كيف اطير اخلي الحمام يحوم حول البيت
السلام عليكم انا عندي طبه حمام زاجل و ذكر بااكستاني اذا فيكت لهم الباب مايحومون على البيت يجلسون عل الدرايش او على الصطح واحد قال لي اني اذا ابيهم يحومون اخوفهم بقطعه قماش ويحومون انا سويتها يحومون من 5 الى 11 دورة وينزلون مرة ثانيه على الصطح مع ان الحمام يغيم اذا طار
|
رد: كيف اطير اخلي الحمام يحوم حول البيت
اولا : انا كنت مثلك بدي اياهم يطيرو و شوفهم ويضلو عالأقل 10 دقاق طايرين .
شو تعمل اذا همه كثار ؟؟؟ يعني اذا فوق ال 10 طيور يمكنك لكن انا فاهم من كلامك انهم عدد قليل صح ؟ لازم يكونو كثار 6 اجواز شو تعمل تطلع عالعشه تفوت تغير الماء او الأكل وتضل بالعشه وهمه بالجو شوي وهمه بالجو بدهم ينزلو بس يشوفوك بردو يعلوو وبس ينزلو اضع لهم علف كثير عشان يشعرو بالأمان وما انك خوفتهم وهيك يعني . :) دير بالك تهوفهم ب قطعة قماش خطأ يمكن يخافو وما يرجعولك @@ |
رد: كيف اطير اخلي الحمام يحوم حول البيت
اها عشان عددهم قليل مايحومو عني
طيب انا حاطهم بمحاكر والمحاكر بالحوش تنصحوني اخليهم مكانهم ولا اغيره احطهم في الصطح |
رد: كيف اطير اخلي الحمام يحوم حول البيت
اذا تبيهم يحومين حطهم بصطح عشان لما تفلتهم يطلعو لي فوق بس لما تفلتهم من الحوش يطلعو لي الصطح ويجلسون
انا كان عندي 84 زوج غير الزغاليل والغير البيض كنت افلتهم من الصطح يطلعو لي فوق لانهم في الصطح اما لما يكونو بالحوش يطلعو لي الصطح ويجلسون تقبل مروري |
رد: كيف اطير اخلي الحمام يحوم حول البيت
مشكور على الافاده بنقلهم الصطح قريب
طيب اذا نقلتهم اخليهم مده ولا على طول افكهم |
رد: كيف اطير اخلي الحمام يحوم حول البيت
دير بالك لكا تنقلهم لا تفتح عليهم فوورا اصبر اسبوع وبعدين افتح عليهم .
ملاحظه اذا نقلتهم للسطح دير بالك لا يفوت عليهم ل جوا شمس مباشره او مطر دير بالك . :) وأذا هو حمام هزازي و شيرازي او امريكي خطأ يطير خارج . :) بالتوفيييييييييييق :) |
رد: كيف اطير اخلي الحمام يحوم حول البيت
دير بالك لكا تنقلهم لا تفتح عليهم فوورا اصبر اسبوع وبعدين افتح عليهم .
ملاحظه اذا نقلتهم للسطح دير بالك لا يفوت عليهم ل جوا شمس مباشره او مطر دير بالك . :) وأذا هو حمام هزازي و شيرازي او امريكي خطأ يطير خارج . :) بالتوفيييييييييييق :) |
رد: كيف اطير اخلي الحمام يحوم حول البيت
لا نوعهم 2 زاجل اخوان
و 1 ذكر باكستاني |
رد: كيف اطير اخلي الحمام يحوم حول البيت
السلام عليكم ورحمه الله وبركاته .. يعني الي عندك كلهم 3 ذكور الزواجل والبكستاني شوف بقولك نصيحه ممكن تفيدك وبما اني اربي قبل حمام وحالياً راجع لتربية الحمام لانه كله دواجن .. اخوي خلط الانواع هذي تقلل من الطيران الطير لانه يفضل كل نوع مع نوعه بتقولي ليش ؟ لانه كل طير له طيران معين عند الحمام اللقلاب الي احنا نسميه بالكويت " آلوت " لو فكيته مع حمام نوع مثل " اللاحم ولا الكينق " ولا حمام سمين او مايطير تلاقي اللاحم والكينق او الشمسي والطيور الزينه تاخذ لفه وترجع تطب سوى بالسطح ولا بالحديقه مايطير وتلاقي الطير آلوت او البكساتي يكون معاهم مايطير لانه الحمام لما يطير يطير على شكل مجموعات مهع بعض لما تفك الحمام بكستاني كله مع بعض بتلاقي يروح فوق وبعض الباكستاني ماتشوفه ماشاء الله من طيارانه سوى كان بالسطح ولا بالمزرعه او بحديقة البيت والزاجل معروف بطيرانه روعه وسرعه بس الي عليك حاول لما تطير طيورك اول شي مايكون الطير مثقل بالاكل يعني ماكل وشبعان ؟ هذا اهم نقطه يعني حاول تجوعهم وبعدين طيرهم وحاول بالعصا خشبيه وتغطيها بخيشه او بكيس الزباله وانتو بكرامه الاسود هذا يخوف الحمام تخليه يطير فوق ،، بخصوص مكان طيورك هذا يعتمد على المكان والمساحه الي عندك اذا المكان الي عندك كله شجر ونخل والبيوت قراب من بعض والمكان ضيق انسى حمامك يطير بشكل صحيح تلاقي لفه لفتين ويطب بالبيوت المجاوله او ينزل بسرعه اهني مالك الى تنقلهم للسطح واذا نقلتهم حاول تسوي لهم " محكر " او المكان المخصص لهم وبعدين جيب قفص صغير حاول تحط حمام وتخليهم فوق العشه او المحكر ليش ؟ خليهم يشوفون المكان ويتعرفون عليه لمده اسبوع حتى يحفظ المكان وبعدها تطيرهم بشرط يكون الطير مو ماكل وشبعان حتى يرجع مره ثانيه وحاول تزيد من حمامك اما زواجل او باكستاني ولاتختار انواع ثانيه حتى مايكون تهجين بينهم ،، واتمنى افدك ولو بشي بسيط ،، |
رد: كيف اطير اخلي الحمام يحوم حول البيت
مشكووور افدتني الحين ان شاء الله ببدي مشروع انا وولد جيراننا
بنحط حمام ودجاج بالبر وبنخليهم ينتجون لين السنه الجايه وبنبدا نبيع عندي كم سؤال زياده اذا حطيت 20 حمامه 10 ذكور و 10 اناث كم يبيلهم عشان ينتجون والنوع اللي بنربيه باكستاني ان شاء الله كيف انتاجهم واحنا مابنطيرهم بنخليهم ينتجون الفكرة ذي زينه ولالا |
جميع الأوقات بتوقيت GMT +3. الساعة الآن 02:55 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو