|
الفلفل الحار وأثره على الطير
بسم الله الرحمن الرحيم السلام عليكم جميعا, ومساكم الله بالخير أنا عضو جديد بالمنتدى, وأعجبني كثراً, وبصراحة استفدت معلومات كثيرة جدا ماكنت أعرفها من قبل. كنت من مربي الطيور منذ أكثر من 40 سنة, ببغاء (أفريقي وأمزوني) وحمام (الزينة والطيار), وعصافير مغردة (كناري و بلبل المدينة). ثم تركتهم من 15 سنة أو أكثر لإنشغالي بالبناء (بناي بيتي). الآن تحصلت على طير (فرخ أفريقي كاسيكو) تقريباً عمره سنة أو سنة ونصف من صديق ما يعرف للطيور وطفش منه. أحبائي: هذا الطير يحب الفلفل الحار جداً ويفضله على كل شيء ويأكل في اليوم اثنين أو ثلاثة أحياناً, بس أنا ما أحاول أكثر عليه. سؤالي: هل كثرة الفلفل يضر الطير؟ لأني سمعت بأنه يسبب حرقان واسهال.! بس الطير صحته طيبة و (أكرمكم الله) الخارج منه متماسك وطبيعي. الرجاء الخبير يرد علي, علشان ما أحتار. ولكم جزيل الشكر مقدماً ودمتم بألف عافية, والسلام عليكم ورحمة الله وبركاته. أخوكم: أبو مصطفى. |
رد: الفلفل الحار وأثره على الطير
وعـليكم السـلام ..!
مباارك عليك الطير ..! حبيبي الفلفل مفيد عشان ينضف البطن من الديدان اذا كانت فيه .!! هذا على حسب ما سمعته من خبرااء ولو تعطيه في الاسبوع مرتين بس يكون أحـسن وأتمنى تستفيد من الي أحسن مني هناا بالتوفيق أنشاء الله..! |
رد: الفلفل الحار وأثره على الطير
انا اعلمك اذا كان الببغاء صغير انتبه تعطيه لانها تضعف مناعته .. صدق يبدا يتكلم لاكن يموت
|
رد: الفلفل الحار وأثره على الطير
والله اتوقع يالغالي ع حسب الطير نفسه لأنه كان عندي ببغاء غيني طول وقته ياكل الفلفل الحار ولا يضره ولا شي
ولما جربت واعطيته للأفريقي جاه اسهال ولا اعجبه لكن انصحك لاتأكل الفلفل لأنه ممكن يضره اكثر مما ينفعه |
رد: الفلفل الحار وأثره على الطير
كثرة الفلفل لطير .. مو زينه يعني انا اللي سمعت اذا عطيته فلفل
يعني يطلق لسانه يخليه يتكلم ولا تعطيه كثير فلفل |
رد: الفلفل الحار وأثره على الطير
ياغالي لاتحتار ولا شي خذ الاجابه الصحيحه
الفلفل الحاار مضر للببغاء يمكنك اعطائه الفلفل البارد ليتزود بالفيتامينات الفلفل لايساعد على الكلام هي معلومه خطاء 100% الفلفل مفيد كـ مزود للفيتامين فقط بعض الردود اعلاه واضح انها لاتملك خبره |
رد: الفلفل الحار وأثره على الطير
اقتباس:
والله زي كلآمي بآلضبــط , آستغربت كل الردود يقولون ان الفلفل زييين ويخليه يتكلم !!!!!! ولا كآتب بالاسبوع مرتين وييييييين !! .. الفلفل مستحيـل يخلي الطير يتكلم ! الفلفل جدآ حآر علينآ آحنآ البشر ومآنستحمــله فـ كيف تبغى الببغآء يآكلــه نصيحه لوجه الله لاتعطيه فلفل حآر , لكن الفلفل الاخضر البآرد عــآدي بس مو آكثر من حبه بالاسبوع لانه يسبب آسهآل فـ آنتبــه |
رد: الفلفل الحار وأثره على الطير
هو مسكين .. يحرق فمه ومعدته ولاعاد يعرف وش يسوي ..
يقووم يصير يبربر ويفرفر من الحراره .. قالوو اوه ببغائي تكلم من الفلفل .. ههههههههههههههههههه اللببغاء .. هو اصلا متكلم .. مو الفلفل .. يعني ماله داعي ومعلومه خطأ وانا مع اخونا الكاسكو .. برأيييه .. |
رد: الفلفل الحار وأثره على الطير
الببغاء لا يحس بحرارة الفلفل لانه لا يملك لعاب وذوق في فمه انما يتعرف على الطعام بالرائحه
الفلفل من فوائده يحرك الدوره الدمويه مره او مرتين اسبوعيا والاكثار منه مضر على معدة الطير يعني يوميا خطأ كبير حاول تعوده على اشياء اخرى مفيدة ارجو اني افدتك |
رد: الفلفل الحار وأثره على الطير
الأخ كاسكو ماقصر عطاك الأجابه الصحيحه بالكامل
|
| جميع الأوقات بتوقيت GMT +3. الساعة الآن 01:23 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو