منتديات تو زوو - منقول :طريقة غش انتبه يا زبون

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - منقول :طريقة غش انتبه يا زبون (http://www.2zoo.com/vb/showthread.php?t=99831)

منقول :طريقة غش انتبه يا زبون

[أخواني اليوم جايبلكم احدث طريقه للغش بالببغاوات الطريقه ابتكار بنقالي وللأسف استخدموها الشباب هنا
إليكم الطريقه وكونو مفتحين يوم انكم تشترون ببغاء وخاصة ببغاء الدره المطوقه وبجدة تحديداً
1- يقومون بشراء الببغاءاللي يشوفون صحته كويسه لاكنه ماهو اليف مثل الدرر الخضرا تطيح عليه الوحده من 100 ريال إلى 220 على حسب الجنس ونضافه الريش
2- طبعاً تكون متوحشه يعني عضه ويدك تورم وتألمك لمدة اسبوع يقومون بقص ريش الطائر ومن ثم تقليم الأظافر للمعلومية ما يقلمون كل الأظافر يترك منها كم اظفار لكي تستطيع التسلق على الكتف ويوهم المشتري وهو حاطها على كتفه وشايلها على يده لا والأدهى والأمر انه يحاول ينزلها قدام المشتري وهي المسكينه ماسكه لأنه ماهي قادرة تتحكم برجولها مزبوط ويقلكشفت نشبه ماهي راضية تنزلوالأدهى والأمر يوم يحط يده عند صدر الطير ويكلمه يقله اطلع يعني يعني يفهم والطيرمسكين ما يصدق يبي يمسك بأي شي لعدم قدرته على التمسك بشكل صحيح.
3_وجات المصيبة الكبرى وهي اللي الكل قاعد يسأل فيكم عنها وهي انت قاعد تخربط وش تقول توك تقول اليفه وما تعض نهائي لو انك حطيت يدك في فمها وبعدها تقول متوحشه ماعرفنالك يا مجودي السبب كالتالي يقومون ببرد المنقار زي ما تبرد الأضافر بالمبرد حق السكاكين عشان ما عاد يقدر يعض نهائي لو حطيت اصباعك داخل فمه ما يقدر يعض طيب في ناس تقلك شي طيب انه ما يعض ادى الغرض المطلوب اقله يا صاحي صحصح الطير ما عاد يقدر ياكل فصفص لا ولا التفاح ولا اي شي يعني في النهاية حيموت وبعضها مسكينة تقعد تحاول مع التفاحة ما تقدر تاكل منها شي يعني لو ما انتبهت لها وقطعت التفاح بقطع صغيره ما راح تقدر تاكل يجي كمان اللي قلناله صحصح قبل شوي يقلك ادت الغرض المطلوب اهم شي يقدر ياكل بأي طريقه بالنظر انتا تشوفه ياكل التفاح لاكنه هو ما ياكلها يقطع منها اوصا ل ويحطها في فمه ويمص المويه اللي فيها وبعدين يطشها فهمت يا فالح .
4- الأن تفننوا صارو يبردون المنقار برد بشكل عجيب بحيث انك ما تنتبه للبرد يعني برد محترفين تشوف نهاية المنقار العلوي زي الدبوس وتقول مو مبرود لاكنه يادلخ مبرود إلين ما قال امين .
مواصفات الطير اللي مو مبرود منقاره وهي كالتالي:
المنقار العلوي يكون نهايته مثل الدبوس وتكون عند غلق فم الطائر تقريبا في منتصف المنقار السفلي من اسفل المنقار واقل من ذلك بقليل.
تلاحظ على المنقار انه لا يوجد اي برد من الجوانب والبرد شكله معروف مثل يوم تبرد الأظافر تلقى نهايتها مرتب وشكلها جميل وفيها نحافه من الأطراف .
ملاحظة بعض الأمور اللي يوم تشوفها لازم تفتح عينك على الطير مزبوط.عشان ما تنغش.
الطير يكون خواف مره من يوم انك تحطه على يدك يبي يطير ولا يشرد او يقعد يتعلق بملابسك الين ما يوصل لكتفك وعلى طول ما يثبت على الكتف يا يطير يا تحصله من الكتف اليمين إلى الكتف اليسار رايح جاي.
الطير ما يرضى انك تمسح عليه يوم انك تبي تمسح عليه يحاول يعضك على طول حتى لو كان مبرود منقاره حيمسك اصباعك بس ما تحس بعضته لاكنه لو قدر والله غير يقطع اصباعك قطع .
للأسف انا كمان انغشيت كل ما احد جاني اقله في واحد يولف الدره ب50 ريال بس خلال عشر دقايق ويعطيك اياها اليفه زي الحمامة وكنت في نفسي اقول طيب هذا وش يسوي يغير المموري حقها 10 دقايق والله رقم خيالي المهم دخلت في وسطهم وطمنتهم مزبوط وسرت اشتري منهم اشتريت اول دره والله اني ما بعتها لأحد خليتها وقعدت اراقبها شفت انها ما تاكل وعلى ذا الحال انا وياها الين ما صرت ااكلها بالأبره واللي المهم وبعدين اعطيتها واحد من اصحابي وقلتله اهتم فيها الين ما تقوم تاكل زين وخذها لك بس ما عرفت وش فيها المهم جيت مره ثانية وعاد صرت زبون عندهم ابي اعرف وش ذي الطريقة اللي تخلي الطير خلال 10 دقايق اليف وما يعض كلمني زي العاده قلي في دره اليف ب210 تاخذها قلتله جيب جابها ذيبان ما صدق خبر المهم قمت اقلب الرجال وقلتله في دفعه جاية الحين يمكن 50 دره بس كلها ماهي اليفه وش الحل قلي اخذ على الحبه 50 وولفلك اياها كلها خلال يوم واحد قلتله ان كنت صادق اعطيك على الوحده 80 بس علمني كيف الطريقه المهم طمع الرجال وبدا يعلمني خلاص ضمن ااني بتعامل معه بنفس طريقة الغش هذه طلع المبرد والمقص والعده وقعد يعلمني بطريقةتعذيبها مو توليفها وياليته ما علمني والله شي يخلي الراس يشيب ما يخافون الله انا اخذت الدره الثانية منه وقلتله اتقي الله في نفسك انت واللي معك قلي متقي الله قبل ما اشوف وجهك والدره عندي موجوده وليست للبيع الين الله ما يكتبلها يا ينبت منقارها يا تموت والله راح اكلها سيرلاك لأنه حاولت معها طول الييل وما قدرت تاكل حتى البطاطس المهروسه .
انا داري انه كلامي مخربط بس ياليت تكون الفكرة وصلت وعلى الصور في ناس حيقولون ليه ما حطيت صور صدقوني لو لقيت تجاوب في الموضوع ححطرساله إلى كل من يستخدم هذه الطريقه او يعرف احد يستخدمها انه ينصحه ويقله اتقي الله في مالك واتقي الله في هذه الكبد الرطب وش الفرق بينه وبين المرأة اللي دخلت النار لحبسها الهره قولولي وش الفرق السبب واحد ولو تعددت الطرق وهو حرمانها من الأكل
اسأل الله ان يتوب على كل من لديه هذه الأفه وان لم يسمع لنصيحتي ويتوقف ان يعيق يده قبل اقدامه على شي من هذا القبيل .
واسف على الإطالة بس والله ما كنت اتصور انه في ناس توصل معهم لكسب المال ان يقوموا بمثل ذلك