منتديات تو زوو - قصتي مع الهمستر الغريبه الحزينه .. ويارب تسامحني

منتديات تو زوو (http://www.2zoo.com/vb/index.php)

- قسم هواة القوارض والأرانب (http://www.2zoo.com/vb/forumdisplay.php?f=58)

قصتي مع الهمستر الغريبه الحزينه .. ويارب تسامحني

بسم الله الرحمن الرحيم.السلام عليكم وكيفكم وحشتوني
حدخل في الموضوع انا جيا بسرعه اقول الي صار لي قبل ربع ساعه تقريبا وداخله من الجوال مني قادره استنا الين افتح الاب
المهم انا نزلت موضوع قبل كدا عن حبنا للهمستر انو ابغا ابيعها ولمن بعتها ماقدرت ورحت جبتها
المهم قعدت عندي الهمستر لمدة سنه وحيده حتى انا انشغلت بي بت اخويا عنها وماسرت اهتم فيها كتير و ماابغا ابيعها عشان لا ازعل عليها ولا ابغاها وحيده ...... انانيه
وكلهم يقولو حرام عليكي وديها وحيده وانا اطنش.
المهم الفتره الاخيره احلم انو عندها وجابت عيال وانا افرح وبعدين سرت احلم انها حتموت .. اخر شي حلمت انها ماتت وقلت خلاص حوديها محل تشوف عشيرتها لا تموت وحيده وفي نيتي والله العظيم اوديها ،،،، وانشغلت كم يوم ونسيت
، اليوم قبل نص ساعه نايمه الصباح وحلت انها عندها ولدين وعطشانين كلهم وفمفم في جفاف ........ فقمت اعطيتهم مويه وانا بعطيها انقلبت وماتت فقمت زلت مره ، وبس صحيت من النو م حزينه واستغفر ربي على الذنب الي ارتكبتو وكيف سنه مخليتها وحيده ...... ورحت اطمن علييها وفي نيتي اوديها المحل واشوفها كيف حتنبسط لمن تشوف ناس زيها وافتكر كلام خالي انو المخلوق في مرحله متاخره من عمرو يبغا احد جمبو ..زي الانسان ..... وانا كنت مطنشه،... المهم صحيت استغفر ربي واطلب السماح وانو حوديها ....... ولمن رحت اطمن عليها ........... لقيتها ماتت
ماصدقت لمن شفت معقوله ماتت؟؟؟؟ معقوله انا اسوي كدا وامسكها سنه كامله ولمن ابا اطلق سراحها تموت . هونو عليا الله يخليكم انا في حاله جدا صعبه الموقف مالو دقايق ..... بس انا عارفه ربي كان بينبهني وانا مافهمت الرساله بس ان الله يمهل ولا يهمل اهه ماتت وانا نويت اني اوديها وكيف حلمت بيها ورحت واتحقق الحلم .... سبحان الله .... نصيخه مني لا تغلطو غلطتي.... سويتي حبيبي ماتت ودموعي على خدي.... دحين حروح على بروفايلي واتزكرها .... طلب بسيط ادعولي ربي يسامحني ويغفرلي وانا والله نويت اوديها المحل .... ادعولي ولا تغلطو غلطتي ... مع السلامه *