|
$تجربتي$
السلام عليكم و رحمة الله و بركاته
حبيت اني ابدأ موضوع أجوف انه مهم و مفيد للجميع بكافة انواع الببغاوات اللي يربوها الموضوع عباره عن مشاركه من الجميع في تجربتهم لتربية و ترويض او حتى اقتناء او تزيين قفص خاص بالببغاوات و لكن هنااااااك شرط واحد مهم : يجب على الي بيطرح موضوع انه يكون وصل بتجربته لحد ما يطلع بنتيجه !! الكل يقرا مواضيع و طرق للتدريب و التربيه و الترويض... ولكن القليل اللي يجرب و ينجح نريد يكون هالموضوع موضوع التجارب الناجحه فقط ممكن نسأل في اي مكان.. و نبحث عن المعلومه في اي صفحه.. لكن التجربه الناجحه هيه اللي تساعد الواحد انه يستمر :) احس انه موضوع يستاهل انا نتعب عليه ... و في المستقبل بيكون مرجع للجميع و للعلم اللي بينجح مع طير فلان مش شرط ينجح مع طيور الغير... و لكنها نقطة بدايه لنجاحات دايمه ان شاء الله تذكروا... 1.لا نريد المشاركه بمقال قرأته و لكن تجربه عشتها بنفسك.. 2. اشرح ادق التفاصيل و اسهب في الشرح و خلنا انمل منك 3. اذا فيه امكانيه التصوير بيكون حلو 4. رجاء ذكر الوقت الزمني الذي استغرقه كل حدث والسموحه ع الاطاله :rolleyes: |
رد: $تجربتي$
ان شاء راح اكتب عما قريب ..لان الببغاء توا يديد
|
رد: $تجربتي$
كل الشكر ع المرور :) و اخيرن ^_____________________^ ببغاء الكاسكو الي عندي سمع الكلام ^^ بقول لكم الطريقه اللي قدرت فيها اني اسمح عليه و اخليه يوقف عن الزعيق و الجعير :P الببغاء عمره 6 شهور و عندي من شهر بس ^^ اولن في البدايه من يجوف شكلي من بعيد يفتح اثمه و يحاول انه يعظ ولو من بعيد انتبهت يوم يكون في القفص يكون مثل الاسد في عرينه :S فقررت اني اخليه ع الاستاااااااند و القفص اخشه في الغرفه الثانيه اخذت الفكره من هالموضوع http://2zoo.com/vb/showthread.php?t=52098 و بديت اطبقها اول امس و انا من بعيد امسح عليه بالعصا انتبهت انه صار يحب اني احك ريشه بالعصا ورا رقبته و قمت شوي شوي اجرب ايدي بس كان ينتبه ان ايدي قريبه منه فينقز عشان يعضني و امس كملت نفس المواااال معاه ... و بالعصا اللي يوقف عليه في القفص امسح عليه و صار يذوب اول ما يحس بالعصا عليه :) و طبعن دخلت المرايه في الموضوع و حطيته ع طرف.. صار عين عالمرايه يجوف نفسه كيف يتدلع و عين ع ايدي و اليوم طول الوقت وانا معاه ... قلت ليش ما اتجرأ و امسحه... لقيته من نفسه نزل راسه و خلاني امسح عليه :D صراحه ما كنت اتوقع انه ناعم جيه :p الموضوع ما طول معاي... يومين بالعصا و اليوم الثالث بايدي بس لابد من انه يجرب يتذوق ايدي ;) و بالمناسبه و انا امرنه ع المسح بالعصا.. قلت ليش ما اعلمه حركه فقمت احط العصا تحت صدره و اقول له "هوب" و شوي شوي كل ما يجوف العصا و يسمعني اقول له هوب ينقز.. و طبعن اعطيه تمر عشان اكافأه و الحين انتظر اني اعلمه يركب ع ايدي في انتظار نجاحاتكم |
رد: $تجربتي$
اقتباس:
اختي عجبتني تجربتك وانا الحين في بدايتها من امس بديت بنفس الطريقه طبعا مش بكيفي غصبا علي كسر القفص وطلع:( عاد قالت حتى لو مسكته ورجعته القفص مكسوووور قالت بعد العيد اشتري ثاني لاكن اليوم اشوفه صار اوكي:) خفت الجعره بكثير لدرجت انه صار يقرب من اي احد في البيت ويكمل طريقه بس الا الان خايف اني ارجعه القفص........ سؤالي اختي انا طيري وحشي مره لدرجة انه يهجم ولا يخاف احد مرررررره هل تتوقعين تنجح تجربتك معي ؟؟؟؟؟؟ |
رد: $تجربتي$
^^
ما شاء الله عليه كسر القفص :) بقول لج شي.. لو بيحاول يعضج لا تخافين منه و تسحبين ايدج بسرعه .. خليه يحس انه ما تفرق عندج وانج موالفتنه انا طيري كان يخوف.. حتى اقترحو عليه اسميه المتوحش ههه بس تعرفين السر في الصبر و الصبر و الصبر... و خلي صوتج ناعم معاه.. و يوم يسوي اللي تبيه حسسيه انج مستانسه منه .. و لا تستخدمين معاه العنف ^_^ انا ما طول معاي و خلاني امسحه... في الموضوع اللي استفدت منه نصحونا باسابيع من المثابره ^^ موفقه خير |
رد: $تجربتي$
تجربة موفقه كاسكوكيه
صدقوني لو نجرب نعلم بمواضيع المنتدى وخصوصا المثبته لبطلنا نكثر من الاسئلة ولانتهت ثلاثة ارباع مشاكلنا مع التربية عموما شكرا على موضوعك الجميل كاسكوكيه |
رد: $تجربتي$
اختي انا مش بنت بس معلينا
انا عندي اكثر من واحد وكلهم يخافون لما ادخل ايدي لهم واحول امسح عليهم بس هذا لما ادخل يدي وهو داخل القفص ينقز علي ولو احاول اخلي اصبعي عند القفص ماعنده مشكله يعض على صبعي وبقووووه بعد |
رد: $تجربتي$
العفو ^^
ترا انا انتبهت انه وايدين يسألون عن اشياء موجوده في الموقع... بس معظمها كلام نظري... فعشان ازيد الموضوع و اضيف له طابع عملي نزلت الموضوع هذا... ^^ تسلم ع المرور ^^ |
رد: $تجربتي$
السموحه اخوي عسولي =\
و دايمن ينصحون انك ما تحط الببغاوات عند بعض ... وانا اجوف انه واحد من اللي عندك يجارب بس مشكلته انه الباقيات يعظون و احتمال انه ماخض هالطبع من عندهن ^^ والله اعلم ... انته حاول اتطبق الي في الموضوع و ارجع لنا بتجربتك ^_^ |
رد: $تجربتي$
اقتباس:
بس اذا ماعندي الا محل وحد :cool: وانشاء الله بعد بكره بقولكم النتيجه وباين انها 100% والسبب الطير ماصار يجعر مثل اول الطير يقرب مني يبي يشوف ايش بيصير له كيذا الطير يتاكد بنفسه وش بيصير له ويزيد الثقه في نفسه اكثر |
رد: $تجربتي$
عطه فرصه اكثر.. انته قول اسبوع و خل الطير و همته :)
تقدر تشتري قفص ثاني ^^ بس انته فكر فيها.. الببغاء يقلد اصوات الانسان.. فمابالك لو شاف ببغا جدامه و يتكلم بنفس كلامه؟! مش اريح له يجعر مثل غيره ^^ في انتظاااارك |
رد: $تجربتي$
السلام عليكم ورحمة الله وبركاته
مشكوره اختي على الموضوع وانا عن تجربتي وهذه اول تجربه لي في تربية الرمادي الافريقي الحمد لله بعد اسبوعين من شرائه دربته الاسبوع الثالث ويعني او جم يوم عفس علي البيت وعور راسي من الجعير كان متوحش بدرجه فضيعه والكاسيكو مب اصغير ويعني انا اتبعت المواضيع الي بالمنتدى واستخدمت معاه قفاز ومع القفاز لم اسلم من عضه http://www.pusup.com/up/get-9-2008-fxhmoolm.JPG وقعدت ادربه باليوم مرتين واوقفه على يدي مده ومشاهده واكلمه ومره خليته بيدي يمكن اكثر من نص ساعه ويعني اقعد اتعبه بالغرفه اخليه يركض لما تنهار قواه واشيله واللحين من اقوله فوق على طول باليد بس اني امسحه عليه للحين وايام العيد هملته وماكنت اطلعه الا باليوم مره والايام اليايه نمسحه عليه ان شاء الله وهاي طير على الرابط http://www.2zoo.com/vb/showthread.php?t=75826 وشكرا اختي على الموضوع دمتم بود |
رد: $تجربتي$
العفو :)
انا قريت اكثر من مره ان الشخص يقدر يستفيد من الفتره اللي يتعب فيها الطير من اللعب و يكون همدان عشان يجارب صاحبه ^^ موفق خير امين :) |
رد: $تجربتي$
ماشاء الله كاسكوكيه على هالموضوع مرة حلو وتجربتك جلوة ورائعة والله كل يوم اتعلق بهالنوع من الطيور بس
خوفي من الفشل وكثرة المواضيع اللي تتهم المربيين بموت طيورهم يخليني اتروى شوي واطول بالي لين أكون فكرة مميزة، وشكلي ببدأ بالدجاج على نصيحة الدكتور أحمد توفيق هاهاهاهاهاهاهاها |
رد: $تجربتي$
ههههههههههههههههههههههههههههههههه ... بس لازم تحدد هدفك.. تريدها الدجاجه للتفريخ ولا للزينه :P
احلى شي قررته انك تكون طوييييييييييييييييييييييييييييييييييييييييييييل البال معاهم ^^ |
رد: $تجربتي$
كاسكوكيه انقل لك هنا تجربة مع طيري وللمعلومية انا وطيري جدد في الموضوع كله ( الطير جديد من ست أيام وهو أول طير رمادي اربيه ) - ومشكلتي ان ماعند اي خبرة في تربية الرمادي لا والمشكلة اني شريت واحد كبير ( سنة ونص ) بس قلت معليش بعطيه فرصة سنة يايجنني يااجننه :D المهم انا حطيت في خطتي اني اعوده على الاكل من يدي بعد الاسبوع الثاني لكني الحمد لله قدرت اخليه ياكل من يدي بعد أسبوع بالطريقة التالية 1. اول 5 ايام حطيته في مكان مرتفع 2 م تقريبا وماكان احد يغير الماء ويداعبه غيري وعودته على اسمه 2. بعدها نزلته في مكان منخفض يومين _ على طاولة من طاولات الصالة _ وخليته يومين يتعود 3 . جوعته تقريبا 4 ساعات 4. جبت مجموعة كبيره من الحب الشمسي وحطيتها قدامه 5. سويت نفسي آكل من الحب الشمسي 6. مديت يدي وحطيته اول حبه لكنه اخذها من يدي ورماها في القفص والثانية بعد والثالثة المهم ظل يرمي الحب الشمسي وانا مستمر اعطيه تقريبا رمي 25 حبة 7. اخيرا اخذ حبه واكلها - طبعا شجعته وقلت له شاااااااااااااطر - طفش مسيكين :p 8 . اكل بعدها 6 حبات وبعدين رجع يرمي - قلت له لا لا وبعدت عنه الحب من قدام القفص 9 . بعدها بدقيقة رجعت اعطيته واكل مرة ثانية ومارمى أي حبه 10 . بعدين كافأته بحبة فول سوداني طبعا انبسط وتسلطن وكيَّف آخر تكييف :D المهم اخيرا استسلم وصار ياكل طبعا انا خطتي بعد يومين اني ابدأ أنزله من القفص والله يعين |
رد: $تجربتي$
ما شاء الله عليك.. احسن شي سويته انك تدرجت في الموضوع.. و موضوع التجويع ينفع عشان الطير يسمع الكلام.. انا بديت اتبع هالطريقه و صار الطير ياكل من ايدي.. و قمت اجرب اني امد ايدي بدون ما يكون فيها حب الشمس و لقيته يحاول انه يلقط الحب بدون ما يعض حتى ولو كانت ايدي خاليه...
احتمال انه يتضايق يوم ينزل من القفص.. فعشان جيه استعد للعض ههه ممكن تتدرج في الموضوع بانك تخليه يوقف ع ستاند.. و من بعدها ع الطاوله و اخيرن ع ايدك في انتظااااااااااار التجريه ^^ |
رد: $تجربتي$
السلام عليكم ورحمة الله وبركاته صراحه الموضوع وااايد حلو .. بسم الله الرحمن الرحيم بكتب تجربتي وان شاءالله بس مااثقل عليكم :D الله يسلمكم انا خذت سيكو بعد مامات الكاسيكو الي قبله (كيكو)وكان صغير في العمر واليوم الي خذت فيه سيكو كلش مب مناسب خذته ايام الامتحانات بس بعد زين عشان يتعود على فطور مااخلص امتحانات المهم ايام الامتحانات ماادري بعدها مااذكر بس كنت اطلعه على اساس اعلمه يركب على يدي وماشاءالله عليه كان جريء احطه على العصا على طول كان يبي يركب على يدي وانا كنت خايفه عبالي بيعضني ومع الايام الحمدلله ركب بعدين قررت اخليه ياكل من يدي واستخدمة طريقة التجويع لكن فتره بسيطه كلش تقريبا 15 إلى 30 دقيقه وياخذ ويقط لما تعود وقلت بعدها ابي امسح على راسه لكن سيكو ماكان راضي والطرق الي جفتها في المنتدى كلها بالغصب فقلت دامه مايبي ماابي اغصبه لانه للحين ماوثق فيني شالفايده مايوثق وابي امسح على راسه شسوي خليته على راحته وتميت كل ااكله بيدي واطلعه واقعد وياه واحلف لكم والله العظيم ماحاولت إلا جم مره وماكان يرضى وبعد فتره من استمراري على تأكيله من يدي واطلعه و... وقفت يمه يوم من الايام وكان يبي يرقد حطيت صبعي فوق راسه ولا سوى شي حتى تميت اناقز من الفرحه وبس من يومها وانا احك راسه عادي برضاه مب غصبا عنه ودايما اذا بعلمه على شي يكون برضاه تدرون ليش لان اذا يت بعلمه ومايرضى يعني مب واثق والثقه لازم اول شي يفكر فيها المربي قبل اي شي ثاني وبس من يومها والله الحمد سيكو واثق فيني مع اني صبرت واااايد تخيلو اكثر من 10 شهور بعدين سمح لي امسح على ظهره والحين لين امسح مايعض ولا يتضايق بالعكس يرتاح وهذي تجربتي ويا سيكو الله يحفظه لي وادري طولت وااايد بس الي كنت بوصله الثقه قبل كل شي |
رد: $تجربتي$
ما شاء الله عليج و على سيكو :)
صح.. انتي الي سويتيه انج تدرجتي في الموضوع .. يعني بنيتي ثقه بينكم و تعود هوه انج تكونين جريبه منه.. فيوم جربتي تمسحين ع راسه هوه خلاص متعود قرب المسافه بينكم فعشان جيه ما اعترض :D مع اني اقول الصبر الصبر و عشر شهور مش شوي.. بس ما اروم.. اتحرقص احس وايد كيوت انه يتعلم يوقف على ايدي :) بالعكس مشاركتج كانت حلوه ولب طويله ^_^ |
رد: $تجربتي$
لي عوده بإذن الله فهذه المواضيع الدسمه لا تُفوت ابدا |
رد: $تجربتي$
:)
في انتظاااااار عودتك باذن الله ^^ |
رد: $تجربتي$
هلا اختي كاسكوكيه بصراحه الموضوع عجبني كثير وفيه فايده كبيره للاعضاء ..كل شخص ياخذ نصيحه من تجربة الثاني وتجربتي الصراحه كانت مسليه و تعلمت منها الكثير بسم الله طبعا اول ما اشتريت النيجيري ما كنت اعرف شي فأخذته وعمره حدود سنتين غير كذا مو مروض وبس يجاعر كنت فرحان اول يوم اعتقد انه الببغاء مجرد شكل او زينه في البيت بس يوم دخلت بالصدفه لهذا المنتدى عشان اشوف اكل الببغاء استغربت ان فيه شي اسمه تدريب وترويض!!! يوم سألت عن هالشيء وذكرت ان طيري عمره تقريبا سنتين الجميع صار يقولون لي هذا شبه مستحيل انه يتروض ويصير أليف...ولو صار اليف عليك راح يكون صعب يتكلم!! وقريت تجارب الاعضاء المحبطه عن الببغاوات الكبيره في العمر بس قلت ليه ما اكون غير عنهم واكسر هالمستحيل واروضه:D وفعلا بديت بالترويض رغم انه كسر طبلة اذني بصراخه لكن قلت يا انا يا انت واوريك شغلك اول شيء سويته اني كسرت شخصيته...كيف؟ لبست القفاز وبدون اي مقدمات قربت جنبه ومسكته وهو يصارخ ..وظليت ماسكه حدود عشر دقايق ورجعت له بعد ساعه ونفس الشيء بعد تقريبا ثلاث ايام صرت اقرب منه ما يصارخ بس فيه شوية خوف قلت الحين لازم امسك راسه..لكن ما كان يخليني وصار جعيره مزعج اكثر من اول الحين لازم نجهز عتاد الحرب:D جبت القفازات ومسكته و نزلته من القفص وخليته بعيد عنه وفي مكان فاضي مافيه غير انا وهو وصرت امسح على راسه بالقوه وهو يصارخ وظليت على هالحال حدود نص ساعه تخيلوا النتيجه!!!! يوم خلصت التدريب ورجعته القفص ..مسحت على راسه بيدي ولا قال شيء:eek: صرت بعدها اذا قربت يدي من راسه على طول ينزل راسه تحت عشان امسح له عليه انتيهنا من نص المشوار..انتهى الجعير والخوف بس باقي خطوه مهمه كثير!! كيف اطلعه على يدي؟؟؟ فكرت بطريقة انطرحت في المنتدى اني امسك رجوله بالقوه على يدي لكن الصراحه خفت كثير عليه لأن مثل ما تعرفون جسم الببغاء ثقيل وارجوله خفيفه يعني لو ثبتها بالقوه راح يكون فيه ضرر على رجوله عشان كذا قلت لازم اشوف طريقه ثانيه:rolleyes: وفعلا جات في بالي فكره اللي هي اني امسكه واحطه في زاويه بحيث ما يكون له اي مفر مني واقرب منه واحط يدي قدامه في البدايه كان يعض يدي وقطعها لكن صرت احوشه بيدي لين يلصق في الجدار وأخوفه بيدي الثانيه من وراه والنتيجه!! طلع على يدي بكل بساطه كررت هالتمرين حدود 10 مرات والحين الحمدلله يطلع على يدي بس فيه مشكله تواجهني من هالناحيه راح احطها في قسم الاسئله وبكذا انتهيت تقريبا من ترويضه بس باقي الكلام!! بالنسبه للكلام كنت كل ما اشوفه اقول له هلاااااااااااااا وفجأه نطق الكلمه وصار يكررها للحين ويقول بعض المرات كلمات بس مدري ايش هي:p خلاصه هذي التجربه والطرق اللي ساعدتني على ترويضه رغم انه كبير في السن:- -من اول يوم جبته حطيته على الاستاند -خرجته في الصاله عشان يتعود على الناس -ما عاملته بقسوه ولا كنت اخلي الاطفال يقربون منه -أقدم له الاكل والماء بإستمرار عشان يتعود علي -اصفر له واتكلم معه يوم اكون فاضي وهذي اعتبرها اهم الخطوات اللي لازم يسويها اي مبتديء عشان تسهل له الطريق للترويض واهم نصيحه اقدمها لكل المبتدئين والله مو صعب ترويض الطير اللي كبير في العمر ولا هو مستحيل بس يبيله صبر..شوية صبر وراح تقدر تروضه مثل ما تبي اتمنى تستفيدون من تجربتي واعذريني اختي الكريمه كاسكوكيه لأني طولت عليك وعلى الاعضاء بمشاركتي لكن ايش اسوي الموضوع حمسني:D الله يعطيك العافيه اختي الكريمه وان شاءالله نشوف باقي المشاركات عشان نستفيد اكثر تحياتي للجميع جـــوي |
رد: $تجربتي$
برب من البدايه شكلها حلوه التجربه .. يالسه اقراها :D
|
رد: $تجربتي$
مااااااااااااااا شاااااء الله عليك
فعلن اهم شي الصبر.. وانك تعامله بهدوء بس في خاطري اعرف كم يوم خذ منك الطير الين تعود عليك؟ من متى وهوه عندك؟ تقدر تطعمه بايدك؟ هل كان مدرب عند حد قبل لا تاخضه؟؟ ولا يديد على الناس؟ فعلن استمتعت وانا اقرا تجربتك :) تسلم و مشكووووور لانك خذت من وقتك وفدتنا :D |
رد: $تجربتي$
أنا أول شي علمته "انه ما يعض"..
ما أذكر من وين لقطت الطريقة من مكان بالمنتدى.. بس المهم: قطع يدي قبل لا يتعلم ههههههه الطريقة كانت انه اخليه يعضني عشان يحس انه العض ما منه فايده.. :] كلها 3 أيام و صار ما يعض.. وبعدها على طول بديت بتعليمه المسح على الراس و الوقوف على اليد.. وعلمته يبوس بعد هههههه.. الحين الامور طيبة يتكلم يصعد عاليد ياكل من اليد ومايخاف ومايعض.. بس اللي أريد انجزه الحين ان اخليه يطير ليدي وإن شاء الله بحاول معاه اول ما ينمو ريش الجناح.. لأني قصيت أطراف الريش.. لاتلوموني انا ما جبته من مزرعة كان بري والحين صار اليف 100%.. |
رد: $تجربتي$
ما شاء الله :)
بس في شي.. الخوف انه لو كبرو يناحاته يطير =$ يعني الحين حلو انه يوقف ع الايد و هالشي طيب .. ^^ في ببغاءات وايد طارت عن اصحابها من بعد عشرة عمر =( الله يوفقك امين :) |
رد: $تجربتي$
اقتباس:
|
رد: $تجربتي$
:)
خلاص عيل نتريا تجربتك عن هالشي ^^ ممكن تحاول هالأفكار في هالفيديو اول شي لازم تتعلم أمر انها تطير الين عندك... الموضوع طبعن بيكون تدريجي.. وانته معلمنها تركب على ايدك http://www.youtube.com/watch?v=WKOeW...eature=related و هاي طريقة العصا... http://www.youtube.com/watch?v=ufzKF...eature=related ^^ موفق خير |
رد: $تجربتي$
و هذا الفيديو بيفيدك واااااااايد لانه هالشي الي انته تريده :)
http://www.youtube.com/watch?v=86UYX...eature=related |
رد: $تجربتي$
اقتباس:
هيه صح اتذكرت.. تعرفن مكان فالامارات يبيعون فروخ كاسكو لأن اظن هذ احسن طريقة.. |
رد: $تجربتي$
ههه الله يوفقك و تحصل لك كوكاتيل مرتب :)
انا الكاسكو خضته من الشارجه :) بس مادري اخوي قال انه حصل محل في صناعية هيلي =$ مب اكيده بتخبر و برد عليك و ذكر شفت موضوع عن محلات طيور في الإمارات بدوره و لو حصلته بحط لك الرابط ^_^ |
رد: $تجربتي$
|
رد: $تجربتي$
السلام عليكم و رحمة الله و بركاته :)
اخيرن و من بعد جهد جهيد قدرت اني اوقف شامبيه على ايدي (كاسكو عمره 6 شهور) و الطريقه كالأتي.. اول شي بديت بطريقة العصا اللي حطها احد الأخوه.. و من بعد يومين بس قدرت اني امسح عليه بايدي ^^ و من بعد ما قدرت امسح عليه بايدي.. مع بقاء بعض العض اكيد.. علمته حركه.. بما ان العصا كانت موجوده فانا كنت احطها و اقول له "هوب" و يطلع عليها عشان يروح للمكان الثاني.. و تميت اعلمه هالحركه و استمريت كل ما اجوفه اذكره فيها.. و بديت شوي شوي اطلب منه نفس الطلب بس بايدي.. كنت اطلب منه ينقز من فوق ايدي عشان يروح على الجهه الثانيه من الاستاند و من يومين قررت اني اشيله على ايدي.. اول شي مسكت قفاز (الدس) و مسكته بالغصب و خليته يوقف عليه طبعن وانا مثبتنه بريل من ريوله .. (القدم) و ظل طبعن يصرخ و حالته لله بس انا تميت على حالتي و مشيت فيه في البيت قريب النص ساعه.. و في نفس اليوم بعد كررت الحركه نص ساعه ثانيه .. و كنت طول الوقت اتكلم معاه و اعرفه على البيت :D هذا اليوم الاول.. و اليوم اللي بعده انشغلت بالتدريس فما قدرت حتى اني اغسل القفص ماله :( المهم باليوم اللي بعده كررت نفس العمليه.. حسيت انه تقبل القفاز و ما عاد يخاف منه ^^ و اليوم بعد كررت نفس العمليه بس في بالي اني ادخل ايدي في الموضوع و اجوف شو بيسوي :) و شوي شوي .. ركب على القفاز .. و شلت عنه حتى الستاند .. و يلست انا معاه اكثرمن اربعين دقيقه.. و هوه على ايدي وانا لابسه القفاز.. لاحظت انه ريل وحده نزلت على ايدي.. :D وهوه مش داري ففكرت اني اسحب القفاز شوي شوي و بدون ما يحس عليه :D و فعلن سحبت القفاز و كان هوه واقف على ايدي و طبعن شعور لا يوصف .. و شوي انتبه الاخ الكريم شامبيه و بدا يعضني :( بس تحملت و كانت معاي علبة الاكل و تميت احاول فيه ياكل عشان يتطمن .. خلا العض و وقف على ايدي.. بس بعدين قام يفرد يناحاته عشان يطير.. قلت ليش ما استفيد من الطموح اللي فيه و اعطيه ايدي الثانيه ما بقول لكم انه ما شاء الله عرف قيمتها!! لانه اشتغل عض فيني الين صارت ايدي مشخله!! :( بس استغربت منه عقب ما عضني و شبع عض ركب على ايدي الثانيه.. و عقبها رجع على ايدي الاولى.. ورد طار لايدي الثانيه .. و تم يتنقل.. استمرينا على هالحاله 10 دقايق.. بعدها ما تحملت لانه اظافره حاده و رجعته للقفص :D الموضوع كله تقريبن خض اسبوع من القفاز لليد :) mission accomplished ^_^ |
رد: $تجربتي$
اقتباس:
اخذ تقريبا اسبوعين وتعود علي وفي شهر واحد وصلت لكل النتائج اللي ذكرتها في التجربه وله عندي تقريبا شهرين اقتباس:
مو متعود على احد وانا اول صديق له بين البشر:p اذكر يوم وديته البيطري عشان يكشف عليه وسمع صوت صراخه قال انا لي سنين اشتغل ولا عمري سمعت صوت صراخ مزعج مثل طيرك قلت له اذا روضته راح يكف عن الصراخ واذا ما رضي يتروض راح اخليه جهاز انذار في بيتنا:D بالنسبه للأكل من اليد اذكر انه أخذ الاكل من يدي وهو ما كمل اسبوع عندي اقتباس:
واتمنى اشوف مشاركات اكثر في الموضوع عشان نستفيد ومبروك عليك وعلى طيرك انه وقف على اليد وحاولي اختي تجربين طريقتي اللي ذكرتها في التجربه راح تفيدك كثير في تطوير مهاراته للصعود على اليد تحياتي جــوي |
رد: $تجربتي$
يعني قصتك مع طيرك تشبه قصتيه مع شامبيه :D
انا كمل معاي شهر.. بس ما رضا ياكل من ايدي غير على نهاية الشهر .. اهم شي انه اكل اهااا يعني ما شاء الله انته سويت انجاز بما انك اول واحد تربيه :) فعلن هذا نجاح الله وفقك فيه ^_^ و انا شو اللي خلى طيري يوقف على ايدي غير تجربتك :D اليوم اول يوم معاه و الأيام بيننا و لكل مجتهد نصيب :D لك مني جزييييييييييييييييل الشكر على توضيح هالنقاط :):) |
| جميع الأوقات بتوقيت GMT +3. الساعة الآن 04:33 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو