منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   ببغاء شهرين (http://www.2zoo.com/vb/showthread.php?t=366394)

ابو تماضر 17-04-2018 12:43 PM

ببغاء شهرين
 
السلام عليكم
تحية طيبة
عندي ببغاء افريقي رمادي عمره شهرين وأموره في السليم الحمدلله
لكن مشكله إن فيه جعر خفيف ( طبعا شريته من واحد ) يقبل المسح
وش نصائحكم في تدريبه على الكلام ( أي عمر أو سن ) ؟
وغره بالاكل في اليوم 3 مرات
متى أقطع عنه الغر وامهد له يعتمد على نفسه ؟

هل الأفضل أحط له مسجل في أوقات عملي ( الصباح ) مسجل ويكرر الصوت أو ماله داعي؟
علمأً أني ادربه على الكلام وجه لوجه إذا فضيت له يومان معي:freind:
في اي عمر يتعلق على خشب أو يثبت

fawzi 17-04-2018 04:34 PM

رد: ببغاء شهرين
 
ممكن صور الطير

ابو تماضر 18-04-2018 07:13 AM

رد: ببغاء شهرين
 
http://c.up-00.com/2018/04/152402476532581.jpg

روجيادا 19-04-2018 08:32 AM

رد: ببغاء شهرين
 
اقتباس:

المشاركة الأصلية كتبت بواسطة ابو تماضر (المشاركة 3199328)
السلام عليكم
تحية طيبة
عندي ببغاء افريقي رمادي عمره شهرين وأموره في السليم الحمدلله
لكن مشكله إن فيه جعر خفيف ( طبعا شريته من واحد ) يقبل المسح
وش نصائحكم في تدريبه على الكلام ( أي عمر أو سن ) ؟
وغره بالاكل في اليوم 3 مرات
متى أقطع عنه الغر وامهد له يعتمد على نفسه ؟

هل الأفضل أحط له مسجل في أوقات عملي ( الصباح ) مسجل ويكرر الصوت أو ماله داعي؟
علمأً أني ادربه على الكلام وجه لوجه إذا فضيت له يومان معي:freind:
في اي عمر يتعلق على خشب أو يثبت

وعليكم السلام والرحمه
اول شي مبروك ع الطير يتربى ف عزك ان شاء الله
الجعره مع الوقت والتعود بتروح لان فيه خوف للحين وماتعود عليك زين واذا طولت معاه حاول تقوله كلمه لا بصوت حازم كلما جعر
والكلام بعده صغير قبل مايكمل سنه بكم شهر يبدأ يلقط بس مايمنع انك تتكلم معاه من الحين اول شي ت يتطمن لك ويألف صوتك وممكن يلقط كلام اسرع
والغر بعده الطير حتى ما اكتمل ريشه وانت تفكر ف الفطام :confused: ع العموم لين 6 شهور ابدأ خفف الغر وحط له حب او اكل ناعم او حتى الاكل اللي تغره اياه حطه ف صحن وخليه ياكل وحده وبعدها ابدأ حط له حب ف البدايه بيلعب به ومع الوقت بيتعلم ياكله مع استمرارك بالغر او وضع الاكل اللي تغره اياه ف حال تعلم ياكل وحد
وانا اشوف 3 مرات غر ف اليوم وهالسن شويه الا اذا تعطيه كميات تكفيه اهم شي ماتخلي الحوصله فارغه فترات طويله لانه بيبرد من الجوع وبتجيه نزله برد وبيستفرغ أي اكل ياكله
وفي حال جاته نزله برد ( الله لا قال) انتظر ت تفرغ الحوصله شوي وعطيه ماي فيه فص ثوم مدقوق وكم قطره ليمون بس مش واجد عشان الثوم مايسوي قرحه وان شاء الله من اول جرعه بيتوقف الترجيع واهم شي خلال هالفترة تدفيه زييييين وتغره شوي شوي عشان مايستفرغ ويفضل تعطيه شوي سيريلاك لان فيه نسبه سكر وبيعطيه طاقه تساعده يعدي هالفترة ع خير وفي نفس الوقت لا تكثر من السيريلاك لان كثرته تسبب اسهال
والمسجل ماله داعي الحين بعده صغير
وحتى بعدين يفضل يكون ف مكان يسمع كلام الناس احسن من المسجل كالصاله مثلا وهو بيلقط الكلام وفي نفس الوقت يحس بالانس والالفه
والوقوف ع الستاند لسه الطير صغير لا تحط له شي مرتفع يطلع عليه ويطيح ويتعور وهو فضولي طبيعي بيطلع وبيلعب باي شي يحصله
انت مع الوقت بتعرف متى بيكون مستعد يطلع ويتسلق اهم شي لا تبدأ بشي مرتفع لان الكاسكو وزنه كبير نسبيا مقارنه مع الطيور الثانيه ف كلما كانت الطيحه من مكان مرتفع تسببت بضرر اكبر
وبالتوفيق

ابو تماضر 19-04-2018 12:29 PM

رد: ببغاء شهرين
 
الله يجزاك خير .. صراحة كلامك وافي وجميل،،
السؤال / أنا أعطيه سيريلاك (فيرسلاكا a21) وش البديل له عشان مايجيه اسهال ؟
عندي مثل الكرتون بس ماشاء الله يطلع منه ..؟
هل احطه في قفص أرضي ؟

روجيادا 22-04-2018 07:17 AM

رد: ببغاء شهرين
 
اقتباس:

المشاركة الأصلية كتبت بواسطة ابو تماضر (المشاركة 3199347)
الله يجزاك خير .. صراحة كلامك وافي وجميل،،
السؤال / أنا أعطيه سيريلاك (فيرسلاكا a21) وش البديل له عشان مايجيه اسهال ؟
عندي مثل الكرتون بس ماشاء الله يطلع منه ..؟
هل احطه في قفص أرضي ؟

اخوي دام السيريلاك مخصص للطيور مايجيه اسهال ان شاء الله انا كنت اقصد السيريلاك البشري مال الاطفال
ايوا حطه ف قفص ارضي او قفص عادي بدون ستاند عشان مايتسلقهن واهم شي تحط شبك ف القفص تحت عشان ماياكل فضلاته لان هالفترة بيكون فيه فضول لاي شي وكل شي ف زين تخلي عنده لعبه قطنيه ( الالعاب المحشوة)يلعب بها ويتدفى بها لما ينام وممكن لعبه فيها جرس او شي يسوي صوت ت يلعب
الكرتون بيطلع منه وممكن يعور نفسه بشي
واذا كنت تحط نشارة الخشب ف ارضيه القفص ممكن تستبدلها بكلينكس قطعه كبيرة ع طول ارضيه القفص لان مرات ياكلو النشارة ومرات ذرات صغيره من النشاره تدخل ف مجرى التنفس او حتى ممكن قطعه صغيره تجي ف عينه بس اهتم بالتدفئه اول شي واذا حسيت ان الحرارة بتقل اذا استبدلت النشارة بالكلينكس رجع النشارة بس انتبه له ماياكلها
وبالتوفيق اخوي

ابو تماضر 22-04-2018 08:00 AM

رد: ببغاء شهرين
 
بارك الله فيك ..
أنا ممتن لك

روجيادا 23-04-2018 06:46 AM

رد: ببغاء شهرين
 
العفو.... بالتوفيق

ابو تماضر 30-04-2018 07:46 AM

رد: ببغاء شهرين
 
هل يصلح احط السيريلاك في الثلاجة واذا احتجته طلعته بمدة واطعمته الطير

روجيادا 30-04-2018 09:33 AM

رد: ببغاء شهرين
 
اقتباس:

المشاركة الأصلية كتبت بواسطة ابو تماضر (المشاركة 3199477)
هل يصلح احط السيريلاك في الثلاجة واذا احتجته طلعته بمدة واطعمته الطير

يفضل لا عشان مايكون تلوث ببكتيريا او شي ويمرض الطير عليك
مامستاهل تخاطر بصحته عشان شوي سيريلاك وغير انه لما تغره لازم الاكل يكون دافي لاتعطيه سيريلاك بارد ابدا عشان مايمسكه برد
انت ف كل مرة عطيه كميات صغيره عشان اذا نقص ممكن تزيد بس اذا زاد ماتقدر ترجعه


جميع الأوقات بتوقيت GMT +3. الساعة الآن 08:12 AM.

Powered by vBulletin® Version 3.8.8 Alpha 1
Copyright ©2000 - 2020, Jelsoft Enterprises Ltd
الحقوق محفوظة لمنتديات تو زوو