الرجاء الدخول من هواة تدريب وتوليف الكاسكو
 

السلام عليكم ورحمة الله وبركاته

وعيدكم مبارك , قبل الزحمة


سؤالي هو عن طريقة تدريب الكاسكو وبشكل أخص عن كيفية توليف الكاسكو

وجعله يترك الجعييير ... وهو متوحش لدرجة أنه حينما اريد تغيير الطعام يجعر ويصرخ ويتحرك بالقفص

اريد الخطوة الاولى .. هل استمر أغير له الاكل وهو يجعر ويصرخ .. أو هل اقوم بتجويعه

علما اني حاطه بمكان مرتفع وعالي .. هل أتركه بنفس المكان أو انزله لمستوى الارض

وشكراا مقدما

رد: الرجاء الدخول من هواة تدريب وتوليف الكاسكو
 

وعليكم السلام والرحمه ...
ايامكم سعيدة
اخوي ادخل ع الطير بهدوء وبدون كلام ف البدايه وبدون حركات فجائية واطلع عنه حتى يتعود عليك ومع الايام كلمه بهدوء مثلا تخبره انك بتبدل الماي وتحط له اكل وكل شي سويه بكل هدوء وبرود
هو صح الطير يحس بامان اكثر لما يكون فوق بس انا اشوف انك تنزل القفص لمستواك عشان يتعود ع هالوضع ... الا اذا كان نيتك تخلي القفص فوق ع طول وتبديل الماي والاكل سهل عليك
ماتحتاج تنزل القفص ولا شي
و يفضل القفص اللي فيه زوايا مربع او مستطيل واسند القفص عالجدار ماتخلي فراغ وراه عشان يحس بالامان
نوع له ف الاكل وحط له العاب حط له شي يشغله عن الجعير تراها طيور فضوليه ممكن مثلا تحط له شرائح او قطع تفاح ف ورقه وكورها بس خلي التفاح مبين شوي عشان مايخاف ويرجع يجعر بقضل لما يخف الجعير تسوي هالشي
ملحوظه: بذور التفاح سامه طلعها قبل ماتعطيه الطير

رد: الرجاء الدخول من هواة تدريب وتوليف الكاسكو
 

عليكم السلام ورحمه الله

بما انك ناوي تولفه

اول حاجه لا تعوده على القفص كثير

يعني دائما طلعه وعوده يكون برا ويشوفك ويلعب معكم

واذا يطير , لازم تقص ريش جناحه عند واحد خبير

ودائما يفضل تدريبه وتوليف فتره الصباح اوا لظهيره , يعني تجنب تدربه بعد المغرب او الليل عموما

لان هذي الاوقات اوقات راحه للطيور واسترخاء ونوم

موفق

واي اسئله بالخدمه

رد: الرجاء الدخول من هواة تدريب وتوليف الكاسكو
 

الله يعطيكم العافية وماقصرتوا

هو المشكلة انه حتى لو بتغير الموية او الاكل مايعطيك فرصة يجلس يجعر وينقز بالقفص .. ولا يعطيك فرصة يطالع او يتأملك او بيشوف ان بتضره او لا

مبدئيا ببدأ معاه إنه أغير له الموية والاكل وهو فوق .. وخلال اسبوع او اقل بنزله لتحت عشان يتعود على الجوو

وانا حاطه بمكان مرتفع محجوب الرؤية من وراه ... والله يعيننا عليه


وانوافيكم بالتطورات ان وجدت

وشكرآآآآآآآآآآآآ

رد: الرجاء الدخول من هواة تدريب وتوليف الكاسكو
 

الأفريقي اللي عندي توقف عن التجعير مع الوقت ما استغرق أكثر من ٣ أسابيع
لما يعتاد على أهل البيت و كونهم ما يأذونه و يصرخون بوجهه يحس بالأمان
و محاولة العض تقتصر على لما تحاول لمسه أو تفاجئه على سبيل المثال لما يكون للتو استيقظ من النوم و تحاول تغيير الأكل بعض الأحيان يتفاجئ.فشيء جيد تتكلم قبل ما تغيره و باب القفص يكون مفتوح طوال الوقت عدا وقت النوم في البداية ما يطّلع لكن بعدها يطّلع من نفسه و لما يجوع يدخل للأكل و بعدها يطّلع و الجناح مقصوص و يكون على مكان مرتفع بمستوى الشخص المتوسط الطول ،و بغرفة المعيشة
*ليس لدي خبرة كافية لكن من خلال تجربتي .

رد: الرجاء الدخول من هواة تدريب وتوليف الكاسكو
 

الله يعطيك العافيه .. وماقصرت على الافادة


تحيآآآآآتي لكـ