اسأله مهمه عن الكاسكو ؟؟؟
 

السلام عليكم

اخواني انا ناوي اشتري فرح كاسكو بعمر 7 الى السنه
وكل طير اشوفه في جميع المحلات اللي زرتها او عن طربق الانستقرام
كلهم يقولون نفس الجمله ( الطير هذا حار وذكي ) مع احترام الكبير لهم جميعاً
بس ممكن تساعدوني ياشباب كيف اعرف ان الطير حار وذكي اذا كان فرخ ؟؟؟
وهل الكاسكو مهما كان أليف يعض احياناً ؟؟؟؟؟

وشكراً لكم

رد: اسأله مهمه عن الكاسكو ؟؟؟
 

ب افيدك ب السؤال الاخير و اترك سوال الذي يتعلق بالطائر حار وذكي الى اخواني العضو
سكر ومحبين طيور ال كاسكو



اذا كان الببغاء الاليف قد يعض عن طريق الغلط
و ان شاء الله تلقى فرخ الكاسكو الذي انت تطلبه

رد: اسأله مهمه عن الكاسكو ؟؟؟
 

كله يعتمد ع التدريب اخوي ممكن تخليه مايعضك ابدا .. انا عندي درة وهو درة مايعض ابدااا

بخصوص حار وذكي يعني نشيط وحركي واستيعابه عالي مثلا يحفظ كلمات يسوي حركات وهالاشياء .. الخ

رد: اسأله مهمه عن الكاسكو ؟؟؟
 

الطير الحيوي يبين عليه من حركته وبريق عيونه وطبعا من نظافه الريش كامل وجفاف ونظافه الريش حول المخرج وخلو الطير من الزكام وافرازات الانف والعيون وطبعا اهم شي عدم بروز عظمه الصدر
واذا كان الطير فيه كل هالمواصفات بس يعض ممكن تتغاضى عن العض وتاخذه لان مع التدريب بينسى العض اهم شي يكون فرخ وتبدا معه صح

رد: اسأله مهمه عن الكاسكو ؟؟؟
 

اخوي انصحك تشتري فرخ عمره 3 او 4 اشهر وتربيه عندك واكيد بيطلع اليف واهم شي بس تشتريه وديه البيطري وسويله تحاليل كاملة

رد: اسأله مهمه عن الكاسكو ؟؟؟
 

بالنسبه للكاسكو اول شهور هي اخطر شهور الطير فيها يكون حساس واجد ع الاقل ياخذ 5 او 6 شهور
3 او 4 اشوفه صعب خاصه اذا كان الشخص مبتدئ ومافي عيادات وصيدليات خبره ف الببغاوات قريب
7 شهور ممتاز لو الطير اليف وصحته زينه

رد: اسأله مهمه عن الكاسكو ؟؟؟
 

يارجال اغلب او كل الشريطيه يقولون الطير حاااار
وبعضهم يقولك الطير مليان كلام واذا شرطت عليه وقلت له اش كلامه يقولك يصفر يطقطق ويبوس !!!
او يقولك عنده مثلاً كلمة بابا او السلام عليكم
تجي انت تبي تسمعها منه تكررها له عشان يقولها يلقطها منك وهو اساساً ما يتكلم :)
صارت معي كثير

شف ياخوي بحكم تجربتي الطويله بشراء الطيور وانا من النوع امل بسرعه واغير الطير خصوصاً لا شفته بارد
قبل اخر طير اشتريته اخذت امزوني فرخ ب4 الاف ريال نوع جاكو يلو فيس
اللي اخذته منه يقول مليان كلام وحار
جلس عندي اسبوعين او ثلاثه يارجال جاب لي الهم بارد ولا نطق شيء اللي اخذته منه اعرفه ورجعت له الطير
وغيره وقد كان عندي يلو ناب جلس عندي فتره ماش لقيته مزاجي وبعته
وبأقول لك شغله لازم الطير يرتاح عندك وياخذ على المكان وممكن ما يبين الطير الا بعد فتره

الطيور توافيق احيان تاخذ طير ماشاء الله حار بمعنى الكلمه واحيان تطيح بطير مزاجي
واحيان الطير اللي يهاجم ويعظ " غير اليف" يتكلم بسرعه وكلام كثير
كان عندي طير شرس اذا قربت يدك للقفص يقطعها لكنه يتميز بكثرة الكلام جمل و سور و كلام كثير جداً
الحقيقه كل ما اذكره اتندم على بيعه

عشان كذا انصحك لا تاخذ غالي وعلمه ودربه ان ضبط معك ولا بيعه ما تخسر فيه كثير

رد: اسأله مهمه عن الكاسكو ؟؟؟
 

اخي الكريم بلنسبة للطيور يبالها صبر ولو كان الطاير يتكلم من قبل وجته عندك اكيد مابيتكلم في بداية الأمر حتى يتعود عليك وعلى البيت ويحس بلطمئنينة لأن هاذه الطيور حساسة وايد انصحك تصبر عليهم وبمجرد نطق اول كلمة بإذن الله بتستامس فيه وبيتعلم كل الكلام وبلتوفيق

رد: اسأله مهمه عن الكاسكو ؟؟؟
 

يعطيكم العافيه ماقصرتوا على النصائح الجميله
شكراً لكم جميعاً