فالنتناقش / الكلب البلدي .
 

السلام لعيكم ورحمة الله وبركاته

انا جبت موضوع منقول الصراحة بس عجباني جامد

فقولت اكيد يعجبكوا

الموضوع عن الكلب البلدي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
السلام عليكم
========


الكلب البلدي


يعني بالاسم الصحيح كلب الشوارع




محدش فكر قبل كده خالص فينا انه يشتري كلب بلدي

او بلاش يشتريه ينزل يتمشي في الشارع تحت بيت او جحر او اي حتة

وياخدلوه جرو صغير يربيه تربية صحيحه





ويديلوه طبعا كل التطعيمات الخاصة بكل مرحله عمرية لسن الكلب

وضد كل الفيروسات وحقن وامصال ضد الجرب والمناعه وكل حاجه

وياكله صح مش يملأ بطنه ومعدته بس لا

لازم كمان الاكل يكون فيه كل الفيتامينات والمواد الي بتساعد علي نمو الكلب نمو صحيح

ويدربه كويس كل الاوامر لان مع العلم

(ان الكلب البلدي له القدرة علي تلقي الاوامر بسهولة)

تعتقدوا بعد كل التربية دي والعناء ده هيطلع الكلب وحش

وملهوش اي لازمه طبعا لا



احنا عاوزين نجرب ونشيل فكرة ان الكلب البلدي ده ملهوش اي لازمه

وعاوزين نحط في فكرنا ودماغنا ان الكلب ده

خلقه ((( الله عز ــ وجل )))) زي باقي الكلاب التانية مش ازيد ولا اقل

وسعات لما حد من الاعضاء الجدد بيكون عنده كلب بلدي

وعاوز يستفسر عن شوية معلومات تلاقي الناس التانيه بتعامله

علي اساسا ان الكلب ده وحش جدا يعني والناس الوحشه بس هيا الي بتربيه

لكن بالعكس .......

مع العلم :-


ان الكلب البلدي شديد الوفاء لصديقه ، وهو نتيجة فصائل كثيرة من الكلاب ،

وبيبقي ليه اشكال كتيره واحجام مختلفة ، والكلب البلدي

من افضل كلاب الحراسة علي الاطلاق ويصلح لكل شئ وكل غرض ،

ويكثر في الدول العربية وكثير من الاوروبين يفضلون هذه

السلاله لقوة تحملها وذكائها ونشاطها .

والكلب البلدي شجاع جدا وشديد التعلق بصاحبه .

واقعه شاهدتها :-


كان فيه كلب بلدي بس كان هو الوحيد الي حجمه ضخم جدا في منطقة لصديقي

وكان واحد صاحبه جايب كلب بلاك جاك في المنطقة دي

كان الكلب ده شرس جداااااا مع البشر فصحابه حب انه يدخله علي الكلب البلدي ده

علشان يوري الناس مدي شراسه كلبه البلاك جاك

فلما جبنا الكلب البلدي ده ودخلناه في عراك مع البلاك جاك وكلنا

حاطين في بالنا ان البلاك جاك هو الي هيهزم البلدي لانه بلدي

لكن ما شاء الله قدر الكلب البلدي انه يتغلب بسهولة جدا

علي الكلب البلاك جاك وكان هيقتله كمان لولا تدخل صاحب الكلب

ولكن .....

الكلب البلدي ده رغم شراسته الشديده جدا جدا جدا دي

رغم كده ان الانسان لو هوشه بايديه او طلع يجري وراه

هتلاقي الكلب البلدي ده اختفي من علي وجه الارض اصلا

وده بيرجع علي الي بيشوفه الكلب في البيئة

وتعامله مع الانسان وازاي بيشوف ان الانسان ده مجرم كبير مع هذه الكلاب الضالة .



فمن هذا المنطلق ^

دعونا نتناقش حول قضية الكلب البلدي

ونريد ان نتشاور ونري كل الاراء والافكار حول هذه القضية

مستنيكم ،،،،

رد: فالنتناقش / الكلب البلدي .
 

وعليكم السلام ورحمة الله وبركاته


بصراحة موضوع ممتاز

وبصراحة يا اخي انت عندك حق ان الكلب البلدي مظلوم جدا

وانا كان نفسي اجرب ان اربي كلب بلدي تربية صحيحة وبعد

قرأتي لهذا الموضوع ازداد بي الحماس وقررت ان اربي كلب

بلدي واربيه تربية صحيحة وسوف اخبرك بالنتائج

واود ان يتشجع الاعضاء ويخضوا هذه التجربة :88::88:

رد: فالنتناقش / الكلب البلدي .
 

الحمد لله ان الموضوع عجبك

وفعلا قررت انك تربي كلب

فعلا الكلاب دي حلوة ومظلومة

وشكرا علي الرد

بالتوفيق

رد: فالنتناقش / الكلب البلدي .
 

والله من افضل الكلاب
ولما بتهتم بيها بتكون جميله جدا
زيها زي اي نوع لكن لاسف
الناس عندها عقده الخواجه
قطه او كلب بلدي بالنسببالهم يعني امراض وتلوث
مع انهم زيهم زي اي نوع تاني محتاجين اهتمام مش اكتر..

رد: فالنتناقش / الكلب البلدي .
 

الموضوع بجد هايل بس المشكله النظره الدونيه للكلب البلدي...
احنا كوطن عربي عندنا سلالات خاصه بس المشكله عقدة الخواجه المتأصله في مخنا مش للكلاب بس بس كل حاجه...
الكلاب ارمنت في صعيد مصر
كلاب كنعان في فلسطين
السلوقي في الخليج
وغيرها بس احنا لسا بنسم الكلاب في الشوارع. ..
المشكله مشكله ثقافه....
بس انا ساعات بشوف تقليبها فوق الممتاز بش مالهاش نصيب في الاهتمام و الرعاية. .
و في كلاب انصاف كلاب و غبيه و خدا حقها

رد: فالنتناقش / الكلب البلدي .
 

الصراحة معاك حق يا كبير فعلا في كلاب مش حلة وتعد من اشهر الكلاب بس برضه البلدي حلو جدا جدا

وحتي تربيته دي بتدي ثواب للشخص

شكرا ليكوا منورنا في الموضوع

رد: فالنتناقش / الكلب البلدي .
 

موضوع رائع بصراحه طول فترة تربيتي لفصائل الكلاب كانت المزرعه لاتخلو من الكلب البلدي وكان يتقن الاوامر بسرعه تحسه يقول هذا الجيرمن مو احسن مني هههههه

رد: فالنتناقش / الكلب البلدي .
 

ههههههههه منور يا كبير

رد: فالنتناقش / الكلب البلدي .
 

شكرا على الطرح الرائع! التربية بالحب هي اللي تخلي الحيوان متعة وفرد من العائلة. وليس النوع! وسمعت ان الكلب البلدي من اشد أنواع الكلاب وفاء وذكاء وإخلاص!

رد: فالنتناقش / الكلب البلدي .
 

فعلا والله كلام صح بس الناس بتعمله علي انه مش حيوان :(

رد: فالنتناقش / الكلب البلدي .
 

الحين انت تريد الناس تساعد الكلب البلدي وانت وصاحبك اللي جايبين بلاك جاك وخليتوه يتقاتل مع الكلب البلدي بس عشان تتمدحوا بكلبكم؟

رد: فالنتناقش / الكلب البلدي .
 

متابع وشكرا على الموضوع الرائع .. فعلا انا بحاجه بالفتره القادمه لكلب للحراسه لاكن طريقه التدريب لو تكرمتوا

رد: فالنتناقش / الكلب البلدي .
 

بارك الله فيك على فتح وماقشه هذا الموضوع الجميل انا شخص بسيط من ارياف مصر وما اجمل واقوى واذكى هذا النوع من الكلاب (الكلاب البلدى) عندنا والله انها جميله وكما قلت ليست بحاجه الا الى الاعتناء البسيط مننا كمربيين وجزاك الله خيراً

رد: فالنتناقش / الكلب البلدي .
 

في الاسلام ذكر الاحسان لاي روح! ودخل رجل الجنة في كلب ! ولم يحدد النوع! الحيوان الطف واوفي من الانسان وبيثمر في الخير.
عَنْ أَبِي هُرَيْرَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ:
بَيْنَمَا رَجُلٌ يَمْشِي بِطَرِيقٍ اشْتَدَّ عَلَيْهِ الْعَطَشُ فَوَجَدَ بِئْرًا فَنَزَلَ فِيهَا فَشَرِبَ ثُمَّ خَرَجَ فَإِذَا كَلْبٌ يَلْهَثُ يَأْكُلُ الثَّرَى مِنْ الْعَطَشِ

فَقَالَ الرَّجُلُ:
« لَقَدْ بَلَغَ هَذَا الْكَلْبَ مِنْ الْعَطَشِ مِثْلُ الَّذِي كَانَ بَلَغَ بِي »
فَنَزَلَ الْبِئْرَ فَمَلَأَ خُفَّهُ ثُمَّ أَمْسَكَهُ بِفِيهِ فَسَقَى الْكَلْبَ
فَشَكَرَ اللَّهُ لَهُ فَغَفَرَ لَهُ .

قَالُوا يَا رَسُولَ اللَّهِ وَإِنَّ لَنَا فِي الْبَهَائِمِ أَجْرًا فَقَالَ نَعَمْ فِي كُلِّ ذَاتِ كَبِدٍ رَطْبَةٍ أَجْرٌ
صحيح البخاري 2323 / صحيح مسلم 2244

رد: فالنتناقش / الكلب البلدي .