|
[كاسكو] يمكن تموت لكن لازم أحاول
السلام عليكم ورحمة الله وبركاته عندي ببغاء كاسكو جايبينه لنا (وضطريت أربيه غصبن عني) لأسباب كتبتها في هالموضوع: الطيور لاتقدم كــ"هدايا" المهم...هي أغلب الظن أنثى... جاتنا مدربه وتحب نمسح على راسها وحبيناها...دلعناها واهتمينا فيها واكلناها ونظفنا قفصها...لكن من يومين اجوفها خموله ولا تاكل ودايما منزله راسها حزينه..او تحرّك راسها كأنها تكش ماي..البراز الله يعزكم قليل جدا لكن لونه أصفر فاقع...امس عطيتها خلطة الثوم مع الليمون: فصة ثوم+نص ليمون في لتر ماء...خمرناه في مكان مظلم في الثلاجه مدة 6 ساعات...عطيناها تشربه بدل ماء الشرب لمدة 10 ساعات وعقب رجعنا للماء العادي (أخذت الطريقه من احدى المواضيع) لكن بعد ماشربت الخلطه بساعه زاعت (رجعّت الماي) ولا اجوفها اليوم مستفيده شي ايش اسوي؟ أعطيها الخلطه مره ثانيه؟ طبعا بيطري مافي أمل لأن ماعندنا غير سفاحين..ولا أعرف صيدليه بيطريه...ماعرف شاسوي...الله يسامح اللي جابوها بدون اذن..كفايه عندي واحد اهتم فيه >< |
رد: [كاسكو] يمكن تموت لكن لازم أحاول
في خطأ ><
لما قلت (زاعت) كنت أقصد (تقيّأت) |
رد: [كاسكو] يمكن تموت لكن لازم أحاول
لا لا خطاء انك تعطي البغبغاء ليمون لأنك تقول في الخلطه ليمون لأني سمعت في احدى الفديوهات ان الليمون مضر للبغبغاء لأنه يسبب جفاف للبغبغاء
بعدين يشرب مويه كثثييير ويجيه وانت بكرامه اسهال |
رد: [كاسكو] يمكن تموت لكن لازم أحاول
واتمنى اني افدتك
|
رد: [كاسكو] يمكن تموت لكن لازم أحاول
^^
ليمون مفيد للببغاء ولاكن كثرته تضر |
رد: [كاسكو] يمكن تموت لكن لازم أحاول
والله مدري بس انا سمعت ان الليمون مو بزين و انت اعرف
|
رد: [كاسكو] يمكن تموت لكن لازم أحاول
الافضل تقديم خلطة الثوم بالليمون .. لها فوائد جداً ممتازة
|
رد: [كاسكو] يمكن تموت لكن لازم أحاول
http://www.youtube.com/watch?v=SXP6y7BpF80&feature=relmfuهذا الفديو الي علمني وش احسن اكل له مره افادني ويمكن يفيدك
|
رد: [كاسكو] يمكن تموت لكن لازم أحاول
عاشق أصوات البلابل
الفيديو مفيد جدا وحفظته في المضله...يعطيك العافيه ^^ لكن لفتت نظري وحده من الكومينتات اقتباس:
------------------------------------- aburagad123 انا خلطت الليمون بالثوم لكن الببغاءه تقيّأت وزاد مرضها اليوم..شوي زاد..فماعرف اعطيها مره ثانيه ولا لا..لن يقولون كثرته تضر -__- |
رد: [كاسكو] يمكن تموت لكن لازم أحاول
انا سويت لها الخلطه مره ثانيه وبعطيها اخر الليل والله يعين .__.
|
رد: [كاسكو] يمكن تموت لكن لازم أحاول
زاعت فهمتها احنا نقول مثلكم زاعت بس قليل يفهمها فنبدلها بكلمة رجعت او تقيأت ^_^ الله يشافي ببغاك شوف فيه موضوع يتكلم عن براز الببغاء لما يكون اصفر يكون فيه مرض معين ومذكور ومعروف وعلاجه ايضا معروف ومذكور بموضوع بالمنتدى هذا ابحث عنه وبالتوفيق |
رد: [كاسكو] يمكن تموت لكن لازم أحاول
كثيرين لما أقول لهم "زاعت" مايفهمها..يمكن حسب المنطقه ^_^
أيوه حصلت موضوع عن البراز والعلاج...لكن مع الاسف مافي صيديليه بيطريه عندنا...بس كثيرين ينصحون بخلطة الثوم والليمون لكن مشكله مب عارفه شلون أستعملها بدون ماتضر الطير -__- |
رد: [كاسكو] يمكن تموت لكن لازم أحاول
شتقولون ؟
لا تعطينا ليمون لانه يزيد الاسهال حرام عليكم ياللي فوقي انتوا بتزودون المرض الله يهديكم حاليا لا تروحين البيطري روحي بس اخذي دواء اسم الدواء PLOVET 7 IN 1 ان شاء الله خمس ايام وما تشوف شر :):):) *فواز* |
رد: [كاسكو] يمكن تموت لكن لازم أحاول
مادريت الليمون هالكثر ضار...مستغربه ان الناس تمدح الخلطه وتقول تنفع .__.
خلاص...بدور على صيدليه بيطريه ويارب اتوفق...ولو ما حصلت فراحت المسكينه ;__; |
رد: [كاسكو] يمكن تموت لكن لازم أحاول
يمكن الثوم قوي عليها فلذلك رجعت او بمعنى اخر طرشت
|
رد: [كاسكو] يمكن تموت لكن لازم أحاول
طيب هي ذكر ولا انثى
|
رد: [كاسكو] يمكن تموت لكن لازم أحاول
أغلب الظن أنثى...من شكلها وصوتها
|
رد: [كاسكو] يمكن تموت لكن لازم أحاول
والله ماعندي خبره ومبتدئه بس جرب العسل ممكن ينفعها انا ببغائي كان كذا خلطت له عسل مع الحب حقه صار يقط الحب ويدور العسل
والحين يزقحه فديته والله يشفي لك ببغاائك ياارب |
رد: [كاسكو] يمكن تموت لكن لازم أحاول
اختي الفاضلة
بالنسبة لخلطة الثوم بالليمون جداً مفيده لجميع الامراض .. وطريقة التحضير والتقديم كالتالي : 3 فصات ثوم تهرس جيداً + نص ليمونه + 1 لتر ماء .. تخلط مع بعض وتترك لفترة 6 ساعات وتقدم للطائر بالنسبة للتقديم : في حالات المرض تقدم من 5 إلى 7 ايام .. تترك عند الطير نص يوم وتقديمه اليوم الثاني وفي حالات الوقاية تقدم مره واحده في الاسبوع بالنسبة للإسهال اكرمكم الله .. ياليت توصفي حالة الاسهال .. او تدرجي صورة أتمنى الشفاء العاجل لطيرك |
رد: [كاسكو] يمكن تموت لكن لازم أحاول
ما قصروا الأخوان
|
رد: [كاسكو] يمكن تموت لكن لازم أحاول
والله يا اختي انا تلخبط مكان لاني اول مرة اشوف الخوة مختلفين على العموم ماتخليها حقل تجارب حاولي تجوعيها لفترة ثم نوعيلها في الاكل (من اجل ان تاكل ) وربي يفيدك ويشفيها لك بس اتمنى انك مل تحسسيها انك ما تبيها لان الطير يحس بنفس صاحبه
|
رد: [كاسكو] يمكن تموت لكن لازم أحاول
اذا مابدك ياها يمكن تبيعيها لي هههههههههه اذا الموضوع هامك راسليني على الخاص
|
رد: [كاسكو] يمكن تموت لكن لازم أحاول
انا على طول احط لكل طيوري في الموية عصرة ليمونه وماشاءالله تبارك الله والحمد لله مايمرضون لانه يحميهم من الامراض ....
|
رد: [كاسكو] يمكن تموت لكن لازم أحاول
واللع ما قصروا الاخوة الكــــــرااام
|
رد: [كاسكو] يمكن تموت لكن لازم أحاول
ممكن يصيب الببغاء الاسهال
والاسهال من اكثر الامراض اللي تصيب الببغاء بشكل عام انا بقولك على انواع الاسهال اللي هو اسهال ابيض واسهال اخضر والاسهال الابيض اخطر من الاخضر لان الاسهال الابيض ممكن ينتقل للطيور الثانيه الموجوده عندك وتعرف اذا طيرك اصيب بالاسهال تحس ان فيه خمول وكسل وخروج الافرازات من الطير وسبب مرضه بالاسهال هو ااكثار الطعام مثل الخضروات او الموية البارده او البرد العلاج اول شي تعزل الطير عن باقي الطيور وماتعطي الطير خضروات ابدا الين يتعافى واهم شي تنظيف القفص بشكل مستمر وتحط في ماء الطير قطرتين زيت زيتون |
| جميع الأوقات بتوقيت GMT +3. الساعة الآن 07:23 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو