ببغاء تعبان
 

عندي ببغاء عنده سهال وعينه اليسار مسكره مره يفرز منها ماده صفرا ارجو الافاده ي اخوان http://images.tapatalk-cdn.com/16/03...0f22ce5033.jpghttp://images.tapatalk-cdn.com/16/03...c0be6d8f88.jpg
ارفقت الصور



Sent from my iPhone using 2zoo.com mobile app

رد: ببغاء تعبان
 

الله يشفيه
شكله تعرض تعرض للهواء البارد او اهمل الطير

لا تتأخر عليه حاول بسرعه عرضه على البيطري

بالنسبه للاسهال اكرمك الله افضل علاج وعن تجربه لاني جربت أنواع كثيره تلقاه بردي بهذا الموضوع

http://www.2zoo.com/vb/showthread.php?t=357781

او مبدئياً خلطة الثوم مع الليمون +2-3 قطرات خل تفاح والأفضل الطبيعي العضوي
بإذن الله تنفع ما تضر وانا مجربها مفيده جداً ان شاء الله تعالى
حبة ثوم تهرسها وتضيف نصف ليمونه و اضف اليها خل التفاح والباقي ماء عادي
حاول ما تملي الكاس او مشرب الطير نصفه يكفي

وانا ملاحظ انك ما تهتم بنظافة الارضيه
حاول يومياً تنظيف الارضيه جيداً والقفص دائماً يكون نظيف
استخدم الاكياس الشفافه مقاس 10 جالون مريحه جداً مجرد نزع الكيس وتركيب كيس جديد
غير الكيس يومياً
النظافه مهمه جداً لا تهمل هذي النقطه
والتشميس مهم بإذن الله يقتل البكتيريا

وبخصوص العين اعتقد جاها التهاب يفضل عرض الطير على بيطري وبأسرع وقت لان ممكن يحتاج حقن مضاد وعلاج لان حالته خطيره

سؤال متى صارت المشكله
ومشكلة العين جات بنفس الوقت ام قديمه
بعد علاج الاسهال اكرمك الله تحتاج العين تعقيم وتنظيف في نقط وعصار يستخدم لتعقيم العين
بأرفق لك صور له بعد قليل لكن لازم عرض الطير على البيطري

رد: ببغاء تعبان
 

هذي المعقمات اعتقد تحتاج تنظيف و تعقيم عين الطير بها بعد علاجه و في نوع اخر أيضاً نفس السعر لكني بحثت عنه مالقيته
هو عباره عن قطره ويجي نوعين قطره زرقاء وقطره صفراء من نفس الشركه
لكن اللي بالصور المرفقه جيده للتعقيم

http://www.2zoo.org/uploads/14584359401.jpg

http://www.2zoo.org/uploads/14584359402.jpg

وحاول بأقرب وقت عرضه على البيطري

بالتوفيق ان شاء الله..

رد: ببغاء تعبان
 

هلا اخوي حسين
صح الطير كان مهمله اخوي وانا اخذته من اسبوع على اساس اعالجه لاكن لسه حالته مثل منت شايف وبالنسبه للنضافه كل يوم انضفه واحطله كيس بس هذا خليته يومين علشان اصوره واعرضه عليكم اعزكم الله
بالنسبه لحالته تقريباً اسبوعين او اكثر ووداه كم مره بيطري يقولون حالته كويسه وهي مو كويسه


Sent from my iPhone using 2zoo.com mobile app

رد: ببغاء تعبان
 

لاكن ان شاءالله اليوم بشتري المعقمات هذي وابي بيطري شاطر بالرياض علشان يشوف حالته الله يعافيكم
وما قصرت اخوي حسان


Sent from my iPhone using 2zoo.com mobile app

رد: ببغاء تعبان
 

قبل المعقمات اول عالج الطير
التعقيم لاحق عليه ان شاء الله لا تشيل همه
بإمكانك تستخدم شاي تلقيمه بدون سكر وثقله شوي وجب منديل نظيف واغمسه بالشاي
وامسح العين بالمنديل وخل المنديل شوي على العين
هذي من الطرق الشعبيه المفيده بإذن الله
اذكر زمان جاني رمد بعيوني والوالده الله يطول بعمرها حطت الشاي على عيني و خف الرمد بإذن الله

البيطريين كثيرين ومنتشرين بكل مكان
في بسوق الطيور طريق الحاير 3 او 4 اللي اعرفهم وانا ما اثق بأحد لان بعضهم يكون عنده علاج معين مثلاً للاسهال يمدحه و بيطري اخر ماعنده نفس العلاج وعنده نوع اخر يمدحه
انا جرب علاجات كثيره افضل علاج ومعروف بالسوق كله عند المربيين و الصيدليات اللي ذكرت لك بالرابط اول رد

بإمكانك تروح لبيطري بالملز واحة الحيوان في بيطري داخل المحل كنت اتعامل معه زمان قبل 10 سنين او اكثر سواداني طيب جداً ما ادري تلقاه موجود او لا وفي جنب المحل بيطري أيضا
عندهم خبره بالطيور بالذات
اما بسوق الطيور في طبيب واحد والباقي صيدليات
وفي بيطري جيد عنده محل بسوق الطيور لكن ما يداوم فيه الا يوم السبت
وباقي الأيام يداوم ب محله الثاني الحقيقه ما اعرف وصفه بالضبط هو اعطاني الوصف لكني نسيته
قريب من تقاطع الملك عبدالله حول سوق صحارى
وفي محلين بيطريين بشارع سلام خلف حديقة سلام خلف طريق الملك فهد

الله يشفي طيرك
اخوك/ حسن