أنا في قلق يراودني من قططي رجاء ساعدوني!
 

السلام عليكم ورحمة الله وبركاته

مشكلتي هي إن قطي ميكو (نوعه مون فيس وعمره سنه ونص تقريباً)صاير معاه فقد شهيه قوي وهذا بان على

شعره اللي يتساقط كثير وصار قصير بعد ماكان طويل وكثيف!

هوه عادي يلعب وكذا يعني اللي شوف لعبه مايقول فيه شئ لكن شعره يتساقط كثير وماياكل نهائي غير دراي فود أو علب موراضي يتعود على غيرها قد ماأحاول فيه!

والله تعبني كثير وألا حظ كل ما أجيبله أكل يرفضه ولو فيه داري فود وعلب ياكل لكن برضوا أكلو قليل مرره يعني فقط

ممكن مره في اليوم ياكل! وحتى إذا أكل ماأحسه يشبع مايطول شويا ويقوم وهذا باين على شعره مثل ماذكرت!

لاحد يقولي عوديه على أكل كذا وكذا لأني حاولت معاه بشتى الطرق ولم ينفع معاه!




والمشكله الثانيه قطتي نوسا (نوعها هاف بيكي عمرها 10 شهور تقريباً)ماشاء الله تبارك الله عكس ميكو ماتشبع

ماشاء الله تبارك الله بس تاكل كل شويا والله لو شويا غبت عنها ورجعت لها ترجع تتمسح فيا وتنونو يعني إيعطيني أكل!

هيا ولدت عن قريب وجابت 4 قطط يعني مرضعه لكن القطط صار عمرها شهر ونص وصارت ماترضعهم إلا في

اليوم مره تقريباً أو بالكثير مرتين غير أنا أغصبها ترضعهم بالقوه عشان صاروا يجروا وراها يبغو حليب وهيا تبعد

عنهم فقط تلحسهم لكن اللي يبغى يرضع ماتسمحلوا بسهوله إلا الوقت اللي يعجبها!

يعني اللي يشوفها يقول إنها ترضعهم كل شويا فشي طبيعي إنها تجوع لكن مثل ماقلت صايره قليل ترضعهم لكن

رغم كذا تطلب أكل كثير لدرجة إنه زاد وزنها كثير و برضو بس تنونو لي بين نص ساعه وساعه وتتمسح فيا تبغى أكل!

إيش سبب حالة قطي ميكو و إيش الحل معاه؟؟؟

وإيش سبب الجوع الشديد لقطتي نوسا وإيش الحل معاها؟؟؟

وهل هذا طبيعي الجوع اللي في قطتي نوسا عشانها ترضع حتى ولو كان ترضيعها قليل مره؟

شككتني إنه فيها ديدان لكن اللي أثبتلي إنه مافيها إنه وزنها زاد والديدان تنقص الوزن ماتزيده!

رجاء ساعدوني بالإجابه على إستفساراتي وشكراً

رد: أنا في قلق يراودني من قططي رجاء ساعدوني!
 

او فيه ديدان او غيرها بالنسبة لي ميكي و امنعي عنه أكل المعلبات لفترة معينة لان كثرة المعلبات هي السبب في سقوط شعره

بالنسبة لي صغار نوسة فتقدرين تعطيهم الأكل لنفسهم حاليا رغم انهم ما فطمو
الصراحة نوسة تضن ان صغارها قد فطمو

رد: أنا في قلق يراودني من قططي رجاء ساعدوني!
 

تساقط الشعر يمكن عنده ديدان
عندي قط كان شعره يتساقط بكثرة
وديته لبيطري اعطاه ابر للديدان على عدة ايام وصار الان افضل