سوال عن الكاسكو الافريقي
 

السلام عليكم ..

اشتريت من اسبوع تقريبا كاسكو افريقي عمره 4 او 5 شهور .. انا مبتدا في تربيه الطيور ياليت اهل الخبره يفيدوني

1. عندي الكاسكو مرات برازه اكرمكم الله سائل ومرات لزج اخضر وابيض
2. وايد ينفخ ريشه ... ومرات ينقخ ريشه ويحك و يطيح ريش ابيض صغير
3. انا اككله حبوب مشكله وفوكه والصبح وفليل 30 مل سيريلاك مخصص للبغبغاء .. هل اخلي الحبوب معاه على طول ف القفص والفواكه تكفيه قطعه صغيره ؟؟
4. هل البيض والثوم و المعكرونه والعيش مفيده له ؟؟ وكيف طريقه التقديم و الكميه

رد: سوال عن الكاسكو الافريقي
 

وهل عادي اسبحه برشاش النباتات ف هالسن؟

رد: سوال عن الكاسكو الافريقي
 

عليكم السلام, ياخوي انتبه لا تلخبطه بالاكل ثوم وفواكه ومعكرونه ترا الطير مناعته ضعيفه وتوه صغير وحساس جدددا, اذا الطير للحين ياكل السريلاك حاول تعلمه على الاكل وخل خلطة الحبوب عنده دايم الين مايتجرا وياكل وحاول تاكله بيدك شوي الين مايبدا ياكل وبعدها بالتدريج اقطع عنه السريلاك, بالنسبه للفواكه هي صحيح مفيده للطير بس كثرتها تسبب اسهال وانت بكرامه والقارئ لذلك اوك عطه فواكه بس مو كميه كبيره يعني قليل وكل سبوع او سبوعين مره اشوفه يكفي,, اما بخصوص ترويشه بالماي انتبه ترش على وجه الطير عشان مايدخل الماي بفتحات خشمه او اذنه وبعدين يمرض ع طول اذا ولا بد من انك تروشه رش عليه ماي بالبخاخ بس على بطنه وعلى ظهره على رجوله انتبه انتبه من الخشم والاذن والعيون لايجيه التهاب والاهم يكون المكان فيه شوي شمس عشان ينشف ولايكون مكان بارد او فيه تيارات هواء,, الريش الصغير هذا غالبا عادي في الكاسكو يقولون الجزر مفيد للريش ممكن تعطيه بالاسبوع نص جزره وفيه خلطات موجوده هنا مفيده ممكن تقرا عنها بالتفصيل,, بالنسبه لاكلنا اسمع انه فيه ناس يوكلون طيورهم ويمشي حالهم بس بما انه اكلنا كله بهارات وزيوت ماراح يكون صحي للطير وراح ياثر عليه فلذلك حاول تتجنبه الطير ممكن تاكله رز بس يكون رز ابيض بدون ملح وبدون زيت,, نفخة الريش اللي هو نفض الريشه وحك الراس بعد نفض الريش وتطاير الريش هذا عادي الطير ينظف ريشه بس اذا الطير يبقى نافش ريشه ع طول وفيه خمول ومايتحرك والا صار يجلس تحت بالقفص انتبه ممكن يكون مريض,اتمنى لك التوفيق

رد: سوال عن الكاسكو الافريقي
 

مشكور اخوي ع المعلومات المفيده وجزاك الله خير ... بس بالنسبه للاكل هو ياكل كل شي وبشراهه الحمد الله .. ومتى العمر المناسب اقطع عنه السيريلاك؟

رد: سوال عن الكاسكو الافريقي
 

عطه ذي الخلطه بلجيكية اشتر كيس منها ممتازه له وعليك بعظام الدجاج بعد الطبخ والمهم نظافة القفص احرص عليها ولا تتهاون فيها وحاول يكون القفص مرتفع متر ونصف او مترين وخله في الممرات في المنزل يكون قريب بغرفة المعيشه ولا يجيه اي تيار هوا ونومه اقل شي 9 ساعات ولا تروشه في الشتا لانه توه صغير.
http://www.rawabialkharief.com/new-i...0-22.14.14.jpg
ثم عطه ذي