|
البورميس فيها امساك!!!!!
زعفرانه من يوم غرقتها صارت مكله 3 فيران و اليوم الرابع
ولا وسخت ولا بالت عزكم الله فيها امساك؟؟؟؟ و صايره متينه ما تتحرك زي اول و بس متلفلفه على نفسها و نايمه و لا لاني ما اكلتها الاسبوع الماضي ولا فيه سبب ثاني؟؟؟؟ |
رد: البورميس فيها امساك!!!!!
و سالت عن (المره) هل ينفع استخدمها علاج للبكتيريا او الحشرات او الامساك للحيوانات ولا قوي عليهم؟؟؟؟
|
رد: البورميس فيها امساك!!!!!
الحل عند الزعيم بايثون اهو اكثر واحد مضبطنا أنا معاج
والله مو مقصر بيدخل الجنه ان شاءالله من كثر ماندعيله p: |
رد: البورميس فيها امساك!!!!!
شسالفتكم مع البورميس كل واحد عنده عله :D
لا خيتي ما فيها شي انا البول بايثون طولت شهر و اسبوعين بعدين وسخت و مافيها الا العافيه :D الحيايه مو شرط يوسخون علطول &&" . . |
رد: البورميس فيها امساك!!!!!
+ و لو تقولين ان الملكيه غير
عندي هم البورمس الحين لها 5 كتاكيت و ما وسخت لا تخافين :) |
رد: البورميس فيها امساك!!!!!
طيب مو مشكله
بس اشوفها تشرب ماء كثير بس ما تبول عزكم الله بعد عادي؟؟؟؟ ايه نسيت اليوم و انا اشمسها الجو مرررررررررره حلو انا استانست عليه بس خفت عليها حتى دقيقه ما اخذت رجعتها بس مو دافي ولا احس ان فيه شمس كيف بالشتاء اشمسها؟؟؟؟؟ والله يا بايثن ربي يسلمك من كل شر ما قصرت انا قبل لا اشتري قاريه كل شيء بس التربيه شيء و القراءه شيء آآآآخر بس يمكن سبب مشاكلنا انا شريناها على بداية شتاء و الجو قاعد يتغير |
رد: البورميس فيها امساك!!!!!
أنا قريت شهور وكتب وحالتي حاله ليمن وصلت مرحله حسيت نفسي محترف بتربيه هذي الفصيله من الثعابين بس طلعت التربيه غير
عدل كلامج سمكه يمكن الجو لاعب دور لان قبل البوريميه ربيت الملكيه شهر وحسيت أني متمكن منها وبعدها شريت البورميه لأني حسيت أني بروفشنال خخخخ <<<<------ مصدق نفسه |
رد: البورميس فيها امساك!!!!!
انا طلعت انحس منك قريت و انواع الحماس
و قالو لي خذي ثعبان ارخص و اهدا و ما اعرف ايش بس ما اسمع الكلام و سبحان الله دخلت محل شفت 3 انواع ابيها البول بايثن عمرها سنتين و 2 بورميس وحده عمرها سنه و الي انا شريتها عمرها 3 شهور و الرد تيل بوا كانت مرررررررره صعنونه و ما كنت باخذ الا هي بس اختي كرهتني فيها قالت لونها مغبر كانها جراده و حبيت زعفرانه و بجيب وحده ثانيه اكتشفت ان تربية الثعابين ادمان O_o |
رد: البورميس فيها امساك!!!!!
انا شريت حيايه بدون ما أقرى شي بس شفت فيديوين واحد يربي
حيايه و عجبني الوضع :D و انا صغير أحبهم ما توقعت يوم أربيهم ^^" انتو شادين حيلكم و بالفعل انا كان ودي بس بول بايثون كنت خايف من البورميس بس يوم لعنت خير وحده كبيره قلت ان عادي < خصوصاً انا حجمي صغير سهل البلع :D جربت أنواع وايد و عرفت التعامل وياهم راح تتعودون عالوضع :) المهم الحين خذيت الأشياء الي كان خاطري فيهم و مافي مشاكل بس انتو مادري شفيكم كل شي بسيط تسوونه مصيبه -_-" هههههههههههههههههههههههههههههههه |
رد: البورميس فيها امساك!!!!!
باااااايثن هذي ثاني مره اسال عن الـ (مره)
وش رايك فيها؟؟ |
رد: البورميس فيها امساك!!!!!
شنو مره ؟
|
رد: البورميس فيها امساك!!!!!
اعتقد انه شي طبيعي
بما ان الجو بدا يبرد ,, تبي تحتفظ بالاكل عشان السُبات S.W.E.D |
رد: البورميس فيها امساك!!!!!
مرره مع شد حرف الراء
هذي علاج شعبي قديم ليلحين الحريم الكبار العجايز والشياب يستخدمونه وهو يعبر تقريبا مطهر ( كل ماصار فيني شي جدي قالي مالك غير المره ) خخخخخخ مو بس انت تفيدنا يا بايثون ( راح امسكها عليك انا وسمكه علمناك شي ) D: اتركلك الباجي يالله جاوب على سمجه :P |
رد: البورميس فيها امساك!!!!!
لما الحين مادري شنو هاذا :D
بس مافي شي اسمه سبات شتوي بالأسر -_-" دام درجة الحراره بالحوض نفسها = مافي سبات شتوي الا لو برد عليها الجو :) |
رد: البورميس فيها امساك!!!!!
كل شيء جايز
الله يستر اما عن المره يبي لك تقوقلها هو شكله حجر زي البان بس لونه غامق لان اشوف اكثر الاعضاء يتكلمون عن خل التفاح في تطهير جروح الحيوانات و ناسيين المره بس المره هذي لها معزه خاصه ما اسافر الا و ماخذتها معاي هو لقرصات هو لالتهاب الحلق هو لمشاكل البطن كلها بتاع كولو ولا اني اروح مستشفيات و ادويه و حوسه و فواتير |
رد: البورميس فيها امساك!!!!!
اقتباس:
هذا المقصود |
رد: البورميس فيها امساك!!!!!
لا تحطين لا مرة ولا غيرة احرصي فقط على درجة الحرارة ولو تشترين مقياس حرارة يكون افضل والدرجة المناسبة هي 30 بالنهار وبالليل الى 25
ولا تعرضينها للتيارات الهوائية خاصة في هذا الوقت |
| جميع الأوقات بتوقيت GMT +3. الساعة الآن 06:13 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو