|
انقذوا قطة صغيره
السلام عليكم و رحمة الله و بركاته
قطة بلدى صغيره , عمرها من ثلاث إلى خمس شهور بقالها يومين عمالة تنونو ليل نهار فى الجنينه اللى تحت العمارة نزلت انا و اختى عشان نشوف مالها و لقيناها واقفة على سور عالى و مش عارفه تنزل , طبعا معرفناش ننزلها جبنا ناس , الراجل طلع عالشجره عشان يجيبها فعشان يطلع قعد يكسر فروع منها فالقطه خافت و جريت بطول السور بعيد شويه , رحنالها من الناحيه التانيه حد يحاول يجيبها بعصايه ناحية الراجل عشان يجيبها بس معرفوش هما الحقيقة مصبروش قوى يعنى و بيقولوا ان امها حاطاها هنا و بتيجى تأكلها فوق , طبعا دا بالنسبه لى كلام مش منطقى لان اليومين اللى فاتوا دول الدنيا كانت حر جدا , مش معقول تكون سايباها فى الحر و هى امبارح طول النهار و فى عز الحر عماله تنونو و باليل و لا كلت و لا شربت و سامعه صوتها بيقتل فيا و هى بتموت قدامى و مش عارفه اعملها حاجه و انا لو نديت حد مش هيعمل اكتر من اللى عملوه اللى قبليهم لان مش بيبقى عندهم احساس بالحيوان يا ترى ايه الحل يا جماعه ؟ حد يساعدنى |
رد: انقذوا قطة صغيره
الحل جيبي لوح خشب وخليه عالجدار بشكل مائل وقربيه منها وهي تنزل منه فهمتي علي اللوح يكون بشكل مائل زي الزحليقه وبعدوا عنها شوي وحطوا اكل عند الارض ومويه وهي تنزل ان شاءالله ولاحد يقرب لانها تخاف
|
رد: انقذوا قطة صغيره
ايوه بالضبط هذا اهو الحل اللي فوق
|
رد: انقذوا قطة صغيره
نزلت القطوه والا بعد؟
|
رد: انقذوا قطة صغيره
اقتباس:
المشكله ان دا ممكن يأذى الجيران اللى فى الدور الأرض خاصه انها مش هتنزل بسرعه لانها خايفه فلازم نخليه فتره جزاكى الله خيرا , ادعلها |
رد: انقذوا قطة صغيره
اقتباس:
|
رد: انقذوا قطة صغيره
اقتباس:
مش عارفه كانت مستخبيه فى الزرع و لا راحت فين , بيقولوا انهم دوروا عليها كتير بعد ما طلعوا سمعنا صوتها تانى مش عارفه بقى ادينى سامعه صوتها اهه |
رد: انقذوا قطة صغيره
هو السور عالي كتير ولا ايه؟؟
لان عمر ثلاث شهور - خمس شهور يقدر ينط يمكن عندها مشكله تانيه يعني زي ما تكون امها ماتت او ضاعت و هي تبحث عنها عالعموم انتم خلو لها قطعة لحم و لما تشمها بتنزل ان شاء الله |
رد: انقذوا قطة صغيره
خلي اكل على الارض وهي بتشم الاكل وتجي ان اشاءالله وطمنيني
|
رد: انقذوا قطة صغيره
ايوا صحح حطي لها لحم و خليها لوحدها
|
رد: انقذوا قطة صغيره
جزاكم الله خيرا يا جماعه
اهلى نزلوا تانى ملقوهاش و بعدين سمعنا صوتها تانى و بعدين صوتها اختفى اتمنى تكون بخير جزاكم الله خيرا |
| جميع الأوقات بتوقيت GMT +3. الساعة الآن 09:37 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو