منتديات تو زوو - مروض .. بس :(

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - مروض .. بس :( (http://www.2zoo.com/vb/showthread.php?t=165792)

مروض .. بس :(

السلام عليكم اخواني اخواتي

باختصار ... انا عندي افريقي ..

يطلع على اليد
وياكل من اليد

ويحبني ..

بس مايخليني امسح على راسه يخاف ..

عطوني حل .. اجيبه بالطيب ..

مااحب اغصبه ويكرهني :angry:

رد: مروض .. بس :(

لاتستعجلين واصبري

هذا اللي شريتوه الخميس الماضي ؟؟؟

اصبرررررررررررررررررو عليه

الكاسكو افضل معلم للصبر وطولة البال

رد: مروض .. بس :(

ايه هاذاا هووووو ....

بس يعني مدام تكرم .. وأكل من يدي .. وطلع عليها

يعني وش بيضره لو خلاني امسده

شكل مالي الا شورتك .. اصبر والشكوه لله

وبعد لوو فيه تجارب وحلول .. من الاخوان عطونا

رد: مروض .. بس :(

عشان اريحك

كان عندي طير شريته اليف وكل شي وراعيه طلعه على يده ويمسح على جسمه كامل ويحب منقاره بعد

انا من زود الحماس بغيت اشيل القفص بالطير وراعيه

المهم

جبته البيت خليته كم يوم

جيت اطلعه يدي ينحااااااااااااااااش باقصى القفص

فتحتله الباب طلع فوق القفص جبت يدي ينحااااااااااااااااااااااااااااش وانا مغير ابرم حوالين القفص

قلت هين

رجعته القفص

اقرب يدي للقفص اناديه هات راسك ومايجي

صرت ادخل يدي القفص ويتسلق الين الزاويه واقول هات راسك واقعد احك رااااااااااااااسه الين احس كتفي تصلب من التعب

لدرجة ان الطير ياخذله غفوه

بعد كم يوم صرت احط يدي برا القفص واقول هات راسك ويتردد يجي ويرجع

وكم مره الين صار يجي يعطيني راسه

بقى عندي الطلوع على اليد

طبعا بعد ماتطمن وعرف ان نيتي سليمه صار يطلع على اليد الحمد لله من داخل القفص وبرا

لكن المسح على الجسم وحك الراس يتردد ويرجع راسه ورا ويوخر مايبي

قلت انا اوريك

واقوم واخليه على يدي واتكي ذيك التكيه واعطيه لعبه خشب صغيره واخليه يلعب فيها الييييييييييييين مل

ابيه ياخذ راحته على يدي ويحس بالاطمئنان

وبعدها قربت يدي لراسه وهو يرفع راسه وانا اقرب وهو يرفع الين بديت احك وهو يفرفر راسه مايبي

واقعد احكحكله الين استمخ الحبيب واقعد امسح على جسمه وان لقيت ريشه فارطه من هالريش الابيض ( اظن يسمونه زغب ) اطلعها له واوريه اياها

الحين محد يضبطله ريشه غيري ماشاء الله

الظاهر بيصرفلي راتب

وبعد المعاناه هذي والصبر

طبعا انا ماشوفها معاناه واشوفها استمتاع بحكم حبي للطير

الآن ماشاء الله عليه من ادخل البيت ينادي ويناااااااااااااادي واذا مل وماجيته طار ( طبعا طيرانه على قده بحكم قص الاجنحه ) ويجي يتكي عندي

ماشاء الله عليه

فاللي حبيت اقوله واوصله<<<< كان من الاول وريحتنا

الصبر مع الكاسكو له فوايد والكاسكو تعطيه يعطييييييييييييك

رد: مروض .. بس :(

معك حق ...

بس انت طيرك كان يفهم وش معنى هات راسك

انا طيري اذا وقف على يدي .. يصير زي اللي خايف وشاد عمره ..

عمووووما .. كلامك كله صح الصح .. وعال العال ..

وكويس جبت لي كاسكوو .. يعلمني الصبر .. لأني من جد قليلة صبر :D

من جد من جد اسعدي وافادني وثقفني مرورك

رد: مروض .. بس :(

احب اضيف شي

ترا حك الراس غريزي عند الكاسكو لكن حنّا من كثر مانكرر عليه هات راسك ونحك راسه بعدها صار يربط الكلمه بحكة الراس ويعطيك راسه

رد: مروض .. بس :(

اممممم

** حاب اضيف معلومة حكاية حك الرآس للبغاوات تخليه يرتاح بشكل مو طبيعي ,,

كان عندي كوكاتو كنت ماادخل البيت الا ويجي طاير على يدي وينزل رآسوا عشان امسدلوا ,,

لدرجـة انوا حسيت في الاخير انوا ولدي مو طيري ,,

وحاول انك تنتبه من العض ,, طيري كان يعضني وانا امسدلوا ,,,

اتمنى آكوون افدتك ,,

رد: مروض .. بس :(

فكتور لك مني الف شكر وتحيه .. دايم تكفي وتوفي فكل سؤال اسأل ... مدري وش اقول لك

ياشيخ رووح الله يسعدك وين ماتروح :)

اخوي رايق .. الف شكر .. عالمعلومه .. عقبال اللي عندي يجي طاير لي .. <<< احلمي :D

رد: مروض .. بس :(

ما شالله .. أنا الطير الي عندي عكس الي عندك ... يرضى أمسح عيه .. بس مايرضى يطلع على اليد
وش رايك تبادلين :D

ايه صح اليوم بدأ ياكل تفاح ..فيه تطورات يعني

رد: مروض .. بس :(

ههههههههههههههه

جرب طريقتي .. طيب ..

هو بقفص ولا على ستاند

شيل القفص والستاند من قدام وجهه

وخله يمشي بالارض .. طبعا اكره شي عند الطير انه يمشي بالارض

حط يدك تحته .. من دون ماتدف بطنه او شي .. هو بنفسه بيصعد على يدك

رد: مروض .. بس :(

هو لسى بالقفص .. يطلع أحيانا .. اذا كان مروق و لا حران

بجرب طريقتك .. أنا بس بعطيه فرصه الين تخلص أختباراته :)

وأن شالله أصوره لكم وهو على يدي

رد: مروض .. بس :(

اصبري شوي وصدقيني اذا ماطفشك من التمسيد

رد: مروض .. بس :(

Walter505
هنا المشكله .. انو لازم نعطيهم وقت <<< قاله لكم قليلة صبر :D

كاسكووو

هاذا انا قاعده اصبر ... وياشيييييين الصبر شينااااه :(

رد: مروض .. بس :(

الله يرزقني فرخ افريقي اليف معقول سعره . آميـــــــــــــــــــــــــــــــــــــــن

رد: مروض .. بس :(

اميــــــــــــــــــــ ;) ـــــــــــــــن

رد: مروض .. بس :(

السلام عليكم ورحمه الله وبركاته

اذا الطير ما يسمح لك تمسح على راسه فهناك فقره لم تتوصل اليها ولكي تجتاحها يجب عليك اكتشافها,,

بالنسبه لي اولا توطين الثقه بينك وبين الطير والجلوس معه وقت اطول خاصه الصباح,,

حاول تتقرب من الطائر وتبدا من اصابعه حتى تصل الى راسه .

اخوك/ابومحمــد

رد: مروض .. بس :(

جرب هالطريقه راح
تساعدك على الترويض
http://www.2zoo.com/vb/showthread.php?t=121497
و يأمن اطير فيك ، لأنه حاليا هو خاايف منك

رد: مروض .. بس :(

لاااااااااااا ابشركم .. الطير .. بدا يوثق فيني

لأني زي ماقال اخوي ابو محمد .. كثرت الجلوس معاه وخااااااصه الصباح ..

وصرت امسح على راسه وظهره ولله الحمد .. :) ومررره مستانسه

الحين باقي لي .. كيييف اقنعه يتحمم وبدووون اي خوووف

لكم جزيل الشكر ماقصرتو