|
هنا تجمع هواة القطط المصريين فقط
السلام عليكم
اولا انا بحب منتدى القطط جدا جدا جدا لانى من اكبر محبى القطط وحبيت انى اعمل حاجة نبسط بيها قططنا يعنى ندلعهم بالاكل والشرب والالعاب ولاقدر الله لو قططنا تعبوا نوديهم لاحسن دكاترة طب كل ده حنعرفه ازاى ؟ فكرت انى اعمل تجمع لاهل مصر ونفيد ونستفيد من بعض ... يعنى كل حد يدخل يقول لنا اشترى ايه لقطته ومنين وبكام وياريت لو يكون فيه صور .. كمان اسامى الدكاترة واماكنهم وكفائتهم وتمن الكشف بتاعهم وكل حاجة ارجو اكون وضحتلكم صورة الموضوع بتاعى ... منتظرة منكم الردود :) |
رد: هنا تجمع هواة القطط المصريين فقط
انا اول واحدة حعمل مشاركة .. صاحبة الموضوع بقى هههههههههههه وانا حبدأ بـــــ جدول تطعيم القطط التطعيم الرباعي او FVRCP للحماية من 4 امراض ...: rhinotracheitis, calicivirus, panleukopenia and chlamydia التطعيمات عند 8..12..16 اسبوع اى ( 2 و 3 و 4 شهور ) من العمر وجرعة تنشيطية سنوية السعار او RABIES virus ابتداءا من سن 4 شهور ومش قبل كده .. الجرعة الاولية يستمر مفعولها لمدة سنة واحدة وبعدين كل جرعة تنشيطية booster dose يستمر المفعول 3 سنوات FELV vaccine اسمه Feline leukemia vaccine للحماية من leukemia virus.. ويبدأ اعطائها عند 10 اسابيع من العمر او اكبر اى عند عمر ( شهرين ونصف ) مع جرعة تنشيطية سنوية .. الدفعة الواحدة على مرتين الفرق بينهم من اسبوعين الى ثلاثة اسابيع . الجدول التطعيمي للقطط :- 8 اسابيع ( شهرين ) : الجرعة الاولى من FVRCP و FELV TEST 10 اسابيع ( شهرين ونصف ) : الجرعة الاولى من FELV.... 12 اسبوع ( 3 شهور ) : الجرعة الثانية من FVRCP.. 13 اسبوع ( 3 شهور واسبوع ) : الجرعة الثانية من FELV. 16 اسبوع ( 4 شهور ) : الجرعة النهائية من FVRCP وتطعيم ال RABIES ملحوظة :ال FELV TEST اختبار يجرى لتطعيم ال FELV وعند اي سن للقطط . ملحوظة : عدم اعطاء اي قطة اصغر من 16 اسبوع ( 4 شهور ) تطعيمين مع بعض في نفس الوقت. القطط البالغة :-لو كانت قطتك كبيرة في السن ولم تعطها اي تطعيم .. - جرعتين من FVRCP مع 4 اسابيع بينهما ( شهر ) . - جرعة سنوية من ال RABIES - FELV TEST. - جرعتين من ال FELV مع 2-3 اسابيع بينهما . ___________________________________________ اوقات التطعيمه للقطط هي على ثلاث مراحل بعد الولاده المرحله الاولى عند بلوغ القطه الشهرين , وهي اول تطعيم : وتطعم من مرض: الالتهاب الرئوي - الالتهاب المعوي - والقليل يفضل الديدان المرحله الثانيه عند بلوغ القطه ثلاث اشهر , وهي التطعيمه الثانيه: وتطعم ضد مرض: الالتهاب الرئوي. الالتهاب المعوي. الالتهاب الكبد لاول مره اللوكيما " سرطان الدم " لاول مره الديدان اذا لم تطعم عند عمر شهرين المرحله الثالثه عند بلوغ القطه ست اشهر , وهي التطعيمه الثالثه : وتطعم ضد مرض : الالتهاب الرئوي. الالتهاب المعوي. الالتهاب الكبد. اللوكيما "سرطان الدم ". الديدان اذا لم تطعم عند بلوغها ثلاث اشهر. وهذه المرحله تتكرر كل سنه نفس التطعيمات. اما الديدان فهي كل ست اشهر. *ملاحظه : لقاحت الديدان خطره جداً اذا طعمت مرتين بأقل من ثلاث اشهر لذلك انتبه من مواعيد التطعيم وسجل جميع البيانات على دفتر خاص ولا تعتمد على ذاكرتك او شهادات التطعيم التي من الممكن لا تسجل جميع البيانات او تختفي منك فجأه بالنسبة للتطعيمات ممكن نعملها عند الدكتورة و هى بتديكم شهادة -- الكشف بتاعها ب 20 جنيه و التطيعم الابرة ب50 جنية ولو احتجتم العوان او ارقام التليفون انا تحت امركم كمان فى المستشفى البيطرى واعتقد انهم بيطعموا مجانا وده عنوانها : محطة مصر أمام باب المحطة الجانبي بجانب القوات المسلحة العناوين دى فى الاسكندرية |
رد: هنا تجمع هواة القطط المصريين فقط
بالتوفيق
فكره فضيعه بس للاسف انا مش مصري بس حبيت احييك على الفكره |
رد: هنا تجمع هواة القطط المصريين فقط
مرسيه يا مهند زكلك زوق وممكن برده اخواتنا العرب من كل البلدان الاستفادة من المواضيع والمشاركات الموضوعة زى مثلا جدول التطعيم اللى حطيته ده .. بيخص كل الناس مش المصريين فقط
فى انتظار باقى الردود |
رد: هنا تجمع هواة القطط المصريين فقط
اها فكرة شوي غريبة بس رح اتابع الردود وان شاء الله تنجح:) كمان انا مش مصرية بس حبيت ارحب فيكي في المنتدى:)
|
رد: هنا تجمع هواة القطط المصريين فقط
حلو اوى الموضوع ده بجد تسلم ايدك انا كمان بحب القطط كتير اوى وعندى 3 قطط بنات اخوات بس انا في القاهرة وعايزة عنوان مستشفي بيطرى اقدر اروحله عشان الدكتور الى بروحله حساه مش متمكن كويس وكمان مديتهاش اى تطعيمات وهما دلوقتى 11شهر
اديتهم بس حقن لتساقط الشعر ميرسي بجد |
رد: هنا تجمع هواة القطط المصريين فقط
اختي مرمر المصرية ربما يساعدك هذا الرابط http://www.elbanhawy-dog-center.com/...files/main.htm
|
رد: هنا تجمع هواة القطط المصريين فقط
roshy&hany حبيت اشكرك على الفكره الرائعه فعلاً
كذا راح تنفع الاعضاء من بلد واحد ليتبادلو الاراء والمعلومات فيما بينهم فكره رائعه وانا من بلدك الثاني السعوديه تقبلوووو مروري وشكراُ ( كاسكـــو ) |
رد: هنا تجمع هواة القطط المصريين فقط
مرسيه ليكم كلكم وخصوصا (( سويت دريم - كاسكو - مرمر ))
بجد رفعتم روحى المعنوية واتمنى اننا نستفيد بجد من الموضوع ده وانا عندى حاجات كتير حقدمها فى الموضوع ان شاء الله تفيدكم ........... بس عايزة اطلب منكم طلبين بعد اذنكم اولا : انكم تسامحونى على التاخير فى الرد ثانيا : انكم تدعولى عشان انا عندى امتحانات وعندى امتحان دلوقتى واتاخرت عليه هههههه ربنا يستر انا حمشى دلوقتى ودعواتكم بقى واول ما ارجع حرد على طول على كل استفساراتكم ..... بحبكم اوى فى الله يا مربيات القطط (( والتاء تاء التانيث )) ههههههه اصل عندى امتحان لغة عربية |
رد: هنا تجمع هواة القطط المصريين فقط
السلام عليكم
من ناحيه التأخير في الرد عذرك معاك ومسموحه خذي راحتك راح ننتظرك ان شاء الله وانا ادعي لك من كل قلبي ان الله يوفقك وييسر امورك في الامتحانات وتنجحي بأمتياز ان شاء الله تحياتي .. كاسكـــو |
رد: هنا تجمع هواة القطط المصريين فقط
فكرة مميزة بالفعل ياريت كل الاعضاء اللي من مصر يشاركون علشان تتم الفائدة يعني خل يكون بينكم تواصل بطريقة انكم تدلون بعض على اماكن بيع الاطعمة وماهي افضل البيطريات وغيره يعني كل شخص من مصر يسئل سؤال ياريت مواطنيه يردون عليه ميرسي . . . |
رد: هنا تجمع هواة القطط المصريين فقط
يارب يخليكم يارب .... انا خلصت الامحانات وفضيت لكم ههههههه
بس انا مش شاية اى تفاعل ولا اى مشاركة .. حتخلونى ليه ازعل منكم عموما الرد الجاى حتبقى تانى مشاركة منى ليكم انتظرونى لان المشاركة الجاية اكيد ان شاء الله حتبقى مهمة وفعالة الله المستعان |
رد: هنا تجمع هواة القطط المصريين فقط
ممكن كل واحد يحط نوع الدراى فود والرمل الطبى مع ذكر اسمائهم طبعا واسعارهم والاماكن اللى اشتراها منهم
انا عن نفسى اشتريت دراى فود للكيتن اسمه (( joe fid my cat )) بس للأسف طلع مصرى وكل اصحابى قالولى ان الاحاجات المصرى دى بتبقى وحشة جدا .. هو كيلو ونصف تمنه 22 جنيه وهو عبارة عن قلوب الوان مختلفة - اشتريته من فتح الله جناكليس فى اسكندرية ** تنصحونى بنوع ايه وبكام ومنين .. معلش لسة مبتدأ وماعنديش خبرة ** كمان جبت رملة كدة غريبة العلبة كرتون لونها اصفر ومرسوم عليها قطقة لونها مشمشى صغيرة اسمها (( كلين كات )) الحبوب لونها رصاصى وعاملة زى الرمل العادى - العلبة 5 كيلو ب 25 جنيه - اشتريتها من نفس المكان من فتح الله جناكليس اسكندرية للأسف برده مصرى ** تنصحونى بنوع ايه وبكام ومنين .. معلش لسة مبتدئة وماعنديش خبرة ** فى انتظار ردودكم :) |
رد: هنا تجمع هواة القطط المصريين فقط
بصراحة معلوماتك جامدة اوى وانا برضة من اسكندرية
|
رد: هنا تجمع هواة القطط المصريين فقط
ودية صورة قطى http://www.pusup.com/uploads/8c45716075.jpg
|
رد: هنا تجمع هواة القطط المصريين فقط
وحابب اعرف انواع اhttp://www.pusup.com/uploads/8c45716075.jpgلقطط عندك وبتعلجيهم عند مين
|
رد: هنا تجمع هواة القطط المصريين فقط
صراااااااااحه فكرة حلوة وموضوع مفيد تسلم الأنامل الي كتبتو يعني يجد يفيد انا اقرب مثال مااعرف اي شئ للقطط في مصر من بيطريين او اي شئ لبيع مستلزمات القطط
ياريت اي احد ساكن بالقاهرة او6اكتوبر يديني عنوان لبيطري كويس لأن البيطري الي اعرو نصاب ومايفهم حاجة واخص اهل اكتوبر يعني عن جد تسلمي على الموضوع |
رد: هنا تجمع هواة القطط المصريين فقط
ححاول افيدك قريب ان شاء الله يا دكتور ميدو بس استنى عليا شويا لانى مش من القاهرة بس ححاول افيدك ان شاء الله
اما يا اسلام بالنسبة للدكاترة البيطرين فا انا ارتحت عند 2 الدكتورة ميرفت والدكتور عبد الحميد الدكتورة ميرفت فى سبورتنج امام باب نادى سبورتنج بشارع ابوقير لوحابب العنوان بالظبط ورقم تليفونات الدكتورة انا تحت امرك بس بصراحة انا ارتحت للدكتور عبد الحميد برده وهو انسان محترم جدا جدا بس ماتتخضش من شكله ولا من العياد لكن بجد هو انسان محترم جدا وعلى علم لانه معاه دكتوراة وماجيستير وعضو فى جمعية الرفق بالحيوان .. وهو انسان سلس جدا وممكن تساله مليون سؤال من غير مايتضايق وممكن استشارات فى التليفون لو حبيت ههههههههه بجد ده اكتر حد ارتحتله هو عيادته متواضعة جدا وتحت الانشاء والتطوير العيادة فى شارع متفرع من شارع الجلاء بفيكتوريا لو حبيت تاخد العنوان وارقام التليفونات انا تحت امرك الكشف عند الدكتورين اى منهم ب 20 جنيه اما اسعار التطعيمات فا لسة ماسالتش الدكتور عبدالحميد انما الدكتورة ميرفت فا تتراوح اسعارها مابين ال 40 وال 50 جنيه واى سؤال انا تحت امرك |
رد: هنا تجمع هواة القطط المصريين فقط
ححاول افيدك قريب ان شاء الله يا دكتور ميدو بس استنى عليا شويا لانى مش من القاهرة بس ححاول افيدك ان شاء الله
اما يا اسلام بالنسبة للدكاترة البيطرين فا انا ارتحت عند 2 الدكتورة ميرفت والدكتور عبد الحميد الدكتورة ميرفت فى سبورتنج امام باب نادى سبورتنج بشارع ابوقير لوحابب العنوان بالظبط ورقم تليفونات الدكتورة انا تحت امرك بس بصراحة انا ارتحت للدكتور عبد الحميد برده وهو انسان محترم جدا جدا بس ماتتخضش من شكله ولا من العياد لكن بجد هو انسان محترم جدا وعلى علم لانه معاه دكتوراة وماجيستير وعضو فى جمعية الرفق بالحيوان .. وهو انسان سلس جدا وممكن تساله مليون سؤال من غير مايتضايق وممكن استشارات فى التليفون لو حبيت ههههههههه بجد ده اكتر حد ارتحتله هو عيادته متواضعة جدا وتحت الانشاء والتطوير العيادة فى شارع متفرع من شارع الجلاء بفيكتوريا لو حبيت تاخد العنوان وارقام التليفونات انا تحت امرك الكشف عند الدكتورين اى منهم ب 20 جنيه اما اسعار التطعيمات فا لسة ماسالتش الدكتور عبدالحميد انما الدكتورة ميرفت فا تتراوح اسعارها مابين ال 40 وال 50 جنيه واى سؤال انا تحت امرك |
رد: هنا تجمع هواة القطط المصريين فقط
السلام عليكم .... موضوع روعة والله احب افيد الناس اللي في القاهرة انا عندي قط عمره شهرين ورحت لمستشفي القوات المسلحة اللي امام النادي الاهلي الكشف عنده ب 10 جنيهات و الدكتور اسمه محمد مصطفي وقالي لسه شهر علي التحصين بس اداله ربع قرص ضد البراغيت واداني باقي القرص واداله حاجة كدة ضد البراغيت برضه كل ده ب 40 جنيه بالكشف يارب اكون نفعتك لو عندك حاجة انت ياريت تقول وانا بجيب الرمل من مترو ب29
|
رد: هنا تجمع هواة القطط المصريين فقط
اولا اخوي
ممنوع ذكر اسامي محلات في المنتدى اقرأ القوانين...وشمعنى اهل مصر؟؟ اذا هلون روح افتح لك موقع بروحك وحق اهل مصر واشتغل فيه معاهم |
رد: هنا تجمع هواة القطط المصريين فقط
شكرا على ردك بس يا ريت لو تعرفى حد عندة قطة بيكى بيور للتزاوج مع قطى عشان انا دورت كتير وما لقيتش و يا ريت تكون فى اسكندرية ويا ريت عنوان د/ عبد الحميد بالتفصيل وارقام تليفوناتة
وشكرااااااااااا كتيررررررررررر ليكى |
رد: هنا تجمع هواة القطط المصريين فقط
شكرا على ردك بس يا ريت لو تعرفى حد عندة قطة بيكى بيور للتزاوج مع قطى عشان انا دورت كتير وما لقيتش و يا ريت تكون فى اسكندرية ويا ريت عنوان د/ عبد الحميد بالتفصيل وارقام تليفوناتة
وشكرااااااااااا كتيررررررررررر ليكى |
رد: هنا تجمع هواة القطط المصريين فقط
السلام عليكم
شكرا يا استاذ عمر على المعلومات المفيدة وياريت يكون دكتور ميدو استفاد منها يا استاذ كيلر فعلا انا فتحت موقع جديد وحبعته لكل اصدقائى فى الموقع لان انا مابحبش الاحتكار انا بحب ان الناس تستفيد ولازم نكتب عناوين واسماء عشان الناس تستفيد وبعدين اهل مصر انا عملتلهم موضوع لانى مصرية واعرف معلومات كتير حتفيد المصريين وعناوين فى مصر ممكن تفيد كمان العرب اللى بيدرسوا او ساكنين فى مصر .. وبعدين المتغاظ يعمل موضوع ويفيد اهل بلده .. الاهم انى بنت مش ولد حاضر يا اسلام العنوان والوصف وارقام التليفونات حبعتهملك على الخاص :) |
رد: هنا تجمع هواة القطط المصريين فقط
موضوع رائع جدا و أكثر من رائع كمان
انا مصرية و يشرفنى انى أشترك فى موضوعك و عندى بعض الأكلات البيتى أللى ممكن نعملها لقططنا و دى كمان حاجات بعملها لمشمش...... أبسط أكلات القطط البيبتي هى طبق لبن و عيش فينو أو بيضة مسلوقة و مقطعة (ليسهل أكلها) أما أكثر شىء بتعشقه القطط هى الأسماك و أسهلها المعلبة و منها: التونا ،السلامون ،السردين القطط بطبيعتها بتحب اللحوم و أبسطها و أسهلها اللحمة المسلوقة و مقطعة قطع صغيرة جدا جدا (ليسهل مضغها للقطط) و بعض القطط تأكل أيضاً الأرز مع الشوربة و هى اننا نحط بعض الأرز المطبوخ فى طبق و نضع عليه القليل من شوربة (الشوربة تكون شوربة فراخ أو لحم) الرد الجاى ليا هيكون عن الأكل المعلب الخاص بالقطط و أسعارها و شكرا جزيلا.....http://www.lakii.com/vb/smile/1_181.gif |
رد: هنا تجمع هواة القطط المصريين فقط
شكرا يا قطة مشمشية على زوقك وكلماتك الرقيقة .. ومنتظرة على احر من الجمر ردك القادم
حبيت اقول كمان ان كاتى (( كيارا )) قطتى بتحب اوى الجبنة المثلثات وبتحب تشرب لبن بالعسل من بتاع عمورة ابنى وياسلام لو كان دافئ . شكرا لكل من شارك فى موضوعى وياريت اللى اول مرة يدخل الموضوع يقرا كل الردود لانه حيلاقى كتير حاجات فى الردود حيستفاد منها .. |
رد: هنا تجمع هواة القطط المصريين فقط
متشكر ليكى كتير على اهتمامك وشكرا على عنوان د/ عبد الحميد
وربنا يخليكى لينا |
رد: هنا تجمع هواة القطط المصريين فقط
لا شكر على واجب يا اسلام بس ابقى اكتب لنا عملت ايه مع الدكتور ودفعت كام وايه الادوية اللى كتبهالك عشان يبقى عندنا خلفية وتفيد اصدقائك
|
رد: هنا تجمع هواة القطط المصريين فقط
السلام عليكم
انا حبيت انضم للمجموعة المصرية وعلى فكرة انا من الاسكندرية اوض لو تضفينى على اميلك الخاص حتى اكتسب منك بعد الخبرة واخد بعض الاشتشارات وعلى فكرة احنا جران ههههههههههههههههههههه وبل النسبة للدكترة على فكرة الدكتورة الى فى سبرتنج دى جامدة جدا وفى وحدة كمان اشطر منها فى ميامى فى اخر خالد ابن الوليد بس مش فاكر اسمها ولو حد عايز يشترى قطط انا عندى لاهل الاسكندرية ولو ينفع نعمل جروب خاص لاهل الاسكندرية وشكررررررررررررررررررررررررررررررررا |
رد: هنا تجمع هواة القطط المصريين فقط
شكرا جدا على هذا الموضوع
انا ادرس بمصر و عايزة اشتري قطة من القاهرة شيرازي مون فيس حيكون سعرها بحدود كم؟؟؟ واي افضل لحمام القطط نشارة خشب لو رمل خاص؟؟؟ و اسعارهم بتكون في حدود كم ؟؟؟ وعن مكان نوم وأغراض القطط فين ااقدر احصلها ؟؟؟؟ (اماكن اشتري منهها الاشياء دي)\ وأيضا لو عايزة اخذ القطة معاي لبلدي ايه الاجراءات اللي لازم اعملها حتى اسافر بيها؟؟ |
رد: هنا تجمع هواة القطط المصريين فقط
حلوه الفكره
|
رد: هنا تجمع هواة القطط المصريين فقط
اقتباس:
انت شرفتنا بردك فى الموضوع ... انت فعلا ممكن تستفيد من خبرتى المتواضعة وكمان من باقى الاعضاء لكن على صفحة الموضوع دى .. اعتذر لعدم اضافة ايميلى لانى ارجو ان تكون الفايدة للجميع اما بالنسبة لعمل جروب للأسكندرانية فقط فا ده صعب لان عددهم قليل والموضوع حيفشل وحنهش ونش فيه ههههههههههههههههههه بس انت ممكن تعتبره للأسكندرانية وانا تحت امرك .. واهلا بيك مرة تانية .. وانا عندى قطة سيامى عيونها زرقاء عمر شهرين ونصف تقريبا وكنت عايزة ابيعها لو تحب تشتريها او تبيعهالى من ضمن القطط اللى قلت عليها للبيع انا تحت امرك .. |
رد: هنا تجمع هواة القطط المصريين فقط
اقتباس:
اول انا مبسوطة جدا يادكتور انك نورتى موضوعى وكمان نورتى مصر بحالها .. اهلا بيكى وسط اخواتك وفى بلدك الثانى بالنسبة للأسئلة بتاعتك هى كتير اوى ههههههههههههه .. ولا يهمك ان شاء الله نجاوبلك عليها .. انا حجاوبك على اللى اعرفه واتمنى باقى الاعضاء يساعدوكى وعموما لو انتظرتى عليا يوم واحد بس انا ممكن الاقيلك بعض الاجوبة الموثوق فيها كرد للأسئلتك سعر القطط فى مصر بيكون حسب نقاء السلالة وعلى حسب اللون وكمان على حسب عمرها فكلما كان اللون فاتح كلما زاد الثمن واعتقد لو قطة بعمر شهرين ممكن يتراوح سعرها ماين ال 250 وال 350 جنيه مصرى فقط لاغير .. وياريت لو تعرفى تفاصلى فى الاسعار لان المصريين بيحبوا الفصال اوى هههههههههههههههههه انا مش بحب النشارة خالص لانها بتلزق فى رجلين القطط وفى الاماكن الحساسة عند الاخراج وممكن تحمل جراثيم او تبهدلك البيت بالنشارة لانها ناعمة وخفيفة جدا ... افضل الرمل الطبى او الرمل العادى بتاع البناء وهو رخيص جدا جدا جدا ولكن اذا استخدمتيه فيجب تعقيمه جيدا بان تضعيه فى فرن او مايكروويف عشان الجراثيم تموت وبعدين تحطى عليه بيكربونات الصودا عشان يمنع ظهور الروائح الكريهة من التواليت اما الاماكن اللى ممكن تشترى منها مستلزمات القطط فهى فى الاقسام الخاصة فى (( كارفور - هايبر - فتح الله )) ومش حاقدر افيدك اكتر من كدة لانى فى القاهرة انا من الاسكندرية وكلى امل فى ان باقى الاعضاء يفيدوكى اكثر .. وممكن تتصلى بالدليل وتسالى عن الاماكن دى وهما حيدوكى بعض ارقام التليفونات الخاصة بهذه الاماكن ياريت اكون افدتك ولو بقدر بسيط ......... شكرا ليكى مرة تانية وربنا ينجحك ويوفقك يارب يادكتورة |
رد: هنا تجمع هواة القطط المصريين فقط
اقتباس:
انا رحت لحد الان محل واحد فقط وشفت كذا قطة وقالي اسعارهم 350 جنيه وعن الرمل الطبي قالي صاحب المحل انه المستورد افضل من المصري وما بيطلعش روائح وسعره 39 جنيه وقالي التطعيم يكون ب 75 جنيه للجرعه وعن اجراءات السفر قال ب 300 جنيه فهل هذي الاسعار مناسبه ولا غالية ولا ايه ؟؟ واسفة عم تعبكم معاي:o |
رد: هنا تجمع هواة القطط المصريين فقط
لاشكر على واجب ياعسولة
والله انا جبت نوع مصرى من الرمل الطبى وارتحت عليه جدا مش بيطلع ريحة ولا حاجة .. عموما جربى هو بيبقى على حسب ارتياح الشخص وعلى حسب انتى بنظفى التواليت كل اد ايه وهو العلبة كرتون لونها اصفر ومرسوم عليها قطقة لونها مشمشى صغيرة اسمها (( كلين كات )) الحبوب لونها رصاصى وعاملة زى الرمل العادى - العلبة 5 كيلو ب 25 جنيه - اشتريتها من فتح الله جناكليس اسكندرية بالنسبة لسعر القطة حاولى تنزلى فيها شوية وتكسرى معاه فى السعر وبصراحة مش اعلان ولا حاجة بس فيه اعضاء هنا محترمين بيبيعوا حاجات انظف واضمن من المحلات والتطعيم فى العيادات البيطرية بيتراوح مابين 40 الى 50 جنيه لا اكثر من ذلك ارجو الاحتراس قبل ماتخدى اى خطوة ياريت تشركينا معاكى يمكن نفيدك .. ياريت تقوليلنا نوع القطة اللى حتشتريها ايه وكمان لونها ايه ؟ ماتنسيش تعرفى اسم القطة وعمرها ومطعمة ام لا واذا مطعمة لازم تخدى شهادة صحية تثبت ذلك .. اعرفى ايه انواع الاكل اللى هو معودها عليها يارب اكون افدتك واى سؤال انا تحت امرك |
رد: هنا تجمع هواة القطط المصريين فقط
ِكرا على اهتمامك بتساؤولاتي وردك عليي
اكيد انا بستفيد من خبراتكم ومن مواضيعكيم وانا من نويت اشتري قطة صرت دائما بالمنتدى واقرأ المواضيع حتى استفيد منكم فانا عايزة اشترية قطة مون فيس ولونها ابيض والبحث مازال مستمر |
رد: هنا تجمع هواة القطط المصريين فقط
انا كنت عايز أعرف في حد عارض قطة بيكي فيس للبيع بيور ...وممكن السعر ..وياريت من القاهرة
|
| جميع الأوقات بتوقيت GMT +3. الساعة الآن 05:34 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو