|
انا و قطتي و العيد
" أنا و قطتي و العيد " هذا كان عنوان الموضوع بس مدري ليه رفض ينشره بهالشكل
صباح / مساء الخير عليكم جميعاً عندي سؤال يمكن مو من اختصاص هذا القسم لكني مضطره أطرحه في العيد احنا نتجمع مع أقاربي في بيت جدي بمدينة ثانية و ننام هناك كم يوم و المشكلة أنو مو الكل يحب القطط و ما أقدر آخذ لي غرفة لحالي فـ متوهقه ما أقدر أعيد هناك و أترك قطتي و ما أبغى أفوت العيد و جمعته و وناسته إذا في أحد منكم يعرف حل لهالمشكلة يعني في طريقة تخلي قطتي تلتزم تجلس في مكان معين بس ما يكون غرفة أبغى أشوف أراءكم و اقتراحاتكم و أعتذر عن الإزعاج |
رد: انا و قطتي و العيد
اهلين ياقمر
تم تعديل العنوان اكيد هذا من اختصاص القسم مادام يخص سلوك القطط :::::: عن تجربة مني : القطة لما تروح مكان جديد عليها تكون هادية جدا في الايام الاولى وممكن تنام اغلب اليوم وماتاكل كثير او تلعب او تركض وتصيير هااايده جدا خصوصا اذا كان المربي الاصلي معها وهذا الشي حصل مع قطي يوم نقلنا لبيت جديد وطبعا الشخصيات تختلف ودرجة التكيف من قط لاخر توكلي وخذيها معك بس لازم تكونين معها طول الوقت وتكلمينها وتملسين عليها بالطريقه اللى عودتيها عليها حتى ماتخاف وتتصرف بشكل غير مرغوب فيه ويوم توصلون المكان الجديد جهزي لها مكان تنام فيه قريب من مكان نومك وحطي جنبه اللتر بوكس وصحن المويه بتلاقينها لااازقه في هذا المكان وماتتحرك وتاخذ وقت على ماتستوعب تغيير المكان وتبدأ تتعرف عليه وتتجول فيه وان شاء الله ماتضايق احد من الموجودين وكل عام وانتي بخير :) |
رد: انا و قطتي و العيد
و أنت بخير أختي
و شكراً على ردك قطتي على العكس لما تكون بمكان جديد ما ترتاح إلا لما تلفه كله و تشم كل الي فيه و ما تنام إلا قليل بس الحمد لله لقيت لي غرفة خاصة لأن وحدة من قريباتي أعتذرت عن حضور العيد هي و أولادها |
رد: انا و قطتي و العيد
زين اختي ..
الحمد لله بس لا واصيك انتبهي لها ولا تخلين الالاد الصغار يدخلوا غرفتها وكل شوي ادخلي عليها وتطمني .. ^^ |
رد: انا و قطتي و العيد
اقتباس:
إي أكيد ما أخليهم يدخلوا عندها إلا لما أكون موجودة شكراً على الرد |
| جميع الأوقات بتوقيت GMT +3. الساعة الآن 08:17 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو