عايزه اعرف ازاى اربى جوز حمام مبدأيا لاول مره فى حياتى ؟
السلام عليكم ورحمة الله
كل عام وانتم بخير وربنا يباركلنا فى شعبان ويبلغنا رمضان على خير ان شاء الله مبدأيا كده وياريت تقولولى اذا كنت اصلح لحاجه زى كده ولا لآ عندى السطوح تبع المنزل وبفكر اجيب صندوق خشبى اتنين عين واجيب جوزين حمام وكان الراجل قالى جربى حمام بلدى للتربيه وقلت اعلق الصندوق على حائط السطح جانب الجيران قصدى يعنى بس خايفه من كذا نقطه انه كده حيطيروا فمش حيرجعوا تانى وتانى حاجه الفئران لان كده هما للهوا والصندوق مخرم بخشب طولى فعايزه اعرف هو ممكن يحصل كده وهل حاقدر اربيهم ولا حيتعبونى ويطيروا اسفه جدا للاطاله ويارب تكونوا فهمتوا قصدى |
رد: عايزه اعرف ازاى اربى جوز حمام مبدأيا لاول مره فى حياتى ؟
يا هلا وسهلا اختي العزيزة معنا ب منتدى 2zoo الرائع وقسم الحمام واليمام خصوصا . :) ايوه طبعا انتي تصلحي انك تربي اي شي تريديه والأهم من كذا يكون عندك ثقه ب ننفسك وتوكل على الله . اولا : الصندقه لا تكفي ولا تنفع لوحدها .. يجب ان يكون غرفة مثلا 3 متر ب ارتفاغ 2 متر ب عرض 2 متر تكون مغلقه من السقف حتى لا يدخل اشعة الشمس القوية والمباشره وحتى لا يدخل مياة الأمطار وهي الأهم .. وتكون هذه الغرفة مقفلة الجوانب ب الشباك (( شبك حديدي )) حتى يدخل اشعة الشمس ويتشمسو ولكي لا يخرجو ويطيرو خارج العشه .. ومن ثم تضعي داخل عيون او اقفاص خاصه للحمام وبعد 5 ايام تفتحي الصندوق ويصيو يطيرو ويرجعو للقفص للتبييض وغيرها . اما لوحدها الأقفاص لا تنفع لأن اولا حجمها صغير .. ثانيا : لا تقيهم من حرارة الصيف وبرد الشتاء ومطر الشتاء .. ولا تحميهم من الفئران والقطط وغيرها . وشوفي هالمواضيع رح تفيدك كثيييييرا بالهواية . :12: http://www.2zoo.com/vb/showthread.php?t=242291 http://www.2zoo.com/vb/showthread.php?t=30729 http://www.2zoo.com/vb/showthread.ph...63#post2829663 وأي سؤال لا تترددي ابدااا .. :rolleyes: |
رد: عايزه اعرف ازاى اربى جوز حمام مبدأيا لاول مره فى حياتى ؟
جزاك الله كل خير بجد كفيت ووفيت
بس انا للاسف ماعندى مكان مقفول هو المكان الوحيد حيبقى البلكونه او السلم عشان انا اخر دور مش عارفه اعمل ايه عامة انا حادخل اللينكات وافهم برضه جزاك الله كل خير ع الافاده |
رد: عايزه اعرف ازاى اربى جوز حمام مبدأيا لاول مره فى حياتى ؟
فيه حلول اخرى ولكن يتطلب عدد قليل جدا من الحمام :: انظري :: انا قلتلك في الأعلى التربية المثالية .. يمكنك الترربية ب محاكر مثل الي ب الصور ((( ليس اقفاص كاللتي ذكرتها انت ))) . :) http://www.2zoo.org/uploads/13712145751.jpg http://www.2zoo.org/uploads/13712145752.png اعملي محاكر كهذه .. وعملي لها مظلات تحميهم من الشمس .. وضعيهم ب مكان لا يكون ممر هواء مكان هاديء :rolleyes: |
رد: عايزه اعرف ازاى اربى جوز حمام مبدأيا لاول مره فى حياتى ؟
بسم الله الرحمن الرحيم مع احترامى الكامل للهاوى bird96 انا من مصر و عارف المدام قصدها ايه انتى عندك عنين حمام بالباب الجرار تمام هاتشترى 2 مسقى للمياه و 2 طاجن اكل متوسط الحجم و تشترى الاكل درة عويجة من العطار و ممكن درة فشار و هاتشترى جوزين الحمام من الى تعرفيه بصى بقى لازم يكون الحمام ريشه سليم و شكله كويس و يكونو دكرين و نتايتين و هاتخديهم فى شيالة و تروحى البيت و تحطى كل دكر ونتاية فى عين بس اهم حاجة حاجة مهمة جدا جدا انك تكونى عارفة شكل الدكر والنتاية علشان انتى ممكن تحطى دكرين مع بعض او نتايتين حاولى تحفظى لونهم او تعلميهم بحاجة مميزة او حاجة احسن خلى البياع يحطلك كل دكر و نتاية فى شيالة لوحدهم وده الاحسن و سيبيهم فى القفص لمدة اسبوع و بعد كده ممكن تفتحلهم و ماتخافيش بس ياريت تحطى العيون على الارض مثلا فى البلكونة احسن وكمان حضرتك قولتى انك ساكنة اخر دور يعنى كويس نظام الاكل و الشرب بقى المياه اول حاجة المسقى تتغسل كل يوم كويس جدا و تتملى بس ياريت فى مواعيد يعنى لو غيرتى المايه الساعة 12 يبقى تتغير الساعة 12 تانى يوم و الاكل بردو بمواعيد بس مرة الصبح الساعة 9 مثلا و مرة الساعة 5 كدة بس اوعى تخلى الاكل عندهم على طول هقولك ليه علشان لما الاكل يفضل قدامهم علطول مش هيبقى عندهم شهية للأكل و بالتالى هايخسوا و الجاى اهم انهم هايعملوا لا مؤخذة زبل على الاكل و يجى بعد كدة ياكلوا منه يجيلهم امراض و كمان فى نظام تانى للحمام علشان انتى ممكن تكونى مش عايزة تتطيريهم ممكن تحطى العيون فى ارض البلكونة برده و تقصى ريش الجناح بتاع الحمامة بالمقص و الاحسن جناح و احد بس من كل حمامة و سعتها بقى ممكن تسيبيهم فى الارض من اول ماتجيبيهم يعنى مش لازم يتحبسوا اسبوع انا كدة خلصت معلش طولت اوي بس انا عندى سوأل انتى غرضك ايه من الحمام اكل الزغاليل بتاعته و لا للهواية ولا للطيران و شكرا;)
|
رد: عايزه اعرف ازاى اربى جوز حمام مبدأيا لاول مره فى حياتى ؟
اقتباس:
اهاااا كلامك صحيح يا غالي تسلم عالتعقيب والتوضيح . :) شكرا لك اخوي محمد بارك الله فيك والهدف ان تحمى التربية من الأمطار ومن اشعة الشمس القوية ومن الرياح ومن مؤثرات الجو حتى تضمن تربية صحيحه . :D |
رد: عايزه اعرف ازاى اربى جوز حمام مبدأيا لاول مره فى حياتى ؟
تمام كلام الاخوان ما قصروا معك
ومرحبتين اولا باهل الاسكندرية بما انك فى الاسكندرية يعنى ما شاء الله عندكم امطار بشكل كبير عشان كدة اهم شئ انك تحمى الحمام من المطر وادخلى المواضيع المثبته واقرايها كلها فى الاول عشان تتعلمى اكثر عن الحمام واحب اقول لك شئ : الحمام البلدى صراحة ما راح ادخل معك فى مواضيع عنه لانى اذا حبيت اتكلم عنه ما راح يكفينى يوم كامل انا احبه احبه احبه احبه و........................................................... ولكن كل ما اقدر اقوله لك انه ممكن يعيش فى اى ظروف يعنى اذا وضعتيه بالجبل راح يعيش ما تقلقى عليه وما ياثر فيه حر او برد او اى شئ سبحان الله كل المطلوب منك الماء والاكل والمكان الجيد وان شاء الله راح تستمتعى بالتربية جدا جدا وفيكى تربيه بالبلكونة او بالسلم او بالسطوح اهم شى الماء عشان احنا فى الصيف والجو حر والاكل ده لازم والمكان الامن اللى هو محكر مثل اللى وضع لك صورته اخى بيرد وفيكى تعمليه يدوى او تخلى اى نجار يعمله لك او تشتريه جاهز تقبلى مرورى |
رد: عايزه اعرف ازاى اربى جوز حمام مبدأيا لاول مره فى حياتى ؟
تقدري تربي في المحاكر الموضحة في الصور
واهم شي ابعاد المحكر يعني كل جوز لازم يكون قفصه او محكره 75سم طول بعرض 50سم بارتفاع 50 سم وتحطي بكل قفص طاجن للتعشيش ومشرب ماء ووعاء لوضع العلف وتقدري تحطي الاقفاص باي مكان شرط تمنعي وصول الاطفال والجرذان للحمام وحطي قطعة قماش علشان تعملي ظل اذا حبوا يبعدوا عن الشمس وبالشتاء تقدري تحميهم بمشمع (قطعة بلاستيكية) من المطر وبالتوفيق |
رد: عايزه اعرف ازاى اربى جوز حمام مبدأيا لاول مره فى حياتى ؟
اقتباس:
بجد شرحك جميل وانا بصراحه بفكر فى حاجات كتير (وعلى رأى زوجى ان دماغى حتودينى فى داهيه هههههه) جربت الارانب وزهقت وعندى دلوقتى بط ونفسى اجرب حاجات كتير :confused: بس دايما يحبط معنوياتى وعمال يقولى حيطيروا مش يرجعوا وممكن يجيبوا تعابين اعوذ بالله ده غير الفئران اللى اكيد موجوده طب هو انا ممكن احبسهم ومخرجهمش نهائى ؟؟؟؟؟؟؟؟؟ اقتباس:
شكل الفكره اشتغلت ويارب افلح بقه هههههههههههه اقتباس:
اقتباس:
حاجرب نصايحك وكله بأمر الله اقتباس:
عارفه انى بتعبك معايا شكرا وجزاك الله كل الخير |
جميع الأوقات بتوقيت GMT +3. الساعة الآن 05:12 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو