|
انواع تدريب السلق
طرق تدريب السلق
1- كيف تدربه على الطوق وتمشي فيه بالحبل او سلسله 2- كيف تدربه على الاسم واذا ناديته يجيك 3- كيف تدربه على انه يجيب لك الشي 4- كيف تدربه على انه يركب الموتر 5-كيف تدربه يركض ورا الموتر اول شي قبل لا نبدا لازم تكووون السلوقي او السلقه متعوده عليك يعني كل ماتجي تحكلها واذا فكيتها تلعب معاك وتلاعبها يعني تالف عليك علشان يسهل التدريب 1- كيف تدرب السلوقي على الطوق وتمشي فيه بسلسله او حبل فيه ناس تدرب باختلاف فيه ناس تدرب السلق من شهرين فيه ناس تدرب من 5 شهور وفيه ناس تدرب من 8 شهور وفيه ناس تدرب من سنه بالنسبه لي ادرب من 3 شهوور المهم مهما كان الوقت كيف تدربه على الطوق اول شي تربط الطوق على عنق السلوقي ولا تخنقه تخلي الرطبه ماتطلع من راس السلوقي اول شي تربطه تخليه يوم وهو مربووط بشبكه اليوم الثاني تجيله وتفك ربطه من الشبك وتمسك الحبل بيدك وتمشي فيه بتشوف السلوقي يجلس اسحب على خفيف وناده بالاسم وقله تعال يعني مثلاً ( ضبيان تعال ) ومره مرتين عقب بيرضى بالامر الواقع ويمشي معاك 2- طريقة تدريبه على الاسم وهي طريقه سهله كل ماتشوفه تقول اسمه واذا جيت تمسح عليه تقوله اسمه ومع الايام يعرف اسمه 3-كيف تدربه على انه يجيب لك الشي تجيب كوره صغيره وعليها ريش وتربطها بحبل وتقطها يمين السلوقي والى يساره و قدامه المهم اول مايمسكها بفكه حاول تسحبها بخفيف وعقب خلها ياخذها وبعدين امسك الكوره مره ثانيه احذفها ببعد 1 متر عن السولقي واول مايمسكها اسحبها من فمه على خفيف وخله ياخذها والمره الثالثه اول مايمسكها اسحبها من فمه قل جيبها او هاتها والى عطنياها < انت والمصطلح الى تبي تدرب السوقي عليه واول مايعطيك ياها امسح على راسه او عطه عسل او عظم بس لا تخليها 10 مرات باليوم علشان مايمل السلوقي واليوم الثاني عيد السالفه علشان مايمل السلوقي وعقب جب حمامه او جربوع وفكها وخله يطرده وخلك رابط الحمامه او الجربوع بحبل طوويل واول مايمسكها السلوقي او السلقه قله جبها واذا جابها اسحبها بالحبل < انت والمصطلح حقكك وبعدين بتشوفه اول مايمسك الشي يجيبه لك 4- كيف تدربه على انه يركب السياره اول شي تجووع السلوقي يوم 1 واليوم الثاني تجيب اكل وتفتح باب الحووض وتحط الاكل بالحووض وتخلي السلوقي يشووف الاكل عقب انت تركب بالحوض وتناديها اذا طمرت راح تطيح بس انها فاتحة خير واذا ماركبت عقب انت تنزل من السيار وتروح تمسك الحبل وتجي تمشي مشي سريع بعيد عن السياره واذا قربت من الحووض تقول فوق او اركبي وترفع الحبل فوق علشان اذا طمرت بالحوض تبي تطيح بس انت ماسك الحبل واسحبها داخل الحاض يعني لين تركب الحاض مانفع .. انت اركب بحوض السياره وتسحب السلقه للحوض وتقولها اركبي والى فوق واذا ركبت عطها عظم وعقب نزلها وسوها كم مره عقب بتشوف السلقه اذا قلتلها اركبي تركب وفيه سلق ماتركب الى اذا انت ركبت بالحوووض وسحبت الحبل تركب هاذي اقولك شتسووي فيها -> نبدا بالعنف ( تجيب معاك حبل والى خيزارنه صغيرهه وتقولها اركبي واذا ماركبت تمصطها مصطه وحده خفيفه عقب ترجع عن السياره وتجي لم السياره وتقولها اركبي او فوق واذا ماركبت امسطها على خفيف عقب تعال مره 3 وبتشوفها تطمر . 5- كيف تدرب السلوقي يمشي ورا السياره اطلع فيه بوسط البر بحيث مايكون حولك ناس ونزل السلوقي او السلقه وامش على خفيف وناده قله تعال اول شي ماراح يجي معاك السلوقي امش ابعد عنه وطالعله من بعييد اذا ماجاك ارجعله وجب معاك حبل طوويل واربطه برقبتها واركب السياره وخلك ماسك الحبل بيدك وعشق 1 وارفع رجلك عن الدوسه بتشوف السلقه ماتبي تمشي تبي تجلس وتنابح ماعليك امش فيها شوي عقب بتشوفها خلاص تمشي ومع الايام تمشي مع السياره ماتفارقهاا ــــــــــــــــــــــــــــــــــــــــــــــــــ ـــــــــــــ نصيحه : لاطلعت بالسلقه تطرد جرابيع لا تجووعها واجد علشان ماتاكل الجربوع من الجووع يعني يوم واحد لا تاكلها مثل امس عطيتها اكل اليوم تبي تطلع فيها اليوم لا تاكلها اطلع فيها بدون ماتكلها بس خل الماااء عندها ناقع منقول |
رد: انواع تدريب السلق
تم نقل الموضوع الى قسم التدريب
حيث هنا قسم التدريب اشكرك على النقل الموفق وفي انتظار مواضيعك بمجهودك احس انك فنان يابطل :freind: |
رد: انواع تدريب السلق
موضوع مهم لكل كلب مقنى هذه السلاله..شكرا ليك
|
رد: انواع تدريب السلق
اقتباس:
العفو ومشكور على رفع معنوياتي |
رد: انواع تدريب السلق
اقتباس:
|
رد: انواع تدريب السلق
يعطيك العافيه على نقل هذا التدريب بأذن الله سيكون مرجع لهواة السلق |
رد: انواع تدريب السلق
بسم الله الرحمن الرحيم
السلام عليكم ورحمة الله وبركاته،،، أنا عن نفسي دربت أجيال من الكلاب السلوقية (سلوقي و سلوكي و غريي هاوند) ، لم أستعمل العصا ولا الخيزرانة في حياتي ، إن فكرة ضرب الحيوان غير مقبولة نهائياً في التدريب . من ناحية أخرى أفيدك علماً أن السلوكي عندي وعددهم 6 أب وأم و 4 أبناء في يوم من الأيام اصطادوا خنزيراً برياً في محافظة ديالى - العراق . وكانوا ضارين بما في الكلمة من معنا . لو لجأت إلى أسلوب السيد الهولي في (تعليم الكلب على قفز الحواجز بالصور) المدون تحت الرابط أدناه لكان أجدى http://www.2zoo.com/vb/showthread.php?t=237899 أما فيما يخص متابعة السيارة هنا أيضاً لدي رأي : إن أقدام الكلاب حساسة جداً لحرارة الأرض خاصة أن الصحراء العربية في الجزيرة أو الصحراء الكبرى رمالها حارقة صيفاً وشتاءاً لذلك فالأفضل أن يحمل الكلب في السيارة وحين يظهر الهدف في مدى معقول يغرى الكلب أو الكلاب لمطاردته ويعطى لها الأمر بالانطلاق . تحياتي |
رد: انواع تدريب السلق
اقتباس:
ومشكور عل مرور |
رد: انواع تدريب السلق
اقتباس:
|
| جميع الأوقات بتوقيت GMT +3. الساعة الآن 05:44 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو