منتديات تو زوو

منتديات تو زوو (http://www.2zoo.com/vb/index.php)
-   قسم هواة الببغاوات (http://www.2zoo.com/vb/forumdisplay.php?f=31)
-   -   اقتراح الي مربين الببغاوات ارجو الدخول (http://www.2zoo.com/vb/showthread.php?t=7403)

Mr. MeMo 16-05-2006 05:15 PM
اقتراح الي مربين الببغاوات ارجو الدخول
 

اخواني اخواتي


اول شي بسألكم ليه الاقسام الاخري يسون مسابقات لاجمل قطو و اجمل قرض و احنا ما نسوي للببغاوتنا هل قططهم و هامستراتهم افضل , يعني ليه ما ندلع ببغاوتنا زي ماهم يدلعون قطاوتهم

طبعا المقدمه وضحت اقتراحي بس بشرح لكم الفكره بشكل اوضح :

تكون مسابقه لافضل مقطع فيديو للببغاوات المشتركين و مو شرط يكون الببغاء يتكلم ممكون تكون حركه بهلوانيه او مقطع مضحك و لعبه معينه مع الببغاء طبعا الشروط و غيره بعدين اللحين اول شي
راي المشرفين علي المنتدي و ايضا موافقه مشرفنا ( تاكو ) بالموافقه لعمل المسابقه وثم ارئكم

اتمني من المشرفين الموافقه علي المسابقه , تاكو نحتاج دعمك للموضوع
الي عنده استعداد يشارك يدخل ( قوي قلبك ) اظهروا مواهب ببغاوتكم

علي قوله فطوم نبي اكشن


بوفهد 16-05-2006 05:25 PM
رد: اقتراح الي مربين الببغاوات ارجو الدخول
 
سيتم النظر بالموضوع من قبل الاداره ومناقشته مع الاخوه ذوي الاختصاص من المشرفين

وابشر بالخير ان شاء الله الاداره حريصه على هذه المسابقات الجميله وتشجعها بقوه

بالتوفيق

Mr. MeMo 16-05-2006 05:34 PM
رد: اقتراح الي مربين الببغاوات ارجو الدخول
 
تسلملي يا بوفهد والله فيك الخير و ما تقصرون الله يعطيكم العافيه

يله يا شباب و شابات نبي حركات و استعراضات ببغاوتكم وتري فرصه دربون ببغاوتكم حركات و كلمات جديده

الرحال2222 17-05-2006 06:05 AM
رد: اقتراح الي مربين الببغاوات ارجو الدخول
 
مافية مسابقة لاحسن بغبغاء يجعر عندي واحد ابكسربة روس بغبغاواتكم بالتجعير والعض
اتحداكم فية احسن مجعر بالعالم شكلي ابسمية جعرور



Mr. MeMo
واللة الفكرة حلوة وعجبتني والمسابقة لسة ما بدت ياليت تشوف النور قريبا
بس على ما اظن راح يكون طير اللوري هو الفائز فيها لانة اكثرها اشوفة يلعب على مدار اليوم
وتمنيت اني اكون اخذتة وتركت الافريقي بس النصيب زي الزواج تمام

بو ناصر 17-05-2006 06:28 AM
رد: اقتراح الي مربين الببغاوات ارجو الدخول
 
تسلم Mr. MeMo على الفكرة الرائعة الصراحه وخليتنا نتحمس لان احنا مانصدق الببغاء يصير اليف بس نبيه يتكلم فكرتك جدا رائعة وممتازة
وهذا التميز مش غريب عليك وانشالله المشرفين مايقصرون بس الموضوع يبيله اشوي ترتيب ووقت وانشالله خير

الرحال والله شكلك ابتلشت مع جعرور انشالله خير وبالتوفيق للجميع

Mr. MeMo 17-05-2006 07:22 AM
رد: اقتراح الي مربين الببغاوات ارجو الدخول
 
تسلموا يا شباب والله يعطيكم العافيه

الرحال

الفكره مش مين يفوز الفكره ان احنا نحاول نبدع بتعليم ببغاوتنا و نحاول نخليهم يتقنون بعض الحركات و الرقصات ( فيفي عبده ) علي غفله, بس يعجبني حماسك يله جهز ابو الجعارير.

خالد

ايه الموضوع زي ما قلت يبيله وقت و ترتيب بس اهم شي انه يتفعل و انا افضل عمله بعد الاختبارات
عشان نعطي الشباب فرصه يركزون في مذاكرتهم بس نبي حماس اكثر و تشجيع للفكره و مشكور علي الكلام الحلو تسلملي والله

~TARIK~ 18-05-2006 02:24 AM
رد: اقتراح الي مربين الببغاوات ارجو الدخول
 
حلو ميمو اتمنى التوفيق

fan 18-05-2006 03:25 PM
رد: اقتراح الي مربين الببغاوات ارجو الدخول
 
يالله مستر ميمو احنا معاك
والله فكرة حلوة لكن مثل ماقلت بعد الأمتحانات

تاكو 20-05-2006 12:13 PM
رد: اقتراح الي مربين الببغاوات ارجو الدخول
 
ميمو فكرتك جداً جميله
وقد ارسلت لك كيفية بلورة الفكره
وسوف اطرحها على المشرف العام
وشاكر لك اهتماماتك

Mr. MeMo 20-05-2006 06:26 PM
رد: اقتراح الي مربين الببغاوات ارجو الدخول
 
اخي تاكو

تسلم والله يعطيك العافيه سوف اتبني الفكره كامله و علي ما تخلص
الامتحانات تكون المسابقه جاهزه بس ناخذ الموافقه من المشرف العام

اخواني الاعضاء

تري العدد محدود و مافي واسطات خلكم جاهزين بعد الامتحانات
( شكلي بكون المتسابق الوحيد و بفوز بدون منافس )

الكسيكوالدره 29-05-2006 12:42 PM
رد: اقتراح الي مربين الببغاوات ارجو الدخول
 
هلا وغلا

الفكرة ممتازه وفيها نوع من التحدي والمنافسه
احتمال في اعضاء يقولون حناوين وهالمسابقات وين
لا بالعكس اقول للجميع حاول وجرب مافي خساره ممكن تبدعون بشئ مميز
وتكتشفون اشياء ما تتوقعونها سواء من اسلوبكم مع طيوركم
او من طيوركم نفسهم يمكن عندهم هوايات ماحد فيكم اهتم فيها هههههه واكتشفها
طبعا هذا الشئ يبغيله ترتيب ووقت كافي

وبالتوفيق للجميع

TOP-GUY 29-05-2006 09:15 PM
رد: اقتراح الي مربين الببغاوات ارجو الدخول
 
وانا معاكم وانا معاكم

خربوس1 29-05-2006 11:41 PM
رد: اقتراح الي مربين الببغاوات ارجو الدخول
 
فكره ممتاازه والله يعطيك العااافيه

ولكن عندي مشكله اني جديد على النت ومااعرف انزل مقاااطع فيديو او تصوير على المنتدى

Mr. MeMo 30-05-2006 06:55 AM
رد: اقتراح الي مربين الببغاوات ارجو الدخول
 
Top guy

حياك الله ما شاء الله يله العدد بداء يكتمل يا تاكو ;)

خربوش

حاضرين لا تشيل هم برسلك رساله خاصه و اعلمك الطريقه

kitty 30-05-2006 12:43 PM
رد: اقتراح الي مربين الببغاوات ارجو الدخول
 
اخوي ميمو
عندي انا بعد هلمشكله ما اعرف انزل الصور و مقاااااطع الفيديو برغم من اني اشتركت في موقع تحميل وحاولت لكن بدون فائده.....
اذا ما عليك كلفه الله يخليك تعلمني شلون هلطريقه....
وتسلم

Mr. MeMo 30-05-2006 03:49 PM
رد: اقتراح الي مربين الببغاوات ارجو الدخول
 


بشري بالخير اختي kitty برضو برسلك رساله خاصه فيها شرح الطريقه

Mr. MeMo 31-05-2006 09:30 AM
رد: اقتراح الي مربين الببغاوات ارجو الدخول
 
تمت الموافقه من قبل اداره المنتدي الف مبروووك للفائز مقدما
ارجو الاستعداد سوف نبداء بعد انتهاء مسابقه اجمل قرض
والمسابقه سوف تكون عباره اجمل صوره للببغاء
يعني لازم استعراض في الصوره و حركه بهلوانيه او ما شابه
و هنالك مفاجاءه ان شاء الله سوف نعلن عنها في الوقت المناسب


جميع الأوقات بتوقيت GMT +3. الساعة الآن 02:58 AM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو