استفسار بخصوص تدريب الكاسكو
 

سلام عليكم

عندي كاسكو بعمر 5 اشهر افريقي صيد
اليف والحمدلله ويقبل مسح على جسمة وراسه

بس مشكلتة انه يطير مني لما ابي اولفه واحك راسه يعني يهرب مني وانا مابي اقص جناحة عشان ابيه يصير هدد بعد فترة فالي عنده طريقة اخليه يثبت بمكان او امسكه بالقوة او ايش اسوي له

هو يهرب يبي يلعب مو انه خايف مني لانهلما يشوفني يعض عضه بسيطه بالبدايه وبعدين خلاص يطمن لي

ايش الحل الله يحفظكم

رد: استفسار بخصوص تدريب الكاسكو
 

منتظر رد الله يسعدكم

رد: استفسار بخصوص تدريب الكاسكو
 

والله ي اخوي الي اعرفه اذا طار تخليه وتبعد عنه الاكل 6 ساعات كذا تجوعه بس ماء وبعدها تمسح عليه وتوكله وكذا والافضل تكون غرفة مافيها اشياء يلها فيها مثلاً دولاب يتخبا فيه او ملابس معلقة وكذا يعني مجلس او غرفة فاضيه


أرسلت بواسطة iPhone بإستخدام 2zoo.com

رد: استفسار بخصوص تدريب الكاسكو
 

وانتظر اهل الخبره الي اقدم من افضل لان الطرق تختلف من شخص لشخص

وياليت الي يعرف مزرعة او شركة بافريقيا تصدر كاسكو صيد يعلمني الله لايهينكم بس يكون سعر معقول لان ابي كمية


أرسلت بواسطة iPhone بإستخدام 2zoo.com

رد: استفسار بخصوص تدريب الكاسكو
 

شكرا لك اخوي ريان ماقصرت
وراح اجرب طريقتك
ومنتظر ردود بقية الاخوة

رد: استفسار بخصوص تدريب الكاسكو
 

السلام عليكم
اولا هل الطير مفطوم ومعتمد على نفسه
ان كان مفطوم اكتشف ايش الاكل المفضل عنده وانا اتوقع انه الحب الشمسي انصحك تقدم له الاكل وتعتني بالتغذية وتخلي الحب الشمسي فقط للتدريب
اول خطوة لازم يتعود ياكل من يدك وبعدها تعلمه انه الحب الشمسي هو مكافأة بمعنى لو سمح لك تمسح عليه تمدحه(شاطر )وبعدها تقدم له الحب الشمسي من يدك وحبة واحدة فقط مع التدريب رح يفهم انه بمجرد تقول له شاطر في مكافأة ولما يطير ويبتعد عنك وريه الحب الشمسي بيدك وناديه باسمه ولو رجع لعندك امدحه واعطيه المكافأة
ومافي مانع تتركه احيان يلعب او يطير ويفضل يكون في غرفة ما فيها اثاث او اشياء ممكن يخربها او يكسرها
وانتبه من النوافذ تكون مغلقة وتسدل الستائر على شان سلامة الطير
ولا تحاول تلاحقة لانه رح يهرب منك ويبعد عنك بالعكس تصرف بشكل عادي وهو رح يقترب منك لان الببغاوات بطبعها فضولية وتحب اللعب
ولا تحاول تمسكه بالقوة لانك ستخسر ثقته ومحبته
اهتم فيه وبتغذيته وتكلم معاه على شان يتعود على صوتك ويبداء يحاول يتكلم معك واهتم بنظافة القفص والمأكلية والمشربية وعوده من الان على الفواكة والخضار ويجب غسل الفواكة والخضار جيدا واحذر من بذور الفاكهة فهي سامة للطيور
الاستاذ سكر والاستاذ مهند عندهم قناتين مفيدتين للتعامل مع الببغاوات
بالتوفيق

رد: استفسار بخصوص تدريب الكاسكو
 

شوف انت اولا شي خله يجوع
تقريبا 24 ساعه او تسمعه يصايح

ثم حط الاكل بيدك وخله يجي او قص جناحيه واحد وواحد لا بالجناحين الثنتين
يعني قص ريشه و ريشه لا ما راح يخرب شكله


المهم او حذه فوق يدك واكله دام يطير لل تحلم يجلس الا اذا جوعان بيقعد ع يدك يشبع بيطير

رد: استفسار بخصوص تدريب الكاسكو
 

السلام عليكم
مع احترامي لكل الاراء والخبرات لا انصح بقص الاجنحة لانه ممكن تسببله نفسية وينتف ريشه
وممكن يزعل منك ويفقد ثقته فيك والطير مازال صغير وممكن بسهولة يتعلم الانضباط
الموضوع يحتاج صبر وتدريب فقط
ولو الطير تعلق فيك مارح يفارقك
انصحك تتابع الاستاذ حمزة الغامدي سكر على اليوتيوب ورح تلاقي مواضيع مفيدة بالتوفيق

رد: استفسار بخصوص تدريب الكاسكو
 

نعم الطير معتمد على نفسه وهو افريقي بالاصل وليس محجل
وبخصوص اني اخلي الحب الشمسي للمكافأة ف انا فكرت فيها والله من اول لان لاحظت ان الحب الشمسي هو اكثر شي يحبه بس ماني عارف ايش اعطيه من حبوب بدال الحب الشمسي لاني اخذت مشكل من محل الطيور واغلب نوع بالاكل هو الحب الشمسي

ومشكورة على الافادة الرائعة

رد: استفسار بخصوص تدريب الكاسكو
 

[QUOTE=ابوهتان55;3190675]شوف انت اولا شي خله يجوع
تقريبا 24 ساعه او تسمعه يصايح

ثم حط الاكل بيدك وخله يجي او قص جناحيه واحد وواحد لا بالجناحين الثنتين
يعني قص ريشه و ريشه لا ما راح يخرب شكله


المهم او حذه فوق يدك واكله دام يطير لل تحلم يجلس الا اذا جوعان بيقعد ع يدك يشبع

مشكور ماقصرر بالنصيحة وفكرت في اني اقص جناحة بس ابي اعلمه الهدد