه اخذ رايكم في السعر قبل الشراء
وضحولي اكثر لو سمحتوا
|
رد: ابغى اشتري امزون وجابه اخذ رايكم في السعر قبل الشراء
اشتري من قسم البيع بالمنتدى
او صوريه وورينا الصور والأعضاء تقولك يستاهل او لا |
رد: ابغى اشتري امزون وجابه اخذ رايكم في السعر قبل الشراء
اختي هناك عدة امور هي التي تحدد سعر الامازون بلوفرنتد اولا حجم الطير وعمر الطير والوان الطير والحجل اذا كان كبس او اصلي نظافة ريش الطير او المظهر الخارجي بصفة عامة وبالنسبة للاسعار فانها تبدأ من 2500 الى 3500 للفروخ حسب المواصفات تقبلي تحياتي |
رد: ابغى اشتري امزون وجابه اخذ رايكم في السعر قبل الشراء
اشكركم اخواني واخواتي على الحضور الجميل
وشكرا لكم على النصائح المفيده |
رد: ابغى اشتري امزون وجابه اخذ رايكم في السعر قبل الشراء
اقتباس:
عجبني ردك اخوي بس المشكله انا ما اعرف اختار الامزون بالمواصفات الصحيحه واخوي لما راح معاي انا اقوله وهو يقول للبائع يعني ما عنده خبره بتاتاً فاذا عندكم طريقه كي احصل على طير نظيف وبصحه ممتازه لا تبخلون علي شرط ما يكون فوق 3000 اتمنى ذلك |
رد: ابغى اشتري امزون وجابه اخذ رايكم في السعر قبل الشراء
اختي بالنسبة للون الطير يكون اصفر بمنطقة الرأس وكلما زادت مساحة الاصفر يكون الطير ممتاز وتجدين في مقدمة الرأس لون ازرق بالنسبة للحجل مثل الصورة هذا النوع يعتبر اصلي ويجي لون ذهبي وعليه رسمة رأس طير ويكون ضيق اذا واسع يكون ركب للطير مؤخرا http://img252.imageshack.us/img252/8844/54ak9.png هذا النوع كبس وممكن يكون ركب للطير بعدين http://img512.imageshack.us/img512/6...f9bd080ai5.png هذا النوع نادر ينوجد منه http://img136.imageshack.us/img136/8452/55li5.png اتوقع الان صار عندك فكرة عن البلوفرنتد تقبلي تحياتي |
رد: ابغى اشتري امزون وجابه اخذ رايكم في السعر قبل الشراء
اقتباس:
امممممممممممممممم فهمت عليك وبصراحه اول مره اشوف شكل الحجل اللي دوم اقرا عنه بردود الاعضاء ... فعلا الآن صار عندي خلفيه اكثر عن بلو فرونتد ما قصرت يا اخوي والله يعطيك وينولك اللي ببالك يارب |
رد: ابغى اشتري امزون وجابه اخذ رايكم في السعر قبل الشراء
اقتباس:
ويارب انتي بعد ينولك الي في بالك اختي اذا انتي من الاحساء ونقدر نخدمك عن طريق اخوك فحياكم الله نعرف محلات بيع الطيور بالاحساء وفي الاسواق الشعبية تحياتي |
رد: ابغى اشتري امزون وجابه اخذ رايكم في السعر قبل الشراء
واااااااااااو
ماش الله معلوومات حلووة ,,~ والطيووور عندكم رخاااص بالنسبه للامارات ..~ انا مرة بغيت اشتري امزون قالوا لي سعره يبدا من 5000 وبالتوووووفيج اختي ..~ وان شالله تنالي مبغااج .. ~ |
رد: ابغى اشتري امزون وجابه اخذ رايكم في السعر قبل الشراء
ياليت كنت من الاحسا فديتها وفديت اهلها الطيبين
انا من القطيف ___ ام الحمام اذا تقدر اتساعدني اكون شاكره اخوي |
| جميع الأوقات بتوقيت GMT +3. الساعة الآن 02:29 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو