لون الاسهال غريب
 

السلام عليكم
عندي كاسكو عمره حول 5-6 شهور
ماياكل اله بالعس (الابرة) وذي الفتره الاخيره من يومين اجوفه قام يتعلم ياكل حب شمسي وفول سوداني ولاكن مايكثر كان يعتمد على السريلاك الخاص للطيور
المهم امس وانه اوكله السيريلاك حسيت ان شهيته للاكل قلت عن قبل
( ولون برازه تغير صار اخضر مايل للاصفر وسامحوني على الصوره ) لان قبل كان البراز 70٪‏ شفاف و الباقي الاخضر
ولكن الحين صراحه خايف على صحته كونه فرخ ، قبل كان اذا جوعان يسويلي حفله من الصراخ و التصفير ويلحقني لي المطبخ وانه ابرز السريلاك و الحين ماقام يسويها[IMG]https://b.top4top.net/p_524ej90c0.jpg[/IMG]

رد: لون الاسهال غريب
 

وبالمناسبة هل هذا الصوت طبيعي ؟
http://youtu.be/MSBfgfv5pUU

رد: لون الاسهال غريب
 

مراحب عزيزي
هذا اسهال بنسبة سوائل عاليه
وبكذا الطير يحس بفتور وخمول والسبب السيرلاك تعطيه اياه موب ثقيل
تخليه سائل كثير او عدم تنظيف ادوات السيرلاك الابره وخلافها
الحبوب مكشوفه مثلا
علبة الماء غير منظفه بشكل كبير
عدم تنظيف القفص بشكل يومي
عدة امور ولو اهملت هالشي بتسببله فطريات لاسمح الله
والحل
تجيب الارز المصري اللي هو بالاسواق يسمى - صنوايت
تسلق الارز وحاول تكثر مويته لان
هي الاساس بعدما تسلق الارز بعد ظ¥ دقايق
راح يكون لو الماء قريب للون الابيض
هذا يسمى بالنشاء
نصفي ماء الرز بقاروره لين تبرد
ثمن غره بالابره مرتين باليوم
والرز اللي سلقته حاول تاخذ منه بيديك وتعطيه
واذا يوج موز - او - زبادي خالي الدسم
باذن الله خلال اليوم او اليوم الثاني وهو بخير
اما من ناحية الصوت
صوته فيه بحه
وهذه تكون من عدة عوامل
ياانك تحطه بمكان بارد ثم تنقله لمكان حار
او مكانه في مدخنين
او بخور
او تعطيه ماء غير معدني
يعني تصب له من خزان البيت
ترا خزان البيت يوجد فيه كلور وذا يسبب مشكله للطير
اذا في شي من اللي ذكرت حاول تغيير وضعه
وماتشوف شر بطيرك

واعتذر على القصور ..

رد: لون الاسهال غريب
 

فعلا اخوي التنظيف انظفه بشكل دوري بس الماي من الخزان الي اعبيه له دايما وبديت اعبيله من ماي الشرب و حاولت اخلي السيرلاك ثقيل وخف الاسهال ولكن لازال اللون الاصفر المائل للاخضرار موجود
وعن الصوت اكتشفت ان الوالده تبخر الصالة في وجود الكاسيكو :) وفي بعض الاحيان انه اطلعه ربع ساعه او ثلث ساعه يتشمس و ارد ادخله الصالة
وعن موضوع النشى هل اقدر استخدم النشى الي ينباع في الاسواق ولا لازم من العيش ؟

رد: لون الاسهال غريب
 

اهلين عزيزي
ربي يطول بعمرها ويخليها لك خلها تبخر جعل ربي لايحرمكن وجودها
بس اليا بخرت حاول تعزل الببغاء يابعدي
اما من ناحية الاسهال دامه خف الحمدالله
اما من ناحية اللون وهالامور عاديه لان مانتهى الاسهال الله يعزك
بس انت لاتنتظر لين ينتهي على كيفه
عشان لايرجعله مره ثانيه خلينا نتمكن منه وننهي هالشي من الطير
وانا يابعدي ماجربت النشاء اللي بالاسواق بصراحة
الطريقه اللي استعملها عي سلق الرز اسمع نصيحتي
مجربه تاكد قيمة الكيس ظ¤ ريال اسمه صنوايت
عن الف نشاء جاهز
بس انتبه لاتحط له ملح
اما من ناحية التشميس
لك من الساعه التاسعة صباحا الى الساعه الحادية عشر الصباح
هنا الفيتامين وقتل المكروبات والجراثيم وخلافها
غير هالوقت شمس لادعه وتهلك الطير
واليا شمسته لمدة معقوله
اليا بغيت تدخله البيت لاتوجهه على غرفة مكيفه ولا تشربه مويه على طول
شيل مويته ثمن خليه في غرفه عاديه جوها ماهوب بارد
كثر الوقت اللي قضيت فيه طيرك برا للتشميس
ثمن رجعه للوضع القديم بغرفة اللي تبيها
وماعلى طيرك شر

رد: لون الاسهال غريب
 

يبدو ان الحاله تطورت الطير قام يرجع ومايقدر يوقف على ريوله خذته على البيطري عطاه ابره ماعرف ولله شسمها و في العناية حاليا بيتم عندهم ليما تتحسن حالته او على كلام الدكتور الحاله خطيره و احتمال يموت الفرخ

رد: لون الاسهال غريب
 

الله يشفيه - هذا هو الكاسكو لو تمكن منه المرض ووصل هذا الإسهال وعلاج الابر لو فرخ احتمال الموت لا سمح الله، طمنا عالطير اخي


Sent from my iPhone using 2zoo.com

رد: لون الاسهال غريب
 

للاسف الكاسكو يوم اخذه البيطري كانت حالته حرجه جدا واخر حل كان الابره ولكن للاسف المرض كان متمكن جدا من الفرخ الهولندي وعطاكم عمره
ان شاء الله التجربه اليايه نبتعد عن الكاسكو وامراضه ونبتدي في البلو فرونت

رد: لون الاسهال غريب
 

البلوفرنتد أعند الامازونات و ترويضه صعب - الا تاخذيه مروض وجاهز


Sent from my iPhone using 2zoo.com