|
عندي حمام ماعرف نوعه
السلام عليكم
عندي حمام صراحه خذته من صديقتي حبت تخف العدد .... كله لونه ابيض ماعدا وحده بس ونوعها يختلف اعتقد انها نوعها كنج اما الباقي ماعرفت اول كنت اعتقد انه لاحم بس شفت الاحم يفرق عنه لنه بعضه حجمه اصغر ومشيته شوي غريبه لول عاد ماعرف كيف افسرها والباقي شوي ريله تتلاحظ انها طويله وتكون مصروله ..........http://www.w6w.net/upload2/26-10-200...1430075533.JPG :bdaysmile |
مشاركة: عندي حمام ماعرف نوعه
يا حبذا لو تعرضين لنا صورة أكبر وأوضح حتى يتم معاينتها لأني أنا شايفهم من بعيد عبارة عن حمام لاحم . . وعلى فكرة اللاحم أنواع وأحجام وهناك لاحم مخصص للأكل ويكون حجمه ووزنه كبير وهناك حمام لاحم رخيص في السعر ولاحم غالي بالسعر وشاكر لك |
مشاركة: عندي حمام ماعرف نوعه
قلب ألماس - السلام عليكم
وجهة نظري المتواضعة ولو إن الصورة مو واضحة لأنك مصوّر الحمام من بعيد ، توحي لي بأن الحمام اللي عندك لاحم، و بالنسبة للي ريوله طوال أو مصرول، إمّا إنهم ضروبة ( يعني مخلوطين من نوعين من الحمام ) يعني مهجّنين أو إنهم نوع ثاني لكن ما أقدر أقول لك شنو نوعهم لأن الصورة من بعيد - وإذا نبي فروخ حمام للأكل ( بالمصري - زغاليل ) عيل راح ناخذ منّك عموماً الله يوفقك في تربيتهم يا الغالي. و السلام ختام - :) |
مشاركة: عندي حمام ماعرف نوعه
وعليكم السلاااااام
ممم الظاهر مثل ماقلتو الحمام لاحم وبعضه خليط مكس شكرا الكم ^_^ خلاص عيل راح اكله صومونا عن اكل الدجاج ويا الانفلونزا لول والحين بتفرس فالحمام وبيب بدالهن زاجل والله يرحم ايام الزاجل كان عندي احسن نوع الزاجل البريطاني الخاص بسباق ...عاد الله يستر بنوع السباق يعني الحمامه الضعيفه تكون وجبه دسمه لطير لي يبارونه ابها عاد هل القنص يعرفون انا شو اقصد ..... وبس اصبح في خبر كان لنه اغلبه كان ضحيه للقطط واهمال مني الله يسامحني لني كنت اعتقد انه يقدرن يعيشن بدون القفص |
مشاركة: عندي حمام ماعرف نوعه
هذا الحمام شكله لاحم بس مو مبينين عدل لان الصوره صغيره
لان عندنا بالمزرعه نفسه بس الي عندنا حجمه اكبر |
مشاركة: عندي حمام ماعرف نوعه
السلام عليكم يا قلب الماس
انا اعتقد الحمام الابيض كله لاحم اما الحمام الي ريوله طوال ومصرول فاما ان يكون خليط بين حمام (القلم+حمامه ايرانيه يعني قلاب ايراني مصرول ) انا صايره عندي هاي الحاله وانا مجرب عندي بعض التجارب باني ضارب كاسوري اصيل و تادي طلع عندي كلسيرا كلدمبا ولو اكتب النتايج الثانيه ما بخلص انشالله اكون ما ثقلت عليكم تحياتي : الصارووخ |
مشاركة: عندي حمام ماعرف نوعه
الحمام دة لو منقارة صغير و مدبب و ريش ديلة قصير يكون ملطى و اذا كان ريش ذيلة قصير يكون كنج او رومانى و اللة اعلم
|
| جميع الأوقات بتوقيت GMT +3. الساعة الآن 09:33 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو