عاجل .. أظن ببغائي على شفير الموت :'(
 

السلام عليكم ورحمة الله ..

أمس واليوم حصل حاجة غريبه وفكرت منية الطير قربت .. بحيث سمعت صوت صرخة وطيحة الطير من الغص على ارضية القفص.. طبعاً انا حاطه بمكان دافي ومشغل له دفاية زيتية عن البرد .. فجلست جنبه اكلمه واصفر له .. واشوفه قام وشد حيله وطاح مرة ثانية وجلس يصرخ كأنه يلفظ نفسه الأخير :( ويتنفس بصعوبة .. خليته وجيت الصبح وشفته طبيعي يتحرك بس لا زال بأرضية القفص .. وشافني وصعد الغصن .. رحت الدوام ورجعت وغيرت أكله .. وقبل اشوي صرخ نفس امس وطاح وانقلب على ظهره :( .. شيكت الأكل مش لامس منه شي من الظهر .. وحاول يتحرك وبعدها فرد جنحانه وذيله وكأنه بيودع .. وصرخ اشوي ووقف عادي كأنه مافيه شي .. وتنفسه صار كأنه ثقيل كذا (هأ اهه هأ هه) فقلت بوديه بعد صلاة العشا لمحل طيور عندنا يشوف حالته ويعالجه .. بس ابغى اذا ممكن حل مؤقت وعاجل أقدر اسويه :( ... الله يعطيكم العافيه

رد: عاجل .. أظن ببغائي على شفير الموت :'(
 

دافيات الزيت هي السبب تتعب تنفس الطير
اذا المكن بدونها دافي زين او حط له الغطاء الخاص القفص
وشف فتحات الخشم عنده مسكره او لا
وانصحك توديه بسرعه البيطري لا تخسر الطير
ومايشوف شر ان شاءالله

رد: عاجل .. أظن ببغائي على شفير الموت :'(
 

يعطيك العافيه ... لسى رجعت من محل الطيور وقال لي معه مشكلة معوية وعطاني طوا اسمه coxi plus
لمدة ستة أيام .. الأنف عنده نظيف الحمد لله ..

رد: عاجل .. أظن ببغائي على شفير الموت :'(
 

الحمد الله بس دفيات الزيت ينخاف منها افضل التكييف احسن منها
ويفيدونك الاخوان عندهم خبره افضل مني بسم العلاج

رد: عاجل .. أظن ببغائي على شفير الموت :'(
 

شاكر لك وقفتك يا همس :)

رد: عاجل .. أظن ببغائي على شفير الموت :'(
 

طمنا عن طيرك

رد: عاجل .. أظن ببغائي على شفير الموت :'(
 

بالعكس انا اشوف الدفايات و المكيفات هن المرض بعينه
اذا نحن ما نتحملهن اذكر مره نمت والمكيف شغال ع الحار قمت الصبح مريض ومكتوم
لي فتره طويييله انام بدون أي وسيلة تدفئه غير البطانيه :)


انا ما انصح بالتكييف الحار
غطي القفص ببطانيه واترك فتحه بسيط للتهويه وحاول تحطه بغرفه او مكان مقفل مايجيه الهواء
هذا افضل حل من وجهة نظري والله اعلم

الله يشفي طيرك