منتديات تو زوو

منتديات تو زوو (http://www.2zoo.com/vb/index.php)
-   قسم هواة الكروان ( الكوكاتيل ) (http://www.2zoo.com/vb/forumdisplay.php?f=61)
-   -   طريقة جديدة وسهله لترويض الكوكتيل (http://www.2zoo.com/vb/showthread.php?t=269227)

bonsho 11-05-2012 02:17 AM

طريقة جديدة وسهله لترويض الكوكتيل
 
فى طريقة انا عملتها علشن اروض بيها كوكتيلاتى (بيسو وبونشو) والصراحة جت معاى بالصدفة
وبعدها بقترة طوووويله اكتشفت انها فعلا طريقة للترويض موجودة على النت بس مش للكوكتيل كان لطائر تانى
وهى استخدام عصا خشبيه للترويض
وهى نفس طريقة الترويض بالايد بس بنبدل الايد بعصا خشب
الادوات :
كوكتيل
صبر
ثقه فى الطائر وقدرته
حب الطائر
عصا خشبيه

الخطوات :
1:انا بدأت الترويض من تانى يوم لبونشو معاى !!!
بس دا مش صح المفروض اننا نبدأ بعد تعود الطائر على المكان المحيط والاشخاص
ودا مثلا بعد اربع ايام واكيد يفضل ان الطائر يكون صغير بس انا عندى مبدأ ان الثقة فى الطائر وحبه يمكنك من ترويضة حتى لو كان سنه كبير

2: واظب على تغيير الماء والطعام كل يوم وتنظيف القفص لحد ما الطائر يدرك ان انت مش بتمثل له خطر بل العكس انت اللى بتجيب له الميه والاكل

3:حتى بعد ما يطمن الطائر لك لسا فى فجوووه وووواسعة جدا بنكوا وماتنساش ان الطائر ممكن يون اتعرض لمواقف خلته يفقد الثقه باللشر فأدى له وقته

4:اولا الكوكتيل مابيقدرش يقاوم الخشب :) انا استخدم عصايا اللى هى بتاعت الشيش طاووق بس ماتنسوش تقطعوا الجزء الحاد اللى فى الاول علشان ماتحصلش مشاكل
دخل العصا للطائر وسيبه يلعب بيها ويطمن لها

5:ابدأ قدم للطائر اكله المفضل فى الخشبه ودا هاياخد وقت انك تعرف ايه اكلته المفضله انك تقدم له كل الوجبات المتاحه وتعرف ايه الوجبه اللى عجبته اوى شلها من القفص وقدمها له فى العصا
مثل الخس والخيار والبيض المسلوق
اغرس الاكل فى العصا وقدمها للطائر عادى انه يتردد فى الاول او يخاف اصبر معاه وهاتلاقيه كل منها
بس انت تدخلها له من برا القفص مش تفتح الباب وتدخل ايدك مع العصا

6:استمر على تقديم وجباته المفضله فى العصا وابدأ مرحله جديدة انك تبل العصا بالميه وتغمسها فى حبوبه لالاعتياديه وهاتلاقيه بياكل منها عادى

7: واظب على انك تددخل له العصا من فتحات القفص يلعب بيها وشويه شويه هايبدأ يربط بين العصا وبينك لانها كل ما بتدخل له للقفص بيتكون انت موجود

8: هاتلاقيه فى ضمن اندماجة فى اللعب حط رجله على العصا علشان يمسكها حاول براحه انك ترفها وهو هايحط رجله التانيه على العصا وبكد وصلنا لنص الطريق انه وثق فى العصا لدرجة انه وقف عليها وبالتالى وثق فيك الى حد ما

9: قلل دخول العصا للقفص وابدأ دخل ايدك بالتدريج وكتر فترات دخولها اكتر من العصا وقدم له وجباته المفصله فى ايدك ولو خاف اوى يبقى دخل صابعك بس من بين فتحات القفص وخليه ياكل منها

10: واظب على ادخال ايدك فى القفص وحتى لو مش وقفوا عليها خليها فى القفص لفترة لحد ما يطمنلها ويعرف انها مش مصدر للخطر

نجحت فى ترويض كوكتيلاتى فى خلال تقريبا 20 يوم بالطريقة دى واول لما بدأتها كنت بشرب بونشو بالعصايا دى لانه كان صغير اوى وكنت بطلعه على المجثم بيها لانه ماكنش بيعرف يتسلق او يطول المجثم فكان فى بينى وبينه حلقة وصل وهى العصايا
وكان بيثق فيها لدرجة فظيعه ومابيخفش منها خالص لدرجة انى لما كنت بخرجة الاول كنت بخرجة بيها بس فى مرة طار منى ادتها له علشان يقف عليها مارضيش ولما حطيت ايدى لاقته جت عليها واطمن لها اكتر من العصايا

معذرة على طول الموضوع
واتمنى يكون مفيد
كنت اتمنى انى ادعم موضوعى بالصور بس لاقتها هاتبقى صعبة اوى :)

i love meom 11-05-2012 04:28 AM

رد: طريقة جديدة وسهله لترويض الكوكتيل
 
تسلمين بونشو على الموضوع رائع

آبوعبدالمجيد 11-05-2012 12:10 PM

رد: طريقة جديدة وسهله لترويض الكوكتيل
 
تسسلمين أختي الغاليه بونشو على الموضوع التوححفــهٍ.~.

ومنتظرين جديد قلمك وإبداعك الذي ليس له حدود في سماء قسم هواة الكروان..

بالتوفيق يالغاليهَ.~.

اخوك//آبوعبدالمجيد:)

bonsho 11-05-2012 12:38 PM

رد: طريقة جديدة وسهله لترويض الكوكتيل
 
شكرا جزيلا لكوا
انا ماعملتش غير اقل من الواجب للمنتدى الرائع بفضل اعضائه
يارب الموضوع ينول اعجاب باقى اعضاء القسم

$خلود$ 11-05-2012 02:18 PM

رد: طريقة جديدة وسهله لترويض الكوكتيل
 
شرح مميز جداً
يعطيك العافيه
وربي يوفقك

أبو شرارة 07 11-05-2012 05:53 PM

رد: طريقة جديدة وسهله لترويض الكوكتيل
 
يعطيك الف الف عافية على الشرح الاكثر من رائع

*هاوي البادجي* 11-05-2012 07:30 PM

رد: طريقة جديدة وسهله لترويض الكوكتيل
 
موضوع جميل

شاكر لج اختي الغاليه

ابداع

*فواز*

bonsho 11-05-2012 09:02 PM

رد: طريقة جديدة وسهله لترويض الكوكتيل
 
شكرا جزيلا لكوا على الردود
وان شاء فى موضوع تانى قريب
بس امتحانتى قربت فأدعولى
انا فى الثانويه العامه :)

الطوقان 14-05-2012 03:31 PM

رد: طريقة جديدة وسهله لترويض الكوكتيل
 
مشكورة ع الموضوع الجميل،،

مروض كوكتيل 17-05-2012 11:17 PM

رد: طريقة جديدة وسهله لترويض الكوكتيل
 
اختي طريقة رائعه ولم اجربها لاكنها تعطي الطائر ثقه جيده لاكن هل سمحتلك بونشو انك تمسحى عليها وهل بونشو تلاحقك بالبيت او تلاحق يدك على لاقل


جميع الأوقات بتوقيت GMT +3. الساعة الآن 12:28 AM.

Powered by vBulletin® Version 3.8.8 Alpha 1
Copyright ©2000 - 2020, Jelsoft Enterprises Ltd
الحقوق محفوظة لمنتديات تو زوو