منتديات تو زوو - مشكله بالكاسكو ..

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - مشكله بالكاسكو .. (http://www.2zoo.com/vb/showthread.php?t=331380)

مشكله بالكاسكو ..

-

سلام عليكم ..

عندي ببغاء كاسكو عمره 9 اشهر تقريبا ً .. عندي من 5 شهور او 6 ..

المشكله
1 - انه مو متعود على احد غيري في البيت [ يعض اي احد غيري يقرب منه ]
2 - يخاف كثييير .. بمعنى [ لما اطلعه من القفص يخاف ويجي يطلع على كتفي على طول وما يحب يمشي في الارض وما يحب الالعاب وما يحب يجلس ع الستاند ويخاف من كل شي ]
حتى الاكل اذا كان برا القفص يرميه .. والحال هذا من يوم ما جبته ف صرت اخليه اغلب وقته في القفص !

ثاني شي كيف اخليه يحب يطلع ع اليد او كذا ؟ لان كل ما يطلع على يدي ينط ويجي على كتفي ... ما يحب يطلع ع اليد ابدا لدرجة اني لما اشيله من الارض يطلع على يدي بمجرد ما اوقف ينط ويطيح ع الارض .. [ اوقف بهدوء وبدون اي حركات مفاجأه ] ..

! :(

رد: مشكله بالكاسكو ..

أولا لازم يكون عندك استاند للطير وينحط في مكان دافي
خليه على الاستاند يوميا من ساعتين إلى ثلاث ساعات
لا تعودينه علكى كتفك ولازم يتعود يوقف على اليد أو الكف
وكل ما يحاول يطلع للكتف حطي يدك الثانية عشان يطلع عليها
لين ما يتملل ويعرف أن المكان الصحيح هو اليد وليس الكتف ..
الخطوة الثانية هي أنك تعودينه على مسح الرأس والجناح حتى
لو جعر وما عجبه في البداية لين ما يتعود .. تغيير الأكل والماي
وتنظيف القفص يجب أن يكون من أكثر من شخص في البيت
عشان يتعود على الجميع .. الخطوة المهمة الحين هي لازم
تتفاعلين مع الطير بالكلام والتصفير ولازم أيضا تبعدين الطير عن
الحركات المفاجئة والأطفال المشاغبين .. وبالنسبة أنه ما يحب
يمشي في الأرض فهذا طبيعي .. فلما تحطينه في الأرض اقعدي
معاه وكل ما يجي يقرب وخري من عنده وبعد كم محاولة خليه
يطلع على يدك ولكن مب على كتفك واستمري بتبديل الأيدي
لين ما يتملل .. وانبهي من الصراخ عليه أو الضرب والله يوفقك مع طيرك

رد: مشكله بالكاسكو ..

انا أقول خلي أفراد البيت يتفاعلو معاه
وخليه على الستاند