منتديات تو زوو - استفسار عن تعايش القطط مع بعضها

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - استفسار عن تعايش القطط مع بعضها (http://www.2zoo.com/vb/showthread.php?t=343150)

استفسار عن تعايش القطط مع بعضها

صباح/ مسا الخير

كتبت بموضوع سابق انو تبنيت قط وعالجته من الفطريات بس كان خارج بيتي

ولما شفي عملتو عملية نيوترشن (اخصاء) وجبتو عندي للبيت

انا عندي 2 كيتنز بعمر شهرين ونصف وخايفة عليهن جدا

لاني ملاحظة على واحد منهن عم يحك منطقة اذنه وفتشت مالقيت شي وحتى الاذن نظيفة جدا

الكيتنز نولدو عندي اصحاء جدا ورضعو من امهن لحد الشهرين وبطعميهن رويال كانن الخاص فيهن

او دجاج مسلوق مع جزر وبطاطا واوقات جبن مثلثات

اول ما دخلت القط الجديد الكيتنز استقبلوه برحابة صدر وصارو يلعبو معو

وهو جدا هادي والحمد لله تقبلهن نوعا ما بس ما بيلعب معهن

المشكلة القط مكتئب جدا صرلو فترة شهرين ببيت مع شخص لوحدهم

وانا مع اني ما كنت حابة اعمل العملية بس افضل لانه شيرازي بيور وازا نويت اعرضه للتبني ما بدي التجار ياخدوه وان شاء الله ما اضطر

السؤال الاول : هل في ضرر ازا اكلو الكيتنز معو بنفس الصحن لان اوقات بيجو بياكلو من عندو

انا بطعميه متلهن بس هو متعود عالمعلبات وبما انو مكتئب ما عم ياكل من اكلهن فجبتله اكله يلي بيحبو

وهنن اوقات بياكلو من المعلبات هي هي مضرة لهم ؟

السؤال الثاني : طبعا في 2 ليتر بوكس عندي واحد للصغار وواحد للكبير الصغار اوقات عم يعملو عنده لان بكون برا البيت بالعمل وما بقدر امنعهن او احبسهن بغرفة لوحدهم هل فيها ضرر وبتجيب امراض ؟

مع العلم اني اعطيته للقط الكبير اللقاح السنوي وحتى لقاح شهري للانفلوانزا والمناعة

لو في مشكلة بالموضوع يا ريت تساعدوني وتعطوني حل مع العلم صعب اني افصلهم بيتي غرفتين وصالة

كمان سؤال عن نفسية القط الكبير جدا مكتئب بس تحسن هاليومين شوي شو ممكن اعمله حتى يحس بامان وراحة لان طول الوقت متحفز واي صوت بيتلفت حابة شوفو متل الكيتنز عم يسرح بالبيت وكلو نشاط وفرح