|
عندي كلب هاسكي معقدني شوي
السلام عليكم
عندي هاسكي عمرها تقريبا 5 شهور وشوي شبهه مدربه ع الطاعه ،، يعني سيت واب وهاي بس لكن اللي معقدني فيها ابي اربيها على بعض الاشياء مثل لما افتح باب الشارع ماتطلع منه ،، لان كم مره افتح باب الشارع وتطلع تركض كثير بغت تصدمها السياره ،، ابيها ماتطلع الا بأمري ،، وفيه غرفه عندي مابيها تدخله ابد كيف ؟ وابيها تكون جنبي لما امشي ،، مابي اعودها على الحبل ،، لما اربطها تحاول تركض ،، ولما افك الحبل ترركض ولما توقف عند شي معين مثل كيس او حاجه تلعب فيها واناديها ماتجيني ابي اي شي يلهيها واناديها تجي وبالنسبه للاكل انا اوكلها اكل معلب قطع دجاج ولحم ،، وش تنصحوني عليه وكم مره اوكلها باليوم ؟ ابي الحل الله يعافيكم |
رد: عندي كلب هاسكي معقدني شوي
وعليكم السلام ورحمة الله وبركاته
بدايتك مع القمور كلبك صحيحه وممتازة جدآ وبعض الاشياء الصغيرة طبيعي لأنك مبتدي وكلبك صغير يعني لازم يسوي شطانه شوي :D وهاذا طبيعي التطنيش وعدم الاستجابه في بعض الاوقات لكن استخدم المكافئة بشكل متقطع راح تلاقي استجابه قويه من كلبك هاذا رابط ركز فيه راح يفيدك كثييييير ان شاءالله وخاص اذا طبقت الاوامر بشكل صحيح مع صبر منك وطولت بال http://www.2zoo.com/vb/showthread.ph...E1%D8%C7%DA%C9 الاكل اذا كان دراي فود افضل واوفر من المعلبات وعن الريحه برضو الدراي مافي راحه مثل المعلبات في البراز (اعزكم الله ) حاول تخلط له الدراي مع المعلبات شوي شوي قلل من المعلبات واكثر من الدراي كي يعتاد عليه ونوع الدراي الافضل والموجود الان رويال كنن (مكس جونير) مع السلامة |
رد: عندي كلب هاسكي معقدني شوي
الله يعافيك اخوي الهولي ،،
انا كنت اخلط الدراي فود مع المعلب والحمدالله كانت تاكل منه ،، لكن جربت احط لها الدراي فود لحاله مارضت تاكله ابد ،، جربت اخلطه مع مويا عشان يلين شوي برضوا مارضت تاكله ،، فا بديت اوكلها المعلب وارتحت :D بس الحين شكلي ببدا بالدراي فود واخليها تتعود عليه ،، طيب سؤال ثاني لاهنت ،، انا عندي بيت من خشب للكلب وكبير ،، وجوات البيت برضوا بيت ثاني شكله مثلث اذا عرفت ايش اقصد ،، ( اللي هو البيت حق الكلابه المعروفه ) ابي اعودها بوقت المطر او البرد القوي تكون داخله جوات البيت المثلث لاني تعذبت معها لما يجي مطر تكون برا البيت وتبرد مع المطر والبرد ،، |
رد: عندي كلب هاسكي معقدني شوي
اقتباس:
بخصوص سؤالك الثاني , انتا تقول نوع كلبك هاسكي .. ههههه من الصعب يا صديقي تجعله يدخل للبيت المثلث كي يحتمي من البرد والمطر .. الهاسكي بيئته الاساسية الثلج يعني تكون درجة الحرارة تحت الصصفر .. وهو ينبسط لما يكون بالبرد ... وعلى فكرة انا كان عندي هجين على هاسكي و اووقات البرد والعواصف والبرد يبقى بالارج ويكون قاعد ومسلطن ومبسووط ... :D ... وانتظر رد خبيرنا الهولي ... تحياتي:88: |
رد: عندي كلب هاسكي معقدني شوي
^
المشكله اني يبدأ يطلع اصوات لما يجيه المطر والجو بررد ،، مدري ايش الصوت اللي يطلعه بس كأنه ينبح على خفيف عشان كذا انا خفت والهاسكي صح حق برد وثلوج .. بس مويا مع جو بارد احس مو حق الهاسكي ،، ولو انه عايش بالثلج الحين اقول اوكي بس الجو متقلب وما ادري هل يضره او لا |
رد: عندي كلب هاسكي معقدني شوي
الافضل توفر له جو مناسب .. عشان ما يمرض .
افضل طريقة تخلي الكلب يجلس داخل بيته هي ان يكون بيته اريح مكان يجلس فيه و غالبا هو بيختار انه يجلس في بيته . الا اذا انحبس فيه من اول فراح يبدا يكرهه . والله الله بالاكل لانه يدفي الجسم . استمر بخلط الدراي فود و المعلب مع تقليل كمية المعلب تدريجي مثل ما قال ابو علي .. وان شاء الله كذا ولا كذا راح ياكل اي شي اذا حده الجوع . |
رد: عندي كلب هاسكي معقدني شوي
^
المشكله انها ترفس الباب بقوه ،، ماتحب بيتها ابد ابد ،، تحب تركض وتتحرك ،، مع ان بيتها كبير مساحته تقريبا ٤ في ٢ |
رد: عندي كلب هاسكي معقدني شوي
اقتباس:
الكلاب حالها حال الاطفال تريد اشياء نحن نمنعها طبعا نمنع هالاشياء عشان مصلحتهم مو عشان مانبيهم يستانسون مثلا :- نمنع اطفالنا انهم يسبحون بالمسبح بالشتى كذلك نمنع كلابنا انها تأكل اي شي بالارض ومن الاشياء الي نمنعها عنها الجلوس بالخارج اذا كان الطقس سيئ وذلك لمصلحتها يعني اذا كان في مطر او ماشابه دخل الكلب داخل غرفته و اقفل عليه الى ان يعتدل الجو هذي اشياء بأيدك مو بأيد الكلب انه يرفس الباب ويطلع تحياتي |
رد: عندي كلب هاسكي معقدني شوي
^
انا عندي بيتين للكلب البيت الاول ماخذ مساحه بالحوش وباني لها ، طبعا هذا البيت مكشوف ،، البيت الثاني هو داخل البيت الكبير ،، وانا اقصد بهذا : http://lh6.ggpht.com/_zQybYxWu0Ro/TO...og_house-1.jpg ابي اعودها تدخل هذا البيت وقت الطقوس السيئه |
رد: عندي كلب هاسكي معقدني شوي
في هذه الحاله ومثل تصميم هذا البيت
انت تضع القرار بيد كلبك فمتى انزعج من الطقس يدخل البيت بدون تعويد او تدريب تحياتي |
| جميع الأوقات بتوقيت GMT +3. الساعة الآن 11:49 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو