منتديات تو زوو - عنكبوت حمراء الظهر-الجزء الثاني-

منتديات تو زوو (http://www.2zoo.com/vb/index.php)

- قسم هواة الحشرات والمفصليات (http://www.2zoo.com/vb/forumdisplay.php?f=45)

- - عنكبوت حمراء الظهر-الجزء الثاني- (http://www.2zoo.com/vb/showthread.php?t=352904)

عنكبوت حمراء الظهر-الجزء الثاني-

الجزء الثاني
كيس البيض يترهل مع الوقت ويغمق لونه خاصه قبل الفقس
بعد فتره فقس اول كيس بيض ف علبه الام صار ثقب صغير ف الكيس وماعرفت من اللي سواه الام او الصغار
والام عادي تروح عند الصغار وماتاكلهم
وهذي صورهم
http://store1.up-00.com/2015-06/1433232906791.jpg
http://store1.up-00.com/2015-06/1433232906892.jpg
http://store1.up-00.com/2015-06/1433232906963.jpg
وكانت الامور طيبه بس ف اليوم الثاني تفاجأت بهالصورة
http://store1.up-00.com/2015-06/1433232907044.jpg
اذا كانت هالكميه كلها من كيس واحد من 5 اكياس راح تمتلي العلبه ف صار لازم اسوي علبه للصغار
في هالوقت كنت ماعرف من اللي يفتح الكيس تركت مع الام الكيس الرابع واخذت الثاني والثالث عشان اعرف من اللي يفتح الكيس وانفتح الثالث = الصغار يفتحوا الكيس ف نقلت الكيس من عند الام وصرت كلما حطت كيس نقلته لعلبه الصغار
وهذي خطوات صنع مسكن للصغار
جبت هالعلبة الكبيرة لان الصغار بيكون عددهم واجد ف يحتاجوا مساحة اكبر
http://store1.up-00.com/2015-06/1433233647151.jpg
وطبعا الاغصان عشان يتسلقوا فيهن ويبنوا عليهن بيوتهم
اما بالنسبة للغطاء طبعا لازم نثقبه عشان الهواء لكن لازم نحرص ان ع الثقوب تكون أصغر من حجم العناكب اللي بعمر يوم عشان مايطلعن ف عشان هيك تحتاج تثقب اكثر من ثقب
http://store2.up-00.com/2015-06/1433233722541.jpg
انا استخدمت ملقط سخنته وثقبته ويستحسن تثقبه من برا لداخل لان الملقط مسنن من تحت وعريض من فوق ف اذا ثقبته من داخل لخارج الغطاء الثقوب من جهة العناكب (من الداخل) بتكون اكبر واعرض من الثقوب من الجهة الخارجية وبتكون في احتمالية ان الصغار يطلعن.

فكنت اثقب من الجهة الخارجي والشخص الثاني مواجهه للجهة الداخلية ولما تشوف طرف الملقط ظهر يخبرني عشان اتوقف والغرض من هذا كله اننا نصنع أصغر ثقوب قدر الامكان

بالنسبة للأغصان كسرت كم واحد وقستهم داخل العلبة قبل ما اركبهم فيها و الفكرة الاولى كانت اني اثبتهم داخل العلبة بالشمع مثل ماهو واضح ف الصورة ذوبت الشمع وغمست الاطراف اكثر من مره ف الشمع كلما جفت طبقه غمسته مره ثانيه حتى صارت مثل الشكل وسطحت قاعده الشمع عشان يثبت زين وذوبت قاعده الشمع شوي وثبته ف العلبه
http://store2.up-00.com/2015-06/1433234042221.jpg
http://store2.up-00.com/2015-06/1433233867451.jpg

وحطيت العناكب الصغيرة واكياس البيض
كانت العناكب الصغيرة خاصة اللي بعمر ايام تجلس فوق ف الغطاء من داخل
http://store1.up-00.com/2015-06/14332341181.jpg
http://store2.up-00.com/2015-06/1433233946461.jpg
فعشان ما اخاطر بخروج حد منهن جا ف بالي استخدم الزيت لرسم حدود
http://store1.up-00.com/2015-06/1433234265861.jpg
جبت زيت وقطن دهنت الغطا كامل والمنطقة العليا من العلبة
وحطيت علامه مكان حدود الزيت عشان اشوف اذا حد من الصغار بيتجاوزها او لا ونحجت الفكرة
http://store1.up-00.com/2015-06/1433234433271.jpg
بعدين زودت المساحه الممنوعه وسويت علامه للتاكد
http://store1.up-00.com/2015-06/1433234266023.jpg
والحمد لله ماشي منهم تجاوز الحدود بس في يوم من الايام تصكرت الكهرباء وصارت حراره كبيره وسال الزيت وقتل معظم الصغار والزيت دخل بين الشمع وقاعده العلبة وبدت الاغصان تنفصل عند الضغط ع جوانب العلبه ف نقلت الصغار وغسلت العلبة بالصابون ولصقت الاغصان بالشمع الحراري (مسدس الصمغ) وحطيت طبقه أخف من الزيت ورجعت الباقي من الصغار واكياس البيض

باقي الجزء الاخير عن مراحل نمو الصغار احاول انزله اليوم ان شاء الله واذا ماقدرت عاد انزله في يوم ثاني