ارجو الرد عاجلاً بخصوص براز الطير "اكرمكم الله (ضروري) الرد الان
 

الحل بارك الله فيكم لا يروح الطير مثل اخوه

رد: ارجو الرد عاجلاً بخصوص براز الطير "اكرمكم الله (ضروري) الرد الان
 

الف لاباس عليه ...اخلطهم بالخلاط حبةاوحبتين ثووم موب فص كامل لالا حبه بس مع نص ليمونه بدون بذر وحطهم بمويه علبه موية صحه صغير خلها بالثلاجةوخذ مقدار ملعقتين كبيرة وحطهم بالمشربية حقت الببغاء ...اناعن نفسي كذا اعامل الفروخ الكاسكو وبإذنالله مصدر مضاد ومشفي بحول الله ....خلها مده ست ساعاتوبعدها غيير الموية ...ثلاث مرات بالسبوع .

رد: ارجو الرد عاجلاً بخصوص براز الطير "اكرمكم الله (ضروري) الرد الان
 

ممكن تعلمني نوعية الغذاء الي تقدمه لطيرك في الاسبوع ؟

هل هناك علامات مرضيه اخرى غير الاسهال ؟
كنفش الريش
او الخمول
او سوائل تنزل من فتحات الانف
او اصوات حشرجه او شحيح عندما يتنفس الطير
او غيرها

--
وانا استغرب من الادويه الي اعطاك اياها الطبيب البيطري صراحتا

لان كلها مخصصه للحقن الموضعي وفوق هذا تركيزها الدوائي عالي
وهي للدواب الكبيره عادة تستخدم


انا استخدمت مره الدواء الي اعطاك اياها البيطري الي هو انروفلكسين وكان تركيزه 5%
وليس 10 % زي الي عندك

وحقيقه لم يتحمل الطير تركيز هذا الدواء ومات, ما اعرف صراحه كيف اتحمل الفرخ الي عندك تركيز 10 % ما شاء الله عليه ,. الله لا يضره


وهذا للأسف عيب كبير عند الصيادله البيطرين عندنا , لازم ما تطلع من صيدليتيه الا وانت شاري

من وجهة نظري الشخصيه توقف عن اعطاءه هذه الادويه

واذا انت من اهل الرياض
هناك فقط صيدليتين من وجهة نظري لهم خلفيه عن الطيور والببغانات
ولديهم ايضا ادويه مخصصه للطيور

وهي صيدليه الخليج
وصيدليه كرمان

باقي الصيدليات كلها مخصصه للدواب الكبيره ولا يوجد لديهم أي نوع من ادويه طيور الزينه

وانا حقيقا استخدم أحد هذين المضادين لحالات الاسهال :

الاول : vime-raten

لمدة خمس ايام ان لم ينفع واستمر الاسهال مثل الاو , اريح الطير من الادويه يومين واستخدم

الثاني : vime-spito

وكلها ليست مخصصه للحقن
يعني اسحب بالابره مقدار معين , واضعه بوعاء الماء تبع الطير واخلطه
خمس ايام وبأذن الله يختفي الاسهال

وللمعلومه أي دواء مكتوب عليه lnjection هذا مخصص للحقن فقط وما يصلح تحطه مع المويه

اما العلاج الي مكتوب عليه oral او باودر هذا يستخدم مع الماء


شافاه الله وعافاه

رد: ارجو الرد عاجلاً بخصوص براز الطير "اكرمكم الله (ضروري) الرد الان
 

الله يعطيكم العافية اخواني

الاخ تركي

بأسوي اللي قلت ان شاء الله لكن اتمنى يشربه
سويت له بطاطس بالفرن مقسطر مثل المسلوق
وطحنته اعطيته قليل رفض ياكله لكني حاولت اعطيه بيدي بكذا محاوله
انا سمعت ان البطاطس مفيده

الاخ ss6ss9ss

نوعية العلاج

دائماً اعطيه حب شمسي وهو يحبه كثير
واحياناً مشكل لكنه ما يكله كله يركز على الشمسي اما الذره لاحظته ما اكلها
واحياناً جزر مسلوق مره او مرتين بالاسبوع
ومره بليله مسلوقه

وبالنسبه للعلاج اللي اعطاني البيطري هو معروف اسمه عبد الفتاح على طريق الحاير العزيزية
وقبل ما اروح له اللي جنبه قالي خذ هذا الدواء
ومع اني استغربت مرسوم عليه صور دواب كبيره مثل الغنم والبقر !!
لكنه قال لي ممتازه الادويه
احط مقدار 1 ملي من كل دواء في مشرب الطير

اسف اذا طولت عليكم بالكلام

انا اليوم ان شاء الله بأحاول اطلع لواحة الحيوان اللي بالملز ان شاء الله القى الدواء باي تريل 10 %

واذا في دواء او ابيطري يا ليت تدلوني عليه

وبالنسبه لسؤالك

الطير يعاني من الاسهال فقط
ومره كما ذكرت قربت يدي لي فمه اخرج سائل تقريباً ابيض " مره واحده فقط "

واحياناً تحس فيه خمول

بس هذا الملاحظ بالطير

الله يحفظكم اخواني ويستر عليكم
الحقيقه خايف على الطير
لأني ربيت طيور كثيييره
بس هذا بالذات ثاني طير اخذه بهالعمر
الاول مات
وهذا كلفني كثير وخايف يصير له شيء

هذي مشكلة الفروخ بالذات المحجله حساسه جداً جداً
الله يعين

رد: ارجو الرد عاجلاً بخصوص براز الطير "اكرمكم الله (ضروري) الرد الان
 

الاخوان اجتهدوا و ما قصروا بالرد
و 170 مشاهدة مافي الا ردين
ما ادري هل هذا القسم في المنتدى مناسب لطرح هالمشكله

استخدمت اول علاجين اللي بالصوره ووقفتها
اشتريت من واحة الحيوان مقدار ابره 4 مل
واستخدمتها يوم ووقفتها
وامس اشتريت نوعين من بيطري بالسوق نصحني بها
الاول قال لي ممتاز للاسهال والبيكتيريا
استخدمته امس وقبل شوي استخدمته للمره الثانيه
لمدة اربعة ايام كل يوم اربع نقط بالمشرب

واشتريت فيتامينات بأستخدمها بعد يومين ان شاء الله اذا تحسن الطير
وركبت له كالسيوم
الان الطير جالس على الشبك مو قادر يوقف على العود
والاسهال باقي

المشكله كل ما ابحث عن علاج ما القاه باسمه القى بديل له
وكل بيطري يعطيني نوع وشكل

يوم يتنشط الطير ويصفر ويتكلم ويوم يرجع الاسهال ويخمل ويجلس على الشبك

رد: ارجو الرد عاجلاً بخصوص براز الطير "اكرمكم الله (ضروري) الرد الان
 

موضوعك او استفسارك ما يحتاج له ردود كثيره

كل الموضوع اسهال , يعني استفسارك ماهو غامض او يحتاج واحد يكتشف لك الحل

وبنصحك نصيحه انتبه تعطيه فيتامينات

حته لو تشافى من الاسهال
لا تعطيه الا بعد مرور شهر تقريبا

ويفضل دائما بعد شفائه من الاسهال تعطيه / مينيرال
اسمه باانجيزي / mineral


وهذه صورته

http://www12.0zz0.com/2015/03/20/17/750079044.png

وهو عباره عن املاح معدنيه تعوض الطير عن السوائل الي فقدها اثناء مرضه
واذ عندك امينو فيت ممتاز ايضا

رد: ارجو الرد عاجلاً بخصوص براز الطير "اكرمكم الله (ضروري) الرد الان
 

لا تلومني يالطيب والله خايف على الطير وانت ما قصرت والاخ تركي
انا الحين ابي الحل للمشكلة الاسهال الطير ساعات تحسه يتحرك ويصفر وغيره
واحيان يجلس على الشبك ومازال الاسهال عنده لكن اخف من الاول

خلك معي الله يرضى عليك بأصور لك العلاج الاخير اللي اخذته
واذا مافي احراج او كلافه ودي اتواصل بالواتساب لسهوله التواصل معك

رد: ارجو الرد عاجلاً بخصوص براز الطير "اكرمكم الله (ضروري) الرد الان
 

هذا العلاج الاول اللي نصحني به البيطري " للاسهال "

http://store1.up-00.com/2015-03/1426862359891.jpg

رد: ارجو الرد عاجلاً بخصوص براز الطير "اكرمكم الله (ضروري) الرد الان
 

هلا فيك

اعتذر عن تأخري بالرد , وذلك بسبب قلة دخولي

ولا تفكر كثير وتشغل بالك
لان احيانا الاهتمام الزائد يجيب نتائج عكسيه

انت افعل الاسباب والباقي على الله

بالنسبه للدواء الاخير الي ارفقت صورته

هذه نوعيه من الادويه بدائيه جدا وما تنفع للحالات المرضيه الحرجه
حته صناعتها رديئه نوعا ما


عموما انت جربها مثل ما كتبلك الصيدلي
اذا ما جابت نتيجه

انصحك تشتري هذا الدواء

http://www11.0zz0.com/2015/03/21/09/788220021.png

والتزم بالجرعه المحدده

وبأذن الله يشفى من العلاجات الي عندك وترتاح

موفق

رد: ارجو الرد عاجلاً بخصوص براز الطير "اكرمكم الله (ضروري) الرد الان
 

جزاك الله خير
والله ياخوك ساعات تحس انه نشيط وساعات ترحم حاله

بس ابشرك اليوم الحمد لله وماشاء الله تبارك الله لا بأس به

لكن رجعت مشكلته القديمه اللي هي ما عاد ياكل

طيب الحين اسهاله تحسن وخلاص ودي اقطع عنه العلاج

اعطيه فيتامينات هذي

http://store2.up-00.com/2015-03/1426943413511.jpg