السلام عليكم

لي تقريبا 6 شهور عايش لحالي قلت اجيب حيوان يسليني ويرد الصوت المشكله اني ماعرف اي شي بالحيوانات الى اعرفه اني ماحب القطط ولا احب الكلاب قلت اشتري لي ببغاء ماكنت حريص على سالفه الكلام بس ابيه ذكي اخذت لي لفه سريعه بالمنتديات وطحت على الموقع هذا يختصر لك اللفه الطويله


واستقر رائيي على الكوكاتو قالا اعجبني شكله وسعره ومواصفاته بالموقع الى حطيته ودورت بموقع ----- حتى حصلت واحد يبيعهم بالجمله الواحد ب 3000 ريال يجي معه قفص وغطاء للبرد وعلبه اكل اتوقع تكفي شهر

عندى كم سؤال ابي رائيكم فيه واذا امكن اعرف عمره وهل هو ذكر او انثى؟

والسؤال الثاني انا للحين ماوديته لدكتور بيطري متى اوديه ووش اقول للدكتور يسوي له بالضبط؟

ووش الاكل الي تنصحون ياكله انا حاليا اعطيه بس الاكل الملون الى عطاني اياه البائع

وش افضل لعبه ممكن احطها عنده

هذي صور الطائر الى شريته

http://store2.up-00.com/2016-01/145198069219561.jpg

http://store2.up-00.com/2016-01/145198069228292.png

المشاركة الأصلية كتبت بواسطة ابوووفهد (المشاركة 3163967) وعليكم السلام الله يبارك لك فيه طير جميل ويحب اللعب بالنسبه ذكر او أنثى صعبه لازم تحليل ثانياً مايحتاج توديه لبيطري الا اذا شفت اعراض مرض او شي كذا وممكن تبحث عن اعراض الأمراض والمشاكل هذي في المنتدى اما الاكل اعطيه مشكل حبوب بلجيكي و زوبريم وخضار وفواكه بنسب معتدله اهتم بنظافة الطائر وأبعده عن اي تيارات هوائية الكوكاتو يحب اللعب كثير طلعه من القفص والعب معاه وامسح عليه خليه يتعود عليك ممكن تروشه اذا كان الجو دافي مع الابتعاد عن رش الوجه وفر له بعض الأغصان يلعب فيها ويكسرها يحب التكسير بس احرص على نظافتها . أتمنى لك التوفيق