|
حصاني جميل ولاكن؟؟؟
السلام عليكم
عندي حصان محلي مخلوط بنجليز على ما قالولي الخبراء حلو بلكلام يهرول يركض اقوله فوق وانا ااشرله بيدي يوقف بس عيبه الوحيد انه مزحه ثقيل ويعض كل يبي يعض اخليع يعضني بشوف اخرته ماهي قويه بنسبه له بس فيها آلم سؤالى كيف اخليه ما يعض |
رد: حصاني جميل ولاكن؟؟؟
اللـه يـبـارك لـك بـحـلالـك يـخـوي
بـعـديـن الـعـض لـدى الـحـصـن بالأخـص عـاده مـسـتـديـمـه وأعـتـبـرهـا حـالـه طـبـيـعـيـه لـدى الـحـصـن فـالـحـصـن مـاتـعـبـر عـن لـعـبـهـا وراحـتـهـا مـعـى صـاحـبـهـا الا بالـعـض لـكـن ممـكـن تـقـلل مـن هـذي الـعـاده بـطـريـقـه وحـده انـك تـقـرب أيـدك مـن فـمـه وإذا قـرب يـبي يـعـض قـولــه عـيـب وأضربـه عـلـى فـمـه لـكـن ضـرب خـفـيـف مـوضـرب مـبـرح ومـعـى الـوقـت إن شـاء اللـه راح تـخـفف مـن هـذي الـعـاده |
رد: حصاني جميل ولاكن؟؟؟
اقتباس:
|
رد: حصاني جميل ولاكن؟؟؟
انا اقول تسدد له وحدة تخلية يحول :D
لا امزح معك بس اذا جا يعضك اضربة بهداوة يعني يعرف انك ماتبي يسوي هالشي او ابعدة بيدك ومن ناحية العض المستديم اللى قال عنها الاخ شرقاوي احنا عندنا 6 خيول ولا واحد فيهم قد عض نهائيا بالعكس تعطية تفاح او سكر ياخذونها ولا يسببون مشكلة او عض نهائيا يمكن لانها عربية اصيلة مافيه هالعادة لكن باقي الخيول من الانواع الثانية مادري عنها حقيقة عموما اذا طلعت المزرعة يوم الخميس ان شاء الله بسئال لك السايس وش افضل حل |
رد: حصاني جميل ولاكن؟؟؟
مشكور على محاوله
|
رد: حصاني جميل ولاكن؟؟؟
انا بعد خيلي يعضووني ويلحسوون بيدي
لكن يعضووني على خفييف مو بقوه اذا كانو حصانك يعضك على خفيف يمكن معود على السكر والاشياء هذي او تعبير عن لعب ومزح وزي ماقلك اخوي شرقاوي ضربه على خفيف علشان يتوب واذا تاب كاافئه |
رد: حصاني جميل ولاكن؟؟؟
حدد نوع العض وطريقة العض
بعض الخيل بها امراض نفسيه او سلوك عدواني .. يختلف بعضها جينية وبعضها يكون من اثار الاهمال كحبس الخيل وعدم اخراجه والاهتمام به .. كان لدي كلب متخلف كنت اشك انه مصاب بالجنون فكان يتميز بلعبه مشيقه هي ان اللي يقول انه رجال يمر قدامه نهشه طال عمرك كما نهشة الطير في الصيد ههههه .. طبعاً تعاملت معاه وصبرت كثيراً عليه .. بالهداوه عاملته وبالحنان لملمته لكنه طلع ماهوب كفو بالقساوه مرمرته فقعت خشته .. الى ان وصلت ان هذا الخيل متخلف عقلياً.. لكن ماكنت الوم كبرياآئه لأنه ادهم اللون عربي الاصل وحش في الميدان فركوبه مامثله نصبت فتك ما شاء الله.. عموماً حاول انك تهده في البادوك يوم يومين .. ودلعه اذا ماكان يعض بقصد الأذيه.. يطيح اللي براسه ان شاء الله |
رد: حصاني جميل ولاكن؟؟؟
اقتباس:
متشيه إذا غفلت عنه يعض اليد بنسبه لى اشوه مزح بس طوله العض بدون هجوم بس إذا صرت قريب منه وفي مشكله ثانيه إذا غبت عنه ايام من 4 الى اسبوع يضعف سريع اول ما يشوفني يبدا يطامر ويركض مسوي انه يحبني ما باقي الى يكتب ذكريات على الجدار |
رد: حصاني جميل ولاكن؟؟؟
مبروك اخوي عالحصان الجديد
وأإخوي العض حاجة طبيعية لدى الاحصنة كلــهآ هو اكيد بيمزح عوده علــيك بعدين يسيب العض وأعطيله هاداي <<<<<<قشش هع يعني كافئه |
رد: حصاني جميل ولاكن؟؟؟
اقتباس:
اخي الفاضل : بما انه مصخها ، هل حصانك لعوب او فيه ربشه يعني يحتاج الى وزنيه.. مثل ما تفضلوا الاخوان وعلموك اذا جايعضك طقه مع خشمه وقوله عيب . وأذا كررها اصرخ بصوت عالي عيب وعطه واحد مع فناخره . عطه اسبوع وبس تشوفه يحاول يعض حاول تقوله عيب بدون ما تطقه مع خشمه . ان شاء الله يظبط اموره وان ما ظبطها طال عمرك مع كف يحبه قلبك مع ذكر كلمة عيب ولو ان ظرب الخيل عندي يكسر قلبي وينثره الى اشلاء لكن البعض منها ما يمشي الا بالعين الحمره . واذا ما ظبط وهو الخيار الاخير شغل عليه الكرباج لين يعرف ان الله حق .. لكن اوصيك بالصبر على الطريقه الأولى .. بعيدا عن الحلول المتقدمه والوحشية :shy: |
| جميع الأوقات بتوقيت GMT +3. الساعة الآن 05:30 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو