|
تدريب الامازون
السلام عليكم
كح كح :D من عشق تربية البلابل ل جنون الفيشر والروز وهالمره تجربة جديدة مع الامازون :12: ياليت تفيدوني ب هالنقاط الامازون الا عندي اللي يتميز باللون الاخضر عاد ماعرف شيسمونه :D وماله صار له ثلاث ايام عندي على كلام راعيه عمره سنه وكم شهر ويتكلم ( فطوم - افضل الصلاة والسلام عليك ياحبيب الله محمد كلللبوووش )؟:D ويوقف على الايد وينزل راسه في حال انطلب منه المشكله من جاء ونور بيتنا صار اخرس خخخخخخ ادري بحكم انه مكان جديد ويبي له يتعود وجالسين نحاول معاه طبعنا حاولنا ان احنا انطلعه برا القفص وبعد محاولات طلع معانا يوقف على اليد بس سرعان مايرجع لقفصه واحيان نفتح له باب القفص ويطلع لحاله يطلع صوت وكأنه معصب وخصوصا اذا طفلتي قربت منه واحسه مو طايقها وهي شحليلها مجننتنه :D ويعض لكن عضته خفيفه واحاول امسح على راسه مو راضي نهائيا بس امس جاء من نفسه جنب مكاني وهو داخل القفص ومد راسه ومسحت عليه واحسه استانس جيت اكرر الحركة اليوم عصب ::angry: ياليت تفيدوني شلون اتعامل معاه ومايخاف وشلون اخليه يتطمن لي ويجي عادي بدون مايعصب فيدوني بأي شي من نصايح بحكم ان مربيين جدد ل الامازون اشوفه يحك واجد ف جسمه وينزل قشرة بيضا طول اليوم وهذا حاله هل يبدل ريش والا يبي يسبح ؟ :D ونقطة اخيره الاكل ماله الحب احسه يفسفس فيه ويرميه بدون ماياكله او يرميه واهو مثل ماهو هل هذا طبيعي :confused: |
رد: تدريب الامازون
عليكم السلام لم نعرف اي درجة من الامازون طيرك لو تضعين صورة له افضل ولكن بصفة عامة الامازون يعتبر كير مخادع وليس له امان البعض يقول ان الدرجة الثانية الي هو الدبل يلو هد اقل من باقي الدرجات في الهجوم المفاجيء افضل شيء اقتناء فرخ ينغر لانه يعتبر عجينة طرية تعجنيه كيف ما تبين بالنسبة للتوليف يعتمد على قوة شخصية المروض وجرائته الخوف سوف يجعل شحصية الطير قوية بحيث انه لا يتقبل مثلا المسح او الصعود على اليد القفص يعتبر مملكة الطائر عند الترويض او تعليم الطير الصعود على اليد يجب اخراج القفص من المكان لكي لا يشتت تركيز الطير ويبقى الطير على يدك سوف اضع لك صور درجات الامازون اولا الدرجة الاولى عربيا وهو امازون يلو ناب http://www.birdfarm.com/images/birds...amazon2-lg.jpg الثاني الدرجة الثانية وهو الدبل يلو هد https://img1cdn.haraj.com.sa/userfil...65ec29453.jpeg الثالث الدرجة الثالثة وهو البلو فرونتد http://www.2zoo.org/uploads/13447253402.jpg الرابع الدرجة الرابعة وهو يلو كراون http://www.parrotsonly.ca/images/img133845519.jpg الخامس الدرجة الخامسة اورنج وينق https://images.os-cdn.com/previews/5...abc325.jpg.jpg السادس الدرجة السادسة وهو مايلي امازون https://uploads.sedty.com/imagehosti...1288707706.jpg تحياتي ابورضا |
رد: تدريب الامازون
الطير يحتاج الى وقت كي يتعود على المكان الي هو فيه ويتعود على الاشخاص الي حوله يعني يحتاج صبر وطوله بال والطير على كلامكم صارله عندكم ثلاثه ايام وانا نصيحتي انكم تعطعونه وقت علاشان يتطمن ويثق في اهل البيت. وان شاءالله الامور راح تصير الي الافضل.
|
رد: تدريب الامازون
مشكورين اخواني
افدتوني وبالفعل اول ماجبناه عضته كانت خفيفه واشوفها الحين استقوت وصارت قويه لدرجه حتى الدم من عضته يطلع :/ معنى صار اهدا من قبل ويتكلم ومبسوط يتممشى على كيفه في البيت وهل الامازون يكره الاطفال ؟؟؟ بالنسبه لنوعه ماعرف وماحسه موجود بين الصور اللي حطيتها اخوي وماعرف انزل الصوره من الجوال لونه اخضر ، راسه فيه شوي اصفر ، عواينه ماحوالينها ابيض اطراف اجنحته والذيل فيهم الوان اعتذر على كثرت الاسىله بس كيف اخليه يقلل من الحكه مالته ؟ لان القشره الي يرميها صارت في كل مكان والمشكله يوسخ واجد بالقشرة والحب ماله برا القفص والعصا حقته حديد هل استبدلها بخشب ؟ وهل يتحمل البرد والا ؟ |
| جميع الأوقات بتوقيت GMT +3. الساعة الآن 07:29 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو