منتديات تو زوو - ميكي عند جارتي وقطاوتها مريضين

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - ميكي عند جارتي وقطاوتها مريضين (http://www.2zoo.com/vb/showthread.php?t=355277)

ميكي عند جارتي وقطاوتها مريضين

السلام عليكم
ازيكم ي اجمل اعضاء

طبعا وديت ميكي ل جارتي عندها قطاوه
كان عندها بستين حوامل وعندها قط ذكر
طبعا القطوه تينا ماتت يوم تولد اتعسرت ولادتها وماتت وماتو اولادها ف بطنها
القطوه الثانيه لينا ودوها لبيطري يولدها وادعا ابره مدري ايش
ورجعت البيت ومرضت ثاني يوم وارتفعت حرارتها ومرا م تاكل ولا شي بس منسدحه وفمها مفتوع ولعابها يسيل
ودوها للبيطري قال مسخنه وحلقها يعورها اداها علاج جلست يوم وماتت

دحين انتقلت العدوى للقط الذكر جاكي نفس الاعراض
وهما مرا خايفين عليه

وخايفين ع الكيتن الصغار اولاد لينا اللي ماتت

ودحين ميكي عندهم يقولو نخاف تجيه العدوا او شي ايش نسوي ل جاكي وايش نسوي ل ميكي

امانه ادوني حل سريع،،،

رد: ميكي عند جارتي وقطاوتها مريضين

انتي للحين رامية القطو عند الناس!!!! من شهر كنتي مسافرة والحين عند جارتك ميكي،
،ايش متوقعة نشور عليكي!!! لو المرض فعلا جالس ينتقل فميكي اكيد لقط المرض
الغريب انك للحين مهتمة :) خليهم يحطوه في غرفة لحاله وبوكس نظيف وصحن لحاله
ابسط شي يودون القط عيادة كويسة
سبحان الله قطك ميكي من شهر من وقت ماقلتي سافرت وتركته ورجعتي ولقيتيه فظريات ورجعتي سافرتي وتركتيه
وانا حسه ان هالقط نهايته مأساوية بسبب الاهمال وعدم الاهتمام،،
ابسط شي دامك ماتقدرين تهتمي فيه كنتي عرضتيه تبني مش كل يوم في بيت :)

رد: ميكي عند جارتي وقطاوتها مريضين

اول شي بسبس مياو انتي م تعرفي ظروف غيرك تب انا قبل كنت مسافره ولم رجعت عالجتو وكل شي وسار احسن الحمدالله ووديتو للبيطري قال مرا كويسه صحتو ،،

الشي التاني نزلت ودحين راح اكمل شهر حبيبتي سفري مو سياحه وكدا زي م يجي ف بالك واهمال ومن دا الكلام

انا اشيل هم ميكي ف اليوم الف مرا

حبيبتي انا سافرت عند امي مرافقه معاها ف المستشفى فين اخليه امانتك

وجارتي عندها قطاوه قلت اكيد راح تهتم فيه بحكم خبرتها

هما دحين مرضو وميكي الحمدالله م فيه شي الين دحين وامورو كويسه

واذكرك نهاية ميكي ان شاءالله تكون احسن من كدا

مستحيل اعرضو ل تبني او شي

جات ع بالي اني اوديه لعياده بيطريه الين م ارجع وربي م لقيت شي كويس

ف الدمام والخبر تودي القطو سليم تاخدينو مريض م في اهتمام مرا

عشان دا السبب مو عارفه اخليه فين مسكين

رد: ميكي عند جارتي وقطاوتها مريضين

ابشركم ميكي صحتو مرا كويسه

وجاكي طلع عندو التهاب ف الاذن مع شوية سخونه وهوا عند البيطري دحين

وكشف ع ميكي طلع كويس الحمدالله

ولينا سبب موتها الدكتور اداها ابره وولدت قبل اليوم اللي تولد فيه

وتعبت بعد الولاده

وكل شي سار اوك

رد: ميكي عند جارتي وقطاوتها مريضين

مين العيادة اللي راحولها..ومين البيطري اللي اداها الابرة؟