|
إطعام الفروخ ( الغر ) !!
السلام عليكم و رحمة الله و بركاته تحية طيبة و بعد ،،، عندي فرخين لاتينو بعمر أسبوعين حاليا ً عزلتهم عن أبويهم و أنا متكفل بالتغذية و الرعاية ( أسأل الله التوفيق :( ) لكن واجهتني مشكلة و أبغى لها حل منكم لو تكرمتم الفروخ صحتها كويسة و لله الحمد و تستجيب للأكل من يدي أضع الأكل بين أصبعي السبابة و الإبهام ( توست ، بيض مسلوق ، خس ، ....... إلخ ) و الفروخ تقعد تنقز و تاخذ الأكل من بين أصابعي و تبلع ( وناسه الصراحة :88: ) لكن المشكلة الفروخ ما تقبل الإبرة نهائيا ً كل ما أحاول إني أغرهم بالإبره ترفض الفروخ ، و تقفل فهما و تتراجع للوراء أيش الحل في نظركم ؟ أفيدوني جزاكم الله خيرا ً |
رد: إطعام الفروخ ( الغر ) !!
وعليكم السلام ورحمة الله وبركاته
اخوووي عبود الغالي الله يقويك شي كويس ان فروخك بدءت في التقبل بالأكل عن طريق اصبعك وهذا شي ممتاز هذا الشي مساعد ممتاز للفطم يالغالي انا فرووخي ابدء في فطهم في هذا العمر يعني اسبوعين ونصف يعتبرو جاهزين للفطم لكن مشكلة الابره يالغالي للغر ما يتقبلوه انت حاول معهم بالقوه يالغالي افتح فمهم وغرهم يوم يومين راح يعرفوا ان هذا مصدر اكل لهم لكن يالغالي عبووود ان اوافق على تكملة الاطعام اليدوي وتمكل معاهم وحاول في كل يومين اعطيهم ابره وحده للغر افتح فمهم وغرهم بالغصب موفق يالغالي اتمنى اني ارويتك بمعلومات تكفيك وتريحك |
رد: إطعام الفروخ ( الغر ) !!
كمـ ـآآ قـآل لـك آلـآخ آلـكريـم..{آبـوو ريمـ ـآآن}.. حـآآول آجبآرهـم علـى آلتطعيـم بـآلسرنجـة وآيضـآآ لآتهـ ـمل آطعـآمهم بيـدك لك أجمل تحية |
رد: إطعام الفروخ ( الغر ) !!
أخي الفاضل : أبو ريمان أخي الفاضل : عاشق الكوكتيييل أخجلتماني بطيب ردكم شكر الله سعيكم ، و أدامكم على فعل الخير سأفعل بنصائحكم الموقرة ، و لن أنساكم من الدعاء أكرر شكري و تقديري العميقين شكرا ً لكم :) |
رد: إطعام الفروخ ( الغر ) !!
متى يمكنني أن أفطم الفروخ و أجعلهم يعتمدون على أنفسهم في الأكل ؟ و كيف هي الطريقة الصحيحة لذلك ؟ أفيدوني جزاكم الله خيرا ً |
رد: إطعام الفروخ ( الغر ) !!
ألوووو أين أنتم أيها المخضرمووون ؟ ناطركم :cool: |
رد: إطعام الفروخ ( الغر ) !!
يفطمون بعمر الشهر والنصف والبعض يفطم الفروخ بعمر الشهرين .. وان بعض الفروخ تدلعت تنفطم بعمر الشهرين واسبوع " الافضلية ان الفروخ تنفطم بعمر الشهرين "
لما يكتمل ريش الفروخ ويصير حجمهم زين .. تحط لهم اناء للماء واناء ثاني به حبوب .. بالبداية الفروخ بتلعب بالحبوب .. استمر بالغر .. اليين تلاحظ انهم يبدأو بتقشير الحبوب اول شيء مابيقشروهم عدل ويمكن يقشروهم ويتركوا اللب ههه .. طبعاً في هالفترة تغرهم .. اليين تشوفهم فعلاً يأكلون الحبوب .. ولما تشوفهم يأكلون ويشربون بنفسهم اقطع الغر كذا الطريقة الصحيحة تقريباً .. لان مايصلح قطع الغر فجأة .. يصير بالتدريج وبالامكان تقدم لهم بيض مسلوق بالبقصماء بطبق علشان يتعودوا عليه |
رد: إطعام الفروخ ( الغر ) !!
اتوقع يا اخي ان الاعضا كفو ووفو وحقيقه استفتد
|
رد: إطعام الفروخ ( الغر ) !!
طيب أنا الحين أشوفهم نحاف و هزيلين بالحيل أعطيهم سيريلاك من هذا النوع ( هاندمكس ) http://im25.gulfup.com/2012-09-09/1347172046201.bmp بس ما يتقبلونه كثير ، ياكلون شوي و بعدين يرفضون ياكلون :mad: و بصراحة ماني معتمد على هالسيريلاك بالحيل أنا أأكلهم بيدي ( بيض مسلوق - بطاطس مسلوقه - توست بر - خس - جرجير ) أيش ممكن في أشياء تسمنهم و تخلي صحتهم كويسه و يتربربون ؟ |
رد: إطعام الفروخ ( الغر ) !!
ألوووو وينكم يا جماعة ؟ الشباب مشغولين بالمدارس هاهاهاهاهاه :12: الله يوفق الجميع ياااارب |
رد: إطعام الفروخ ( الغر ) !!
الفروخ ماتقبلت الهاندمكس .. لانهم من البداية تعودوا على الوجبات اللي تعطيهم اياها
يمكن سبب نحافتهم ان عدد الوجبات قليلة او غير مشبعة لهم او فيه وقت طويل بين كل وجبة واخرى بالعادة البيض المسلوق يخلي الطيور تسمن |
رد: إطعام الفروخ ( الغر ) !!
شكر خاص للأستاذ ( جورجي ) على تفاعله و مجهوداته الواضحة فعلا ً أجوبتك تدل على عمق خبرتك و حرفيتك و تفانيك في ممارستك لهذه الهواية كلامك صح 100% و كأنك عايش الوضع هاهاهاهاهاه :12: بسم الله ما شاء الله تبارك الله عليك ، عيني عليك باردة ، اللهم صلي على النبي الشكر موصول للجميع أيضا ً شكلي طفشتكم بكثرة الأسئلة لكن معليش إستحملوني :shy: أنا أغر طيوري طبعا ً عشان أبغى أولفهم و أخليهم يجوني طيران و أعلمهم حركات بهلوانية زي الشقلبة و الدوران على اليد و من هذا القبيل لكن ألاحظ عليهم خوف في البداية لمن أجي أغرهم و يحاولو يهاجموني و يدافعو عن نفسهم كيف ممكن أقدر أمنعهم من الخوف و أعلمهم هذه الحركات البهلوانية و كيف كمان أقدر أخليهم يتكلمو و ينطقو بعض الكلمات ؟ بالله اللي يعرف الطريقة لا يبخل علينا و له دعوة صادقة مني في ظهر الغيب |
رد: إطعام الفروخ ( الغر ) !!
العفو اخوي .. يسعدني خدمتكم وافادتكم
خبرتي من القراءة من المواقع الاجنبية ومن تربية الطيور :) عادي اخوي .. اي سؤال اطرحه وان شاء الله تلقى الاجابة شيء حلو انك تبي تدرب الفروخ .. في العادة في تدريب الفروخ يكون كل فرخ لوحده بقفص .. علشان لاينشغلون الفروخ مع بعض ومايستجيبوا للتدريب خوف الفروخ منك من اول مابتديت بالغر او الان صاروا يخافون ؟ تحتاج الى ان يكون كل فرخ لوحده وكل فرخ يتدرب لوحده قبل فترة ربيت ثلاثة فروخ روز " طيور حب " بالبداية كانوا لطيفين ويجون للابرة ويطيرون لي علشان ينغرون :freind: لكن من انفطموا ولانهم كانوا جميع بقفص واحد تمردوا وصاروا يخافون ورفضوا يطيرون لي وقاموا الاثنين الكبار يعضون ههههه المقصد من الكلام السابق في تربية وتدريب فرخ واحد افضل من تربية عدة فروخ .. بالبداية بيجون لك علشان ينغرون لكن من ينفطموا وكانوا مع بعض بقفص بيسحبون عليك لكن لو كان فرخ واحد .. هالفرخ راح يتعلق فيك مرره وراح يتعبرك محور اهتمامه .. يعني بيعتبرك امه وابوه وراح يلاحقك كل مكان :) فروخك ان وصلوا لعمر مناسب للفطام افطمهم بالتدريج ودرب كل فرخ لوحده .. الخوف اللي فيهم جوعهم فترة بسيطة او موعد وجبة الغر غرهم جزئية بسيطة وتصفر لهم من مسافة علشان يجون لك وتغرهم .. في العادة فروخ الغر يعلمونها تصفيرة معينة واسم للفرخ .. ولما بيغروهم يصفرون لهم او ينادونهم بالاسم .. ولما يكبر الفرخ شوية يصفرون له من مسافة علشان يجي لهم الفرخ او يطير لهم .. ولما يكبر الفرخ وينفطم يصفرون له علشان يطير لليد ويعطوه مكافأة " حبوب او طعام يفضله الفرخ " يعني الطير لما تصفر له بيتعود يطير لك :) للتدريب على الكلام تبتدي بكلمة سهلة وترددها يومياً قدام الطير واذا نطقها تدربه على كلمة غيرها او جملة من كلمتين وهكذا .. الذكور افضل بالكلام من الاناث هذي فيديوهات لكيفية تعليم الطيور بعض الخدع والحركات .. تصلح للكروان في التدريب يستخدمون الكليكر وعصا خشبية ومكافاة للطير ..ويجوعون الطير علشان يستجيب لهم .. مع اني مااحبذ تجويع الطيور علشان تدريب هذا لتعليم الطير المرور من خلال انبوب http://www.youtube.com/watch?v=1d4BLDArPd0 وبرضو هذا فيديو لبادجي وتدريبه للعبور خلال انبوب " البادجي المسكين صار من الثانية رقم ثلاثين - منتصف الفيديو - يراكض من الجوع علشان المكافأة ههه " http://www.youtube.com/watch?v=l-8WHd50bQ8 وهذي لتعليم الطير فتح اجنحته http://www.youtube.com/watch?v=qhJYy...eature=related وهذي لتعليم الطير ان يحط كورة بالوعاء " المعذرة اول 15 ثانية من هالفيديو توجد موسيقى وبعدها مافيه " http://www.youtube.com/watch?v=FoBZ2...eature=related |
رد: إطعام الفروخ ( الغر ) !!
نسيت اضافة .. علشان يروح الخوف من الفروخ .. اقضي معاهم وقت اكثر وحك لكل فرخ راسه
الكروان يحب حك الراس ويسترخي لما احد يحكه له :) |
| جميع الأوقات بتوقيت GMT +3. الساعة الآن 06:03 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو