|
تقوية المناعه؟؟
السلام عليكم ورحمة الله وبركاته اليوم عندي سؤال وان شاءالله احصل على الجواب .. انا الله يسلمكم مثل ماتعرفون اني ادرس في المدرسه واخر سنه ثانويه ولازم احط على روحي ومن التعب في الليل واحيانا في الصبح اعاطس +زكام .. واليوم بعد مارجعت من المدرسه وخلصت دروسي طلعت سيكو وكان يرتجف على يدي وانا عبالي مثل كل مره يكون نص راقد وحزت ماايه يتمدد وماادري شيسوي ويرتجف فقلت شوي وبتروح الرجفه .. لكن استمرت بعدين الحمدلله راحت ولاحظته انه يعطس ولما يعطس مع العطسه يطلع ماي مب يسيل من انفه لا مع العطسه انا خفت وقلت جني نقلت له الزكام بسرعه رحت طلعت فص ثوم وعطيته وبدى ياكل ويحذف المهم الي ابي اعرفه .. هل كل واحد مريض مثلا فيه زكام ينقل العدو لسيكو .. وشلون اقوي مناعته عشان ماينتقل له المرض بسرعه ؟ والله يعطيكم العافيه |
رد: تقوية المناعه؟؟
انا وايد سمعت عن اهمية انه نحط مضاد حيوي بودره في الماي لمدة خمس ايام
هاي نصيحة اخوي من خبرته الطويله في البيطره :) والله اعلم.. موفقه خير في امتحاناتج.. و ربي يعطيج العافيه امين |
رد: تقوية المناعه؟؟
سؤال حلو بس ماعرف جوابة
|
رد: تقوية المناعه؟؟
كاسكوكيه انا بعد سمعت وقريت بس يعني كل ما يمرض احط له مضاد حيوي؟؟ تسلمين اختي:) أبو عرب تسلم اخوي:) |
رد: تقوية المناعه؟؟
لا .. بس المضاد الحيوي بيقوي مناعته.. يعني اخوي قال اول ما يبت الكاسكو.. انه متعود على الماي الطبيعي و الماي اللي نحن نشربه فيه كلور.. فيحتاج انه نعطيه مضاد حيوي :)
|
رد: تقوية المناعه؟؟
ااااهاااا .. مشكووووووره يالطيبه:) |
رد: تقوية المناعه؟؟
أخيتي القديرة عاشقة الطيور اسمحي لي بأن اقوم بتوضيح بعض الامور اخيتي من المعروف عن الكاسيكو ( البغبغاء الرمادي ) بأنه يكتسب العدوى وأيضاً ينقلها فعند اصابت صاحب الطير بالزكام مثلاً يفضل الابتعاد عن الطير قدر الامكان الى ان يذهب هذا الزكام . وكذلك الحال بالنسبة للطير عند اصابته يفضل ابتعاد صاحبه عنه قليلاً مع الاهتمام به من ناحية الأكل والعلاج . وأيضاً رؤيت الطير لصاحبه اثناء مرضه تفيده من الناحية النفسية كثيراً جداً وتساعد كثيراً في العلاج . وتأكدي وتيقني بأنك ستلقينا بجانبك متى ما أردت . راجياً ان اكون وفقت في كتابة ما ينفعك اخيتي والان اتركك في رعاية الله وحفظه مع تمنياتي الصادقة لك وللطيرك بالشفاء العاجل وتمنياتي لك بالنجاح في دراستك لك ولطيرك اقول اخر السوء تقديري واحترامي كان معك اخوك *THE*BOSS* |
رد: تقوية المناعه؟؟
ويا اخيتي القديرة بالنسبة لهذا السؤال اعذريني فلقد قمت بالرد بدون التعقيب عليه .. نسيت ... >> فلم كامل ^_^ اقتباس:
كما هو معروف بشأن الحمضيات وهي الليمون و البرتقال فهي غنية بفتامين C وهو الفتامين المقوي للمناعة قومي بإطعامه برتقال ولكن لا تزيدي في ذلك لكي لا يصيبه إسهال >> اعزك الله ومع الابتعاد عنه قدر الامكان كما قلت لك وان شاء الله لن ينتقل اليه شيء وان انتقل اليه شيء ستنتقل اليه محبتك له ^_^ والان اتركك في حفظ الله ورعايته كما اتمنى لك دوام الصحة والعافية تقديري واحترامي كان معك اخوك *THE*BOSS* |
رد: تقوية المناعه؟؟
تــــســـلم اخوي على على الاجابه الـــــوافـــــيـــــه .. اي الله يسمع منك نتخرج ونفتك من المدرسه وتعبها:) |
رد: تقوية المناعه؟؟
الأخ the boss
كلامه 100% |
رد: تقوية المناعه؟؟
اقتباس:
|
رد: تقوية المناعه؟؟
stt95 شكرا اخوي على المرور:) Unbelievable اخوي انا الي قريته ان البصل اهو المضر..والثوم زين وممتاز ولو مضر جان ضر سيكو بسم الله عليه .. على العموم مشكور اخوي:) والله يعطيكم العافيه |
رد: تقوية المناعه؟؟
الثوم مع الليمون يوضع في ماء الشرب ممتاز و مضاد حيوي طبيعي ,,,
|
رد: تقوية المناعه؟؟
في اعتقادي الشخصي ان تنويع الغذاء بحيث ان يكون غنيا بالفيتامينات والمعادن من شأنه تقوية الجهاز المناعي لدى الطائر او لدى البشر على حد سواء !!
**مايشوف شر الطير يا عاشقة الطيور انا طيري كان عنده نفس المشكله ولحقت عليه اول ما مرض عاد اشلوون دريت؟؟ مادريت انه مريض الا حزه ما يرقد ،، اسمعه يشاخر وبس عرفت انه مريض خذيت له دوا في البدايه مضاد حيوي سائل جفته عقب ثلاثة ايام ما طاب على طول وديته البيطري الي في لبديع قال ان صايده رشح بسبب تغيير الجو ودخول فصل الخريف وعطاني مضادات على شكل بودره ووصفلي فيتامينات متنوعه اعطيها ايا عقب ما يطيب وعقب 5 ايام ،، طاب ولله الحمد والمنه نصيحه.. لا تخلين الطير جذي وخصوصا انه رمادي ومناعته واييد ضعيفه بسرررعه جوفي له علاج لان المرض دايما له مضاعفات وبالاخص مثل هالامراض البسيطه الي تستهدف الجهاز التنفسي وماتجوفون شرر |
رد: تقوية المناعه؟؟
فتفوته مشكوره اختي على الوصفه:) طير حر مشكور اخوي .. الشر ماييك والحمدلله على سلامتك طيرك ..الشر ماييك اخوي وان شاءالله اليوم بوديه للبيطري والله يشافيك الله يعطيكم العافيه |
رد: تقوية المناعه؟؟
طمنينا على سيكو :) >> اسمه صح ولا انا غلطانه؟ :D
|
رد: تقوية المناعه؟؟
الحين تحسن الحمدلله بس بعد لازم اوديه عشان مايزيد .. اي صح اسمه سيكو:D |
| جميع الأوقات بتوقيت GMT +3. الساعة الآن 12:11 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو