منتديات تو زوو - احتاج نصيحة لعصفوري البري

احتاج نصيحة من اهل الخبرة.

من شهرين ، وجدت عصفور صغير على الارض عمره ايام لانه كان بدون اي ريش وعينيه مغلقة. اخذته واهتميت به .

وبحمد الله وبعونه، عاش العصفور مع اني اعترف ان الاهتمام فيه كان عملية صعبة في البداية . بس مع الايام حسيت انه هناك مشكلة برجله اليسرى لانه ما كانت طبيعية واثرت على حركة العصفور فاخذته للبيطري. قال البيطري ان رجله ملتوية وهو ما يقدر يعمل له اي شي وخبرني انها ممكن تكون المشكلة من طلع من البيضة. على اساس ان السقطة ما كانت مباشرة على الارض .. انا حصلته على لعبه قماش.

بحثت على فصيلته وتبين انه من عصافير الدوري (عصافير المنازل) وهي انثى. حاليا هي تاكل بشكل ممتاز اشتري لها الحبوب والحشرات وتحب تتحرك في القفص بس المشكلة انها ما تقدر تثبت على الاعمدة الموجودة بالقفص او حتى اسلاك القفص وتسقط منها. اشتريت لها قفص كبير علشان اشوف حركتها هي تطير بس دايما تكون على ارضية القفص تقفز.

مشكلة رجلها ان اصابعها ملتويه على بعض لهذا السبب الثبات على شي معين جدا صعب وتفضل تكون بارضية القفص.

سؤالي هي : هل من الحكمة اطلاقها بالخارج علما اني ما احب هذا الخيار لاني اخاف عليها. اللي افكر فيه حاليا اني اجيب لها عصفور لانها متعوده علينا من الصغر بس ما اعرف اي نوع؟ ممكن اعرف رايكم