منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   تعليم الببغاء عبارات طويلة .. (http://www.2zoo.com/vb/showthread.php?t=96656)

فتفوته 06-04-2009 04:56 AM

تعليم الببغاء عبارات طويلة ..
 
السلام عليكم


كيف اعلم الببغاء يتكلم جملة طويلة مرة وحدة مثل .. سبحان الله وبحمده ..

هل اقولها مرة وحدة ولا على كلمة كلمة ؟

يعني مثلا كلمة سبحان ارددها له مرتين ثلاث وانتقل للكلمة اللي بعدها ولا وشلون

لاني جلست اردد له جمل واحسبه مندمج مع الدرس واثاريه متنح لحد الان ما نطق الا كلمات مفردة



السؤال الثاني

باليوتيوب اشوف لقطات لببغاوات امازونية تغني بالانجليزي كلمات وموالات واصوات حلوة

طيب هل اقدر اعلم الافريقي يغني اغنية الفيلم الكرتوني بباي ولو مقطع صغير وعن طريق التسجيل ؟

بودلال 06-04-2009 05:51 PM

رد: تعليم الببغاء عبارات طويلة ..
 
السلام عليكم

اخت فتفوته اذا نطق كلمات منفرده يعني يقدر يقول جمل ان شاءلله

لو تسجلين الجمله بوضوح تام طبعا جمله سهله وتعطينها له مرتين باليوم او ثلاث مرات باليوم

حطي التسجيل عنده واطلعي من الغرفه عشان يركز يعني خليه بغرف بروحه والتسجيل عنده

وهذا اغلب الخبراء الي عندنا بالكويت يسوون جذي :)


وبخصوص الامزوني يفرق عن الافريقي بسبب استوعابه وقوة ذاكرته

انتي جربي هل الطريقه وان شاءلله تجيب نتيجه طيبه معاج

وعسى الله يوفقج وان شاءلله اكون افدتج بطرحي

فتفوته 06-04-2009 10:18 PM

رد: تعليم الببغاء عبارات طويلة ..
 
الله يعطيك العافية اخوي
ويجزاك خير ما قصرت

سكر 06-04-2009 10:38 PM

رد: تعليم الببغاء عبارات طويلة ..
 
والله يا أختي حسب اللي فهمته ان الامازوني متخصص في الجمل الطويلة والاغاني.

والأفريقي متخصص في الكلمات القصيرة والكلمات المكونه من مقطع واحد.

لكن هذا ما يمنع يكون العكس حاصل في بعض الطيور.

نصيحتي لك عشان جهدك يكون مركز, انك تختاري كلمة وتعلمي ببغائك ما دام انه افريقي.

وكل فترة غيري الكلمة اذا ما جاوب معاها

واتبعي طريقة اخوي ابو دلال ما قصر وجزاه الله خير

تحياتي

فتفوته 07-04-2009 02:19 PM

رد: تعليم الببغاء عبارات طويلة ..
 
كثر الله من أمثالك اخوي سكر ما قصرت
شكرا لكم

كاسكـــو 07-04-2009 07:40 PM

رد: تعليم الببغاء عبارات طويلة ..
 
الجمل الطويله تعتمد على نوع الببغاء

اذا كان امزوني او افريقي يستطيعون نطق جمل كامله

وهي بسيطه الطريقه نردد الجمله كامله بنفس واحد دون تقطيع ولا نغيرها ابد حتى لايتلخبط الببغاء

مثلاً لا اله الا الله نقولها بنفس واحد وبصوت عالي ونكرر على مدى الايام دون تغيير للجمله

ماشوف صعوبه في الموضوع ان شاء الله

لكن طريقه التسجيل غير مفيده يجب صاحب الببغاء يقوم بنطق الكلام والجمل بنفسه

لأنه الببغاء يحب ان يتعلم من صاحبه ويقلد نبره صووته يعني يستوعب من صاحبه اكثر من التسجيل

الاخ سكر

للمعلوميه الافريقي يستطيع نطق كلام طويل ومتواصل

شاهدنا وسمعنا ببغاوات افريقيه تقراء سوره الفاتحه كامله وسورة الاخلاص كامله

ابحث عنها وتحصل بالنت مقاطع لهذي الببغاوات

كيف تقول متخصص بالكلمات القصيره وكلمات من مقطع واحد

سكر 07-04-2009 11:06 PM

رد: تعليم الببغاء عبارات طويلة ..
 
اقتباس:

المشاركة الأصلية كتبت بواسطة كاسكـــو (المشاركة 825514)


لكن طريقه التسجيل غير مفيده يجب صاحب الببغاء يقوم بنطق الكلام والجمل بنفسه

لأنه الببغاء يحب ان يتعلم من صاحبه ويقلد نبره صووته يعني يستوعب من صاحبه اكثر من التسجيل

الاخ سكر

للمعلوميه الافريقي يستطيع نطق كلام طويل ومتواصل

شاهدنا وسمعنا ببغاوات افريقيه تقراء سوره الفاتحه كامله وسورة الاخلاص كامله

ابحث عنها وتحصل بالنت مقاطع لهذي الببغاوات

كيف تقول متخصص بالكلمات القصيره وكلمات من مقطع واحد

يا أهلا بكاسكو شكلك مدرس :D

كلامك جميل يا قمر, بس يمكن ما انتبهت لكلامي, يا ليت تقرا اللي بالأحمر في التالي:

اقتباس:

المشاركة الأصلية كتبت بواسطة سكر (المشاركة 824483)
والله يا أختي حسب اللي فهمته ان الامازوني متخصص في الجمل الطويلة والاغاني.

والأفريقي متخصص في الكلمات القصيرة والكلمات المكونه من مقطع واحد.

لكن هذا ما يمنع يكون العكس حاصل في بعض الطيور.
نصيحتي لك عشان جهدك يكون مركز, انك تختاري كلمة وتعلمي ببغائك ما دام انه افريقي.

وكل فترة غيري الكلمة اذا ما جاوب معاها

واتبعي طريقة اخوي ابو دلال ما قصر وجزاه الله خير

تحياتي



اقتباس:

المشاركة الأصلية كتبت بواسطة كاسكـــو (المشاركة 825514)


لكن طريقه التسجيل غير مفيده يجب صاحب الببغاء يقوم بنطق الكلام والجمل بنفسه

لأنه الببغاء يحب ان يتعلم من صاحبه ويقلد نبره صووته يعني يستوعب من صاحبه اكثر من التسجيل


وما دام انك موجود يا ليت مرة وحده توضح لي لو تكرمت انت تقصد ان التسجيل غير مفيد نهائياً والا تقصد انه مفيد لكن مو بشكل كبير؟

لأن في الحالة الثانية تبقى مفيده

واذا تقصد انه نهائياً , بقولك اسمحلي كثير جربها ونفعت معاه وانا منهم يا قمر.

لكن مثل ما تفضلت الأفضل من صاحبه.

تحياتي يستآآآآد :D

.

كاسكـــو 08-04-2009 12:50 AM

رد: تعليم الببغاء عبارات طويلة ..
 
يستوعب من صاحبه اكثر من التسجيل

شف هنا وش قلت قلت اكثر من التسجيل يعني ما الغيت فكره التسجيل نهائي

لكن صاحب الببغاء احسن بكثير اذا ردد هو بنفسه الكلام لطيره

يكفي بس راح يطبق نبرة صاحبه وهذي احلا شي في الببغاء :)

واذا الببغاء متعلق في صاحبه ويحبه راح يردد كل شي يقوله قدامه

يعني بمعنى اصح يتقبل من صاحبه اكثر

وطريقه التسجيل متعبه لانه لازم المقطع او الكلمه او الجمله ماتتغير ابد

يعني الشريط او السي دي لازم من بدايته الى نهايته كلام واحد مايتغير

عشان مايشوش فكر الطير ولو شغلنا تسجيل كل شوي تجي كلمه مختلفه

الطير يتعب ويطنش مايعرف على اي كلمه يركز هذي او هذي او هذي

ولد امبيريج 09-12-2009 09:08 PM

رد: تعليم الببغاء عبارات طويلة ..
 
شكرا على هالنقاش

بووسلطان 09-12-2009 10:29 PM

رد: تعليم الببغاء عبارات طويلة ..
 
اخوي احب افيدك بمعلومة مهمة وجهة نظر طبعا خاصة يعني ليست قاعدة افيدك بان الكاسكو يتعلم الجمل الطويلة اذا كان كبير شوي بالعمر يعني اكبر من سنتين هذا يسهل تلقينه الكلام لكن اذا كان مثلا سنة يعني يستوعب لكن اللي كبير بالعمر شوي يريحك كثير ويحفظ بسرعة ولكل قاعدة شواذ والله اعلم انا هذا المعلومة اللي اعرفها ومتاكد ان شاء الله منها ان الكبير يحفظ بسرعة طبعا تتفاوت الكاسكوات بالذكاء لكن بالغالب الكبير يحفظ الجمل الطويلة بسرعة اكثر وكل ماتقدم بالعمر يحفظ ويردد ها بوقت وجيز والله اعلم


جميع الأوقات بتوقيت GMT +3. الساعة الآن 12:11 PM.

Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو