|
فيدونا بخبرتكم......
عندي كلب بولدوج مادري فيه بقع اصغار على جسمه جنه حات الشعر فيه كانت اصغار والحين جنه قاعد تكبر البقع... :eek: مادري هذي الفطريات ولا شنو.....؟ :confused: المهم وديته البيطري مافهمت من الدكتور شي يتكلم انجليزي... :confused: واخوكم يطقطق موذاك الزود بس عطاه ابره عقب ماخلص قعت ربع ساعه اجمع السؤال بالانجليزي.... :think: عشان بسأله بقوله شنو الحل... الي فهمته منه يقولي في شامبو زين حقه بس موموجود بالكويت موجود بالامارات..... ازبده انه ادكتور غبي....! :angry:
ياجماعه ياخبرائنا عطوني الحل... هذا المرض شنو؟ وهذا المرض شنو علاجه......؟ ادري اني طولته بس سامحونه وتكفون عطونا الحل...... :D |
مشاركة: فيدونا بخبرتكم......
انا دكتور بيطري تخصصي دواجن لكن ماعندي مشكلة اني اعالج حيوانات اخرى لكن المفروض انة ياخذة عينة من مكان البقعة ويعمل لها تحليل تحت المجهر ويشوف ما هو المرض لكن كذا ما اقدر اساعدك الا بوجود الحيوان والفحص علية والتاكد ويمكن زيارتنا في المملكة العربية السعودية ونكون بخدمتكم
ولكم الشكر |
مشاركة: فيدونا بخبرتكم......
اممممممم
يمكن جدري اذا يصيب الكلاب |
مشاركة: فيدونا بخبرتكم......
اخوي ليش ما توديه للمستشفى الدولي اللي بالوفرة دكاترة فاهمة و كل شي موجود عندهم...
|
مشاركة: فيدونا بخبرتكم......
إنزين اذا البقع على بطنه ولونهم أحمر فلا بأس ماكو إلا العافيه (فقط غسله في صابون ديتول البشري مرتين وبس) أما اذا البقع في جسمه من الاعلى فهذا نوع من أنواع الحساسيه أو الاجزيما وساعات تعادي البشر دير بالك لآزم تتأكد من الطبيب وأخذ معاك شخص يفهم إنجليزي واذا تبي احسن دكاتره في الكويت روح الوفره واذا بغيت تفاصيل أخرى عن المستشفى راسلني وانا حاضر حتى لو وانت اهناك تدزلي مسج وانا اكلمهم لك واعرف السالفه كلها وترجمها لك بعد آمر ........... :) بس لا تهمل الكلب لأنه مثل ماقتلك انواع الحساسيات يختلف وفيها الي ياعادي البشر ترا مو وقته |
مشاركة: فيدونا بخبرتكم......
يعطيكم العافيه ياشباب.... وماقصرتوا
:) |
مشاركة: فيدونا بخبرتكم......
والله لوتعطيني ياللحن الخلود اي صوب هذا المستشفى
انا اسمع عن هذا المستشفى وايد.. اي صوب وشسمه؟ بس انا هذا مستشفى الري قالي كليوم تعال قاعد يعطيه ثلاث ابرات كليوم... لانه كان مرتفعه حرارته وفيه نشله الكلب فمادري اكشت فيه وروح حق هذا الي اتقولون عنه ولاشلون...؟ انا بعد شوي الصبح بروحله... |
مشاركة: فيدونا بخبرتكم......
بعثت لك رساله أخي العزيز وماكو إلا الخير لاتحاتي انا معاك إن شاء الله :) |
| جميع الأوقات بتوقيت GMT +3. الساعة الآن 05:42 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو