الكيتن مريض .. أحتاج لمساعده عاااجله
 

السلام عليكم


قطي الصغير عمره شهرين و 6 أيام صحّته كانت تمام الحمد لله زي بقيّة اخوانه

لكن قبل يومين جاه " إسهال " وأحياناً يجي مع الإسهال شويّة " دم " أكرمكم الله .. لكنّه كان يآكل طبيعي جداً ونشيط الحمد لله

واستمر معاه الإسهال إلى اليوم .. لكن قبل شوي ( استفرغ ) الله يكرمكم حاجه مادري وش هي بالضّبط .. لكن أعتقد انّها

بقايا طعام .. وطول اليوم مايتحرك بس جالس فِـ البوكس ينام شوي ويفتح شوي وواضح عليه الخمول بـ شكل كبير


وش ممكن يكون عنده ؟

وربي خخايفه عليه كثيييير

وإيش العلاج المُناسب .. والأكل المُناسب ؟


أتمنّى ألاقي حل سسسسريع الله يعطيكم العافيه :$

رد: الكيتن مريض .. أحتاج لمساعده عاااجله
 

العلاج بالأعشاب
1) إخلط(ربع ملعقة شاى)من مسحوق الدردار الزلق(متوفر عند العطارين)مع طعام القط.
2) ضع ملعقة صغيرة من مسحوق الدردار الزلق(متوفر عند العطارين) فى ربع كوب من الماء لينضج على نار هادئة مع التحريك باستمرار لمدة دقيقتين.إعطى القط ملعقة صغيرة(5مل)قبل الأكل بخمسة دقائق للحد من الإسهال.
أو راجع البيطري

والف سلامة ..

رد: الكيتن مريض .. أحتاج لمساعده عاااجله
 

طبعا بيكون عنده الاسهال و يارب الخبيرة ناديا تسعادك ترها موجودة

رد: الكيتن مريض .. أحتاج لمساعده عاااجله
 

رد: الكيتن مريض .. أحتاج لمساعده عاااجله
 

يعطيكم العافيه ..


أنا اليوم أعطيته دجاج مسلوق وأكل كميّه قليله .. بعدين أعطيته ( مهلبيّه بدون سكر ) وأكل منها

وأعطيته ( زبادي بالعسل ) عشان الاستفراغ الله يكرمكم وأكل كميّه لاتُذكر وبعدين رفض يكمّله ..

وقبل شوي أعطيته ( سريلاك بالقمح ) أكل كميّه قليله ورفض يكمّل ..

الحمد لله الخمول راح ورجع يلعب طبيعي .. لكن قبل شوي عمل ( إسهال ) لونه أصفر الله يكرمكم !

والمشكله لقيت فِـ اللّيتر بوكس ( إسهال ) ثاني أعتقد انّه لـ اخوه =(

والأم أيضاً عندها اسهال من 4 أيّام تقريباً .. لكنّه يجي ويروح .. احترت معاهم =(

رد: الكيتن مريض .. أحتاج لمساعده عاااجله
 

رد: الكيتن مريض .. أحتاج لمساعده عاااجله
 

رد: الكيتن مريض .. أحتاج لمساعده عاااجله
 

يعطيكم العافيه ..


اليوم الصباح أوّل مَاقمت من النّوم لقيت ( إسهال ) على الفرشه فِـ الغرفه اللّي فيها القطط
وأعتقد ان الإسهال للأم لأنّه كميّه كبيره نوعاً ما .. وأيضاً لقيت اسهال فِـ ( اللّيتر بوكس ) أعتقد أيضاً انه للأم
ولمّا جيت أنظفهم .. اللّي عَ الفرشه كان معاه شوي ماده مُخاطيّه .. أمّا اللّي فِـ ( اللّيتر ) كان عادي ..

وش سبب هَ الماده ؟!


+ سوّيت لهم ( مهلبيّه بدون سكر ) الأم والكيتن المريض رفضوا يآكلون منها .. وبقيّة الكيتنز أكلوا كميّه قليله
وأعطيت الأم بـ السرنجه ممكن مقدار 4 ملّي .. أما الكيتن مَ قدرت أعطيه لأنّه صغير وخفت يشرق ..

سوّيت لهم ( سريلاك بالقمح ) ورفضوا يأكلون منه .. وش الحل معاهم ؟


* ناديا حبيبتي : بقيّة القطط مَ أُصيبت بـ ( اسهال )
اللّي متأكّده انّهم مُصابين الأم وواحد من الكيتن فقط .. لكن أمس رحت للغرفه الثانيه شوي
ولما رجعت لهم لقيت فِـ ( اللّيتر بوكس ) إسهال لـ أحد الكيتن وتوقّعت انه للكيتن المريض
لكن تفاجأت ان الكيتن المريض وأنا عنده عمل ( إسهال ) فَـ عشان كِذا شكّيت انو الاسهال الأوّل
كان لـ كيتن ثاني .. وعلى فكره الإسهال مو كثير حتّى عند الكيتن المريض .. يعني يمكن 3 مرات
بـ اليوم فقط .. والأم ممكن 4 مرّات ..

رد: الكيتن مريض .. أحتاج لمساعده عاااجله
 

السلام عليكم ..........

اختي انا اقول غيري الفرش اللي ينامون عليها

وحاولي انج تسمحين لضو الشمس يدخل الغرفه واذا مافي مجال

طلعيهم شوي لاي مكان فيه تدخل الشمس عشان انا احس

انه القطط تحتاج لضو الشمس يعطيها نشاط وصحه نفس الانسان

بس انتبهي للكيتين من الحراره الشديده مجرد انج تحسين انهم دفيو دخليهم

استمري كم يوم وان شااءالله بيكونون بخير حتى اللي هم بخير يحتاجون لشوي تشميس

انتبببببببببببببهي شمس تدخل من شباك او باب زجاجي مو مباشره

ونظفي اوعية الاكل بعد كل يومين والليتر بوكس يوميا حتى مايعدون بعض

اتمنى لهم شفاااء عاجل ويحفظم لج يااااااااااارب

رد: الكيتن مريض .. أحتاج لمساعده عاااجله
 

^


الشبّاك طول اليوم مفتوح والشمس تدخل عليهم ..

وآميين يارب ويحفظ لك كل غالي :$



*



اتصلت عَ البيطري .. قالّي ممكن يكون عندها ( التهاب معده )

وقالّي لاتعطينها ( دراي فود ) لـ مدّة 5 أيّام .. وأعطيها فقط ( دجاج مسلوق + زبادي قليل الدّسم )

وأعطيها مضاد للمعده من الصيدليه البشريّه اسمه " اوف مانتين " او شي زي كِذا .. * ياليت اللّي يعرف اسمه الصحيح يقولّي ^^

وبعد 5 أيّام إذا مافيه تحسّن لازم تجيبينها لي ..

والكيتن قالّي أعطيه نفس الشي ( دجاج مسلوق + زبادي قليل الدّسم ) بـ الإضافه إلى شراب مضاد للإسهال اسمه " كابتين "