|
روكيا ..مريض ..وهذي قصتي معاه
السلام عليكم ورحمة الله وبركاته
باقص لكم قصة الببغاء العنيد ابو راس يابس .. من قبل البارحة وهانا مشغولة لأن عندنا عزيمة أمس..ما بين تجهيز وتحضير ..ومن رجعت من الدوام وانا مشغولة إلى إن راحو الظيوف..راحلت انه ما اكل ظول اليوم ..حاولت اعطيه سوداني ما اكل ولاحظت انه مغمض عينه اليسار ..وبصعوبه يفتحها.. عل الظهر جبت قطرة دموع الصناعية وقطرت في عينه.. وقبل نص ساعه قطرت في عينه ثاني ... وطلعت مادةصفرا من عينه شكلها التهاب وبصراحه مو أول مرة تطلع من عينه..ولما نظفت عينه نزل ياكل .. صحيح ما يفتح عينه مره ...بس احسن من أول وباستمر أقطر عينه هالثلاث أيام ...وحطيت له فيتامين في المويه .. على فكرة بالمثابرة صرت اقدر امسح ظهره صحيح يعصب شوي بس ..صاير يتقبل أكثر من أول وش رايكم |
رد: روكيا ..مريض ..وهذي قصتي معاه
طيب هل طيري مريض مرض خطير؟
|
رد: روكيا ..مريض ..وهذي قصتي معاه
اهلا بك اختي ام صدى بخصوص ما تفضلتي بيه واضح من كلامك انه الطير يعاني من التهاب بالعين وهذا يحتاج له مضاد حيوي موضعي وهو مرهم يباع بالصيدليات العاديه
مثل مرهم الجينتاميسين للعيون وهو ممتاز جدا مرهم النيوميسين للعيون ايضا فعال مرهم كلورام فينيكول ايضا رائع موفقه بكل خير |
رد: روكيا ..مريض ..وهذي قصتي معاه
الله يجزاك خير ويوفقك وين ما توجهت
طيب وفيه زي الزكمه عادي احط له بخاخ أنف؟ |
رد: روكيا ..مريض ..وهذي قصتي معاه
الزكام افضل استخدام التايلان مده اسبوع كامل بجرعه خمسه سيسي من ابره الأنسولين داخل مشرب الماء تغير كل 24 ساعه او ان يكون العلاج مخلوط مع خلطه الثوم والليمون
وان لم يتوفر التايلان نفضل استخدام السبيكتولين بنفس الجرعه وبنفس المده الموضحه اعلاه موفقه |
رد: روكيا ..مريض ..وهذي قصتي معاه
زي ما تفضل اخوي بلاك بيري
وهنا رابط طريقه الثوم والليمون http://www.2zoo.com/vb/showthread.php?t=273779 |
رد: روكيا ..مريض ..وهذي قصتي معاه
قد جربت الثوم والليمون ..وما نفع كثير
طيب المضاد وين القاه ..لأن سوق الحمام بعيد عني أرجوكم وراح اسافر نهاية الاسبوع وباحطه في بيت اخوي ابيه يكون تحسن قبل اوديه |
رد: روكيا ..مريض ..وهذي قصتي معاه
اقتباس:
وكالعاده كل الموجودين هنا أشخاص محترمين ورائعين ولا يبخلون بما فضل الله عليهم من علم ومعرفة |
رد: روكيا ..مريض ..وهذي قصتي معاه
طيب شريت المرهم كيف احطه له؟؟
على الجفن والا جوات العين؟؟ ووين القى المضاد بيض الله وجيهكم |
رد: روكيا ..مريض ..وهذي قصتي معاه
ربي يشفيها :(
|
رد: روكيا ..مريض ..وهذي قصتي معاه
اقتباس:
وتقبل الله دعاءك |
رد: روكيا ..مريض ..وهذي قصتي معاه
اختي حطي المرهم على الجفن وهو راح بعضه يبقا على الجفن وبعضه راح يكون داخل العين وهو ما يضر العين اذا خش ولا يشعر به الطائر لأنه مخصص للعيون . يعني خذي راحتك بس اهم شي حطيه برفق عشان لا تجرحي عين الطائر خاصة الحريم يربون اظافر . . :D
|
رد: روكيا ..مريض ..وهذي قصتي معاه
اقتباس:
ابشرك ما عندي اظافر وباحط له صوره هنا صورته وهو في القفص والاحظ عينه مقفلة : http://www.2zoo.org/uploads/13398570001.jpg طلعته من القفص واخترش وفتح عينه على الآخر .. من الخوف http://www.2zoo.org/uploads/13398570012.jpg الله يوفقكم حيرني وصاير هادي مره ما يزاعق ولا يسوي اي شي |
رد: روكيا ..مريض ..وهذي قصتي معاه
هل من اجابات اخرى بخصوص الصور
وفقكم الله |
رد: روكيا ..مريض ..وهذي قصتي معاه
اهلا اختي ام صدى عفوا على التأخير
بخصوص العلاجات عندك صيدليه بيطريه بشارع الأحساء وعندك بسوق الحمام وعندك عند المحكمه الكبرى الديره او اي محل حيوانات فيها بيطري يعطيكي العلاج مافي مشكله العلاج قدر الأمكان يكون داخل العين ولو خرج خارجه مافي مشكله |
رد: روكيا ..مريض ..وهذي قصتي معاه
بس انا اشوف عينه سليمه بالصورة الثانيه
انصحك بمراجعه بيطري مختص وقوليلي وش رايه بالموضوع |
رد: روكيا ..مريض ..وهذي قصتي معاه
اقتباس:
بس اغلب الوقت ساكت ومقفلها مو عادته يسكت حتى اذا شغلنا الدعايات يزاعق واياها هلحين نايم مره .. واني اروح شارع الاحساء والا سوق الحمام مشوار بعيد جدا ,,,, واغلب الدكاتره في الشمال ما فادوني..اعطوني علاجات وما خفت زكمته..واخر محل تخانقت معاهم لأنه لطعني ساعه وتكلم معي باسلوب سيء وما تحملت ..ومره رحت لبيطري يقص اظافره خلاه ينزف مره محتاره راح اسافر يوم الخميس .. باجرب سوداني في طريق الامام |
رد: روكيا ..مريض ..وهذي قصتي معاه
كأنه صار أحسن الله يوفقكم يا رب صحيح ما زال يغمض بس احسن من ؟أول مو نايم على طول..وطلعت من القفص عشان أدهن عينه
وقف على يدي وقام يصفر .. من الاسبوع الي راح ..وهو ساكت وهاجد اللع يوفقكم ويسعدكم باوافيكم بالجديد ... |
رد: روكيا ..مريض ..وهذي قصتي معاه
أمي سوت له خلطه ثوم وليمون وعسل ..
وقالت اعطيه بالأبرة ..عشان كل ما سويته في المويه حتى لة عطشان يضرب عن الاكل ..وصرت أحط له مرتين المضاد على عينه..وان شاء الله متحسن ومنتعش شوي .. راح الخمول منه |
رد: روكيا ..مريض ..وهذي قصتي معاه
طيب ممتاز الله يبشرك بلخير
اذا اتحسن واتعالج حطي له فيتامينات عشان يعوض النقص خمسة قطرات لمدة خمسة ايام . |
رد: روكيا ..مريض ..وهذي قصتي معاه
الزكمه هل هي عباره صوت زي العصسه او الكحه
انا الي عندي اسمع احيان خرفشه في صدره بالله الي عنده خبر يردلي |
رد: روكيا ..مريض ..وهذي قصتي معاه
أنا طيري واضح من صوته كطفل (يناشق ) يعني في انفه سائل اكرمكم الله
نصحني الاستاذ ابو يزن بعلاج ( Spectylo) جزاه الله خير الجزاء واخذته منه وفقه الله ورعاه وسدد خطاه حطيته في المويه مثل ما قال وشرب منه وان شاء الله خير وما يجي من الله الا كل خير |
رد: روكيا ..مريض ..وهذي قصتي معاه
طيري رجع للخمول والاكتئاب ..ياكل عادي ..ويشرب عادي ...
بس انه ما يصفر ..اذا طلعته من القفص يصفر شوي بعدين يخمل ..واذا دخل نام وما ينتبه لأي شي؟؟ وش السواة الله يجزاكم خير |
| جميع الأوقات بتوقيت GMT +3. الساعة الآن 10:40 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو