تدريب البادجي طريقة سهلة للي يحب يدرب طيره
بسم الله الرحمن الرحيم
السلام عليكم و رحمة الله و بركاته البادجي هو الطائر الإسترالي و معروف في دول الخليج بإسم طائر الحب . البادجي بعكس اعتقاد الكثير من الناس ، ليس عصفور عادي مثل الكناري و غيرها من الطيور المستحيل تدريبها ، لكنه ببغاء صغير و ممكن جدا انه يتعلم كلمات معدودة و لكن في حالات التدريب المكثف و عدم وجد طيور اخري معه . اذا كنت من محبي البغبغانات و نفسك تشتري واحد لكن اسعارها خيالية بالنسبة لك ، او عندك اطفال نفسهم في طيور و متحبش تبهدل البيت :d ، او بتحب الطيور بس بتخاف من الكبير منها ، يبقي مفيش غير البادجي ينفعك :d البادجي طائر صغير الحجم و ألوانه زاهية و صوته جميل و يوجد منه انواع منها البادجي العادي و الإنجليزي ( هو نفس النوع و لكن جسمه كبير و اضخم من الإسترالي المعروف ) و يوجد البادجي ابو شوشة ( ريش الراس طويل و عامل زي الشوشة :d ) مش عايزة ادخل في تفاصيل كتير عن الطائر دلوقتي ، خلينا نركز علي التدريب في الموضوع ده و اوعدكم بموضوع مفصل عن الإسترالي يجمع كل ناحية عن حياته و نشأته ان شاء الله اكرر هذه الطريقة ، طريقتي في تدريب طيوري و الحمد لله الي الأن دربت 3 بادجي منهم انثتين تزاوجوا و لا يزالوا مدربين ، و الثالث ذكر استرالي اسمه تيكي شديد الإرتباط بي الحمد لله ، لو اختلف معايا حد في الطريقة اقول له ( الإختلاف في الرأي لا يفسد للود قضية ) أولا العمر المناسب عشان تجيب طائر استرالي و تدربه ، هو عمر شهر ، و الطائر صغير و بدأ يأكل لوحده و يعتمد علي نفسه تجيب الطائر اللي يعجبك و ابتعد عن المريض خالص و اللي عنده نقص في الأملاح و الفيتامينات ، عصفوري تيكي كان ضعيف و اخد مجهود كبير حتي يتعافي ، الأحسن تشتري الصحي اول ما تجيب الطائر سيبه يومين بس و حط له اكل و مية من غير ما تحاول تمسكه ، و خليك معاه اطول وقت ممكن ، امضي وقتك كله امامه و لاحظه و كلمه في اليوم الثالث يبدأ الشغل :d في الصباح الباكر اول ما يصحي من النوم حيكون جعان و عايز ياكل.... من الليلة اللي قبلها شيل الأكل و المية من عنده و لما يصحي طلعه برة القفص و شيل القفص من قدامه خالص ، في غرفة تانية عشان ميهربش عليه و جيب الأكل في ايدك وحط شوية صغيرة و قربها منه ، لو هرب منك ، متمسكهوش بالعافية ، مع ان الطير في العمر ده بيطير بالعافية و بيطير مسافة قصيرة جدا .. مش محتاج تروعه و تخوفه و تمسكه خلي الاكل قدامه في ايدك و هو حيجي و يأكل منها الطيور في العمر ده مش بتعرف تشرب لوحدها اوي لدرجة انه يتهيأ لك انه عنده جفاف ! :d ابقي بلل اصبعك في المية و حطها في الحبوب و خليه يلتقط الحب من اصبعك و لو عايز تشربه ... بلل اصبعك و خليه يلحس المية منه .. حيشرب نقطة او اتنين بالكتير بعد كده ينفض المية و يرفض الشرب ... متغصبش عليه الطير في العمر ده بيبقي لسه محتاج لحنان الأم و غير متعود علي الحياة بره العش و كل ما تيجي تشيله حتلاحظ انه بيجري علي الجاكت او اي حته مظلمة في هدومك و يدفس نفسه فيها عشان ينام :d خليه ينام و متقلقش عليه ... و خليه يحس بالدفء معك ... بالطريقة دي حيبدأ خطوات ارتباطه بيك و يتعود عليك سريعا ممكن جدا تخلي الطير طليق في البيت من غير قفص جيب شجرة زينة مثلا صناعية .... او ترابيزة صغيرة و حط عليها اطباق الأكل و المية بتاعته و الألعاب هو حيتعود علي المكان و يفضل فيه و ممكن تشتري استاند البغبغانات و يعيش عليه ، بس لازم تقص له ريش الجناحات عشان ميطيرش بعيد و يتأذي داوم علي تأكيله من يدك و من و هو صغير حك له رأسه ... الطيور بتحب الحركة دي جدا ... خصوصا لو كانت وحيدة حتلاحظ انه يلفت انتباهك و ينفش ريش وشه و يستني تحك له رأسه تدريب الإسترالي من عمر شهر يأخد معاك شهر بالضبط ... و بعد كده حتنعم باحلي صديق يجري وراك و يستناك لما ترجع من الشغل عشان تلاعبه و يجري عليك لما تأكل و يخطف الأكل منك :d أرجو أن يكون الموضوع أعجبكم منقول |
رد: تدريب البادجي طريقة سهلة للي يحب يدرب طيره
وعليكم السلام
يسلموا على الموضوع الحلو الله يعطيك العافيه |
رد: تدريب البادجي طريقة سهلة للي يحب يدرب طيره
اشكرك على الموضوع خيوو ,,
|
رد: تدريب البادجي طريقة سهلة للي يحب يدرب طيره
لا شكر على واجب :shy::shy:
|
رد: تدريب البادجي طريقة سهلة للي يحب يدرب طيره
كل الشكر لك انا وااحد مافضل الطير يكون اليف
احب يكون ع طبيعته لان اذا كان ع طبيعته ينتج اسرع |
رد: تدريب البادجي طريقة سهلة للي يحب يدرب طيره
شكرا ليك علي هذا الموضوع الجميل وانا اعتقد ان الطريقة دي فعالة جدا ان شاء الله
|
رد: تدريب البادجي طريقة سهلة للي يحب يدرب طيره
اخ حسون في بعض ناس ما تستنا انتاج بسهم يريدون اصدقاء
اخ طارق الطريقة جميلة و سهلة عشان هيك حبيت افيد الاعضاء و انا حالياً ادرب ذكر عمره 7 اشهر حاليااخرجه برا القفص و ما يعرب ضل بس انه يقف على كتفي |
رد: تدريب البادجي طريقة سهلة للي يحب يدرب طيره
مشكور على الموضوع يا غالي
|
رد: تدريب البادجي طريقة سهلة للي يحب يدرب طيره
ما شاء الله موضوع جميل جدا
|
رد: تدريب البادجي طريقة سهلة للي يحب يدرب طيره
يعطيك العافيهه بس ياريت تنسق اكثر وتحطه بالون المهمه علشان نعرف الخلاصهه وشكرآ مقدمً
|
جميع الأوقات بتوقيت GMT +3. الساعة الآن 09:42 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو