|
مرض فرخ الدرة مرض خطير
السلام عليكم ،،
إخواني قبل شهر جتني هدية فرخ درة نيبالي و أنا مو خبرة بالدرة... قبل 10 أيام لاحظت أنه فيه خمول و وديته البيطري قالي أن فيه مرض أبورقيبة .. شنو هالمرض ؟ عطاني الطبيب حبوب لونها أخضر أخلطها مع السيريلاك و الحمدلله تحسن .. سؤال ثاني ،، حاليا أوكله بالابرة سيريلأك و موز مهروس و تفاح و ماي ،، متى يبدأ يأكل بنفسه ؟ و متى أقدر أسبحه ؟ و شنو طريقة فطامه ؟ و ثالث سؤال ؛$ أهوا وأيد مزعج ! يحن يحن يحن ! صوته كأنه صوت نورس أو دجاجة هالطقة ! ما يسكت أبد ! شسوي ؟ شكرا و أسفة عالازعاج.. |
رد: مرض فرخ الدرة مرض خطير
وعليكم السلام
الله يتمم شفاءه يارب ياليت اتقولين لنا عمره او تنزلين صوره نعرف منها عمره لان كل اسئلتك تتطلب معرفه العمر اولا عموما وكليه سيريلاك بالابره بس الموز او التفاح مالها داعي الابره اقطعي جزء وحطيه بوعاء اكل نظيف واتركيه عنده ربع ساعه راح يجرب ويعض وياكل ويتعلم ومعروف فرخ الدرةمن نفسه راح يرفض السيريلاك ويصد عنه بعمر ال6 الى 8 اشهر وخلال هالفتره حاول اتقشري حب شمسي وتعطينه وتتركين عنده بالقفص حب شمسي باستمرار راح يجرب ويكسر ويتعلم وتقدرين تستغنين عن احد وجبات السيريلاك ببسكويت منقوع بماء ومعصور دافي او خبزكذلك منقوع بماء دافي ومعصور والدره تعشق الخبز المنقوع وكذلك اسلقي ذره صفراء شبه سلق يعني تروح عنها البروده وحطيه له بوعاء الاكل واتركيه ربع ساعه او رز ابيض مسلوق ودائما لاتتركين هالمواد الغذائيه الطازجه او المطبوخه لاكثر من ربع ساعه بالقفص لانها سريعه التلف ولاتيأسيين مهما لاحظتي انه مايقربها مع الوقت بيقرب منها وبياكل وبالنسبه للحن لانه يرفض البقاء لوحده يبيك خاصه اذا تعود عليك افتحي له القفص خليه يطلع فوقه تحت مراقبتك حطي له العاب بالقفص حاولي اتسلينه كلميه كرري عليه كلمات معينه راح يخزنها ويحفظها وينطقها علميه لا لا على الغلط علميه تعال تعال وامور سهله وموفقه |
رد: مرض فرخ الدرة مرض خطير
مشكورة أختي ! للأسف قاعدة أكتب من موبائل فما أعرف أنزل صور .. عمره تقريبا 3 شهور فيه ريش بس صوب الصدر و الرقبة مافي ريش.. متى أقدر أسبحه ؟
|
رد: مرض فرخ الدرة مرض خطير
تقصدين تو ريشه يطلع؟
معنااه شهر او اقل ياليت صوره بوقت اخر كلامي السابق عن الببغاء الي تخطا ال3 اشهر اما بعمر الشهر والشهرين اكتفي بسيريلاك الفروخ فقط لكن اذا بعمر 3 اشهر سبحيه مرتين بالاسبوع بوقت دافي وبمكان دافي مثل الظهرية وتتركينه اربع ساعات بمكان دافي حتى ينشف كأن تتركينه بقفصه ومغطى القفص بعيد جدا عن اي مكيييف وبماء فقط ونصيحه لا تسبحينه بهالسن تراه صغيير وعرضه لامراض البرد انتظري لين يتخطا الخمس او ست اشهر اكتفي بمسح بقايا السيريلاك ومسح ريشه بفوطه ناعمه مبلله وموفقه |
رد: مرض فرخ الدرة مرض خطير
مرض أبو رقيبه الفايروس المسبب له Paramyxo virosis وسمي بأسمه , حتى تستطيع الحكم والتأكد بأن المرض بطيرك هل الطير لايستطيع التوازن + التواء بالرقبه إذا نعم فهذا مرض طيرك و عادة ما يصيبه من تلوث الماء او الأكل او بطريقه غير مباشره بأن تكون عدوى من طير أو عن طريق نقل المايكروب بالهواء طالما توجد إستجابه هذا امر جيد لكن لايكفي الدواء بدون فيتامينات و الأهم عزل الطير عن الاضاءه المباشره ( شبه مظلم ) لحساسيه الضوء ع عين الطير وهذا ما يأخر علاجه - ( لا ينصح بالترويش بفتره إصابته بالمرض ) ماتبقى تمت الإجابه عليه ................ - بالشفاء يارب |
مرض فرخ الدرة مرض خطير
افادوك الاخواام
تحديدا اختنا صوغه لم تقصر |
رد: مرض فرخ الدرة مرض خطير
http://2zoo.com/vb/<a href="http://w.../441498500.jpg[/IMG]
http://www7.0zz0.com/2012/05/15/09/441498500.jpg هذي صورته اتمنى تقولولي عمره |
رد: مرض فرخ الدرة مرض خطير
اخواني مشكوريييين ما قصرتو... حطيت صورته شوفوها .... و بليز قولولي شنو قصة ازعاجه ؟
|
رد: مرض فرخ الدرة مرض خطير
كلامك يطابق بشكل رهيب مرض النيوكاسيل او التواء الرقبه الفايروسي
وقد يكون الصراخ هي نوبه من نوبات الألم او الجوع لدى الطائر ما اظن الأخت صوغه خلت شي بخصوص طريقه التعامل مع الطير والأخ والمشرف برووف ايضا ما قصر وانا اضم صوتي له بخصوص وضع الطير بمكان مظلم لأنه التحفيز الضوئي او الضوضاء تزيد من حاله الطائر سوء موفقين بكل خير جميعا |
رد: مرض فرخ الدرة مرض خطير
حآلهُ آلريشٍ جداً تعبآنهٍ يآ خويٍ
هذآ عمرهُ شهرُ ونصِ بسٍ بخصوصٍ آنكُ تسبحهٍ لمآ يكملُ شهرينٍ ويكتملُ آلريشٍ كآملُ آمآ آلآزعآجُ هوٍ لآنهُ وحيدٍ + وقتُ آلجوعٍ آنآ عنديٍ فرخُ عمرهُ شهرينٍ وشويٍ ومزعجُ مآيسكتٍ يآكلُ بنفسهٍ ويطيرٍ كلُ شيٍ لكنُ عندهُ مشكلهُ آلآزعآجُ مآتركهآ للحينٍ |
رد: مرض فرخ الدرة مرض خطير
هذا بحدود الشهرين
صغير جدا وواضح عنده نقص بفيتامينات وكالسيوم او حالته تعبانه بسبب مرضه مدري شنو نوع السيريلاك الي تعطينه منه؟ فيه سيريلاك خاص لفروح الببغوات بالصيدليات البيطرية جدا ممتاز لفرخك فيه كل مايحتاجه الفرخ بهذا العمر اسأل الله يشفيه ويحفظه |
رد: مرض فرخ الدرة مرض خطير
مشكورئيين إخواني،، صوغة أوكله سيريلأك عادي من الجمعية قالي البيطري عادي و أخلط معاه موز أو تفاح .. شنو نوع السيريلاك الخاص ؟ و شلون أحسن صحته و ريشه ؟
|
رد: مرض فرخ الدرة مرض خطير
لالا ديري بالج
توكلينه سيريلاك خاص للببغاوات تلاقينه بسوق الحمام بمكان ثاني ما ادري انا بالكويت اشتريه من سوق الحمام *فواز* |
رد: مرض فرخ الدرة مرض خطير
أخوي فواز يعني لازم أوكله السيريلاك الخاص ؟ شلون صاير؟.و الفيتامينات من وين ألقاها؟
|
رد: مرض فرخ الدرة مرض خطير
مايصلح سيريلاك الاطفال نهائيا
فيه سيريلاك خاص لفروخ الببغوات يباع بالصيدليات البيطرية حاولي تجيبينه بأسرع وقت لانه يحتوي على مواد محتاجها الفرخ لنمو العظام والريش والاظافر وكل جسمه اساسا سيريلاك الاطفال سكري وتحتوي على حليب بأي شكل من الاشكال وهذا مايصلح للطيور نهائيا من شفت حالة الفرخ توقعت انه ماياكل سيريلاك فروخ اكتبي بقوقل سيريلاك ببغوات وبتعرفين شكله وموفقه |
رد: مرض فرخ الدرة مرض خطير
الله يعين
ويشافي طيرك انا كأني اشوف الطير كبير شوي يعني اكبر من شهرين واللي في رقبته نتف او من سوء التغذيه الطير في هالعمر المفروض مفطوم ولو ترجعون تدققون بالصوره راح تعرفون انه اكبر من شهرين والشيء الثاني الطير دره هنديه وليست نيباليه النيباليه يكون فيها بقع حمراء بالجناح |
رد: مرض فرخ الدرة مرض خطير
قارنت بينه وبين صور لدرتي وهو فرخ
بلون المنقار والعيون والخط الاسود الي تو بدأ يحيط بالمنقار العلوي والسيقاان العارية مستحيل يكون اكبر من شهرين بس في كلا الحالات شهرين او اكبر محتاج لسيريلاك الفروخ باسرع وقت ومستحيل يفطم فرخ بعمر ال3 اشهر اتحاول اتعلمه على الحب والتفاح والذره وغيرها لكن الاعتماد الاساسي على السيريلاك خاصة بحالة هالفرخ يعاني من سوء تغذية حاد والله يوفقها ويساعدها |
رد: مرض فرخ الدرة مرض خطير
لا فعلا الطير فرخ احبابي وعمره مثل ما تفضلت اختي صوغه حول الشهرين
|
رد: مرض فرخ الدرة مرض خطير
الله يشفيييييييييييه واحب اسالك ليه شريته بهالعمر خذه اكبر يعني 4 او 5 شهور
يكون اصابته بالمرض اقل نسبيا والحين هو صغير ويعتبرك امه عشان كذا خليك جنبه عشان يرتاح ويسكت وويحبببببببببك اككككثر |
رد: مرض فرخ الدرة مرض خطير
البياع قال لأخوي لما شراه أنه نيبالي ! متأكدين إنته ذرة هندية ؟ ! أخوي بيستري السيريلاك إنشاءالله
|
رد: مرض فرخ الدرة مرض خطير
اي اختي متأكدين هذه درة هندية
البائع كذب عشان ياخذ قيمة أكبر لان النيبالية أغلى واكتشف انكم مو عارفين الفرق فاغتنم الفرصة بس لاتحزنين الدرة الهندية ممتعة ان ربيتيها من الصغر وراح تتكلم وتتعلم امور منج ومناعتها ممتازه ان اهتميتي فيها الله يحفظها لج |
| جميع الأوقات بتوقيت GMT +3. الساعة الآن 09:23 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو