|
اللي عنده خبره يتفضل
السلام عليكم ورحمة الله وبركاته
عندنا حديقه داخليه في بيتنا تراب مافيها شي أنا قلت لأهلي بعدلها لكم ودي أخليها بدال التراب خضره وزرع وشي يتحمل جو الخليج عاد ودي أزرعها حشيش أخضر بس في ناس قالولي موزين يجيب النامس ( الناموس البعوض ) وناس قالولي مايصلح لأنه راح ييبس ويصير أصفر ويموت وناس قالولي هو أفضل شي لجو الخليج ومحتاره ياليت تنصحوني وتساعدوني قولولي شرايكم بالحشيش الثيل وعطوني أفكار لزراعة الحديقه ونوع النباتات اللي تتحمل جو الخليج عاد لاتفشلوني عند أهلي أنا شاده الظهر فيكم قلت لهم عندي موقع عجيب بيساعدني بيضوا الوجه تراني عضوه جديده :) |
رد: اللي عنده خبره يتفضل
وعليكم السلام اختي
ياهلا اختي في المنتدى نورتينا اولا لازم تفكرين بشكل او نوع الزرع بحسب حجم الحديقة الداخلية اما بالنسبة للثيل يصلح لكن هذا اذا كنتي تسقينه بين فتره وفتره والناموس يمكن بس ايام الرطوبه . هم بعد تقدرين تزرعين نوع ثاني او نبات صغير الحجم حتى يعطيها منظر اجمل انا معاج بان الجو مايساعد لانه يضعف النبات ويموته احيانا لكن انصح بان تغذين النبات اي تعطينه غذاء النبات مثل:SCHULTZ))ALL Purpose وهذي صورته 7 7 7 http://up.graaam.com/p9ic/c6bf9f2b85.jpg تلاقينه بمراكز سلطان او ستي سنتر **ملاحظة:هذا الغذاء تعطينه للنباتات المزورعه بعد اسبوعين اي اللي عمرها اسبوعين واكثر التعليمات والارشادات الاخرى مكتوبه بالعلبه ... اتمنى اني افدتج:) |
رد: اللي عنده خبره يتفضل
اهلا فيج اختي كويتية اخوي هاوي زرازير كفه و وفه وانا بغيت اقول انه لو تنطرين الحر شويه يروح يعني على اخر 9 وزرعي الثيل عشان ما يجف ويصفر من الحراره وبعدين راح يصير احين ومن ناحيه الناموس ما راح اي الا اذا كان في ماي ناقع والرطوبه لانه يحب الجو جذيه يعني لاتخافين من الناموس ما راح يكون موجود اذا اهتميتي بالثيل عدل وتقدرين تزرعين ورد بس اغلب الورد يبيله تجديد لانه يموت من الحر وفي بعض الانواع ما تموت |
رد: اللي عنده خبره يتفضل
هاوي زرازير
مشكور أخوي ماقصرت بس عندي سؤال البودر هذا مافيه ريحه لأن أغلب المواد اللي يغذون الزرع فيها لهم ريحه كريهه وسؤال ثاني الله يعافيك هالبودر بس للثيل والا للنباتات كلها وجم مره باليوم أسقي الثيل وشلون أشتريه بالمتر والا بذور آسفه كثرت عليك بالأسئله _____________ 3aloe مشكور عالنصيحه وبنطر على قولتك شهر 9 وأبتدي أزرع وعندي سؤال الثيل مايبيله قص بين فتره وفتره اذا طال ؟ وسمعت من خالي ان اكو ثيل قزم مايطول صج ؟ |
رد: اللي عنده خبره يتفضل
اكيد الثيل يبيله قص ويتنظف طبعا احنا الثيل الي بمزرعتنا انقصه بالمكينه مالت الثيل تلقينها بالمشاتل يبيعونها وعن الثيل القزم انا ما عندي فكره بس اخوي المشرف قطو_ q8te قال انه في ثيل صيني يطلع ورد بالمشاتل تلقينه اذا حابه تشوفينه سالي عنه اهناك اظن حلو شكله |
رد: اللي عنده خبره يتفضل
العفو اختي فيه ريحة لكن مو قويه ويستخدم للجميع النباتات لكن بنسب مختلفه
بالنسبة للثيل تشترينه بالمتر . |
رد: اللي عنده خبره يتفضل
3aloe
عجبتني سالفة الثيل الصيني ان شاء الله بروح أسأل عنه بالمشاتل مشكور أخوي -__________ هاوي زرازير مشكور ماقصرت انشاء الله بشتريه بالمتر |
رد: اللي عنده خبره يتفضل
اختي انا اشوف لو تنتظرين شوي ينتهي الحر يكون افضل ورأيي من رأي اخوي علاوي ويارب تستفيدي من هالقسم يارب وننتظر صورة حديقتكم قبل وبعد:) ومشكوره |
رد: اللي عنده خبره يتفضل
http://2askt11.france.net.in/all/index.php .
هلا فيج أختي ان شاء الله بنتظر بعد شهر وأزرع بس ألحين بعدل أحواض الزرع والأضاءه شكرا لج عالمشاركه |
| جميع الأوقات بتوقيت GMT +3. الساعة الآن 05:41 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو