يوميات ببغاوات ؟؟؟ ادخل وشوف ؟؟؟
 

السلام عليكم ورحمة الله
اليوم خطر في بالي فكره وهي انا نعرف يوميات ببغاء كل واحد في المنتدي بأدق تفاصيلها ونلخص كل المعلومات الي نكتبها في المنتدى عن تربية الببغاوات بعرضكم لها في حياة ببغائك اليومية
ونبغى من اي واحد حاب يشارك ويتحفنا بيومية ببغائه ان يتضمن الرد ما يلي:

1- نوع الطير
2- اسمه
3- عمره
4-بكم شريته
5-سلوكه (حبوب وإلا شري)
6-الكلمات إلي يقولها (إذا كا يتكلم)
7-وقت نومه واستيقاظه
8-وين حاطه من البيت (الصاله-المطبخ....
9-حجم قفصه
10-اكله المفضل
11- اي حركه يسويها انت معلمه يسويها
12-اشياء يخاف منها
13_كم من الوقت تقضيها معه (تقريبا)
واي شي حاب تضيفه
وابغاكم تتفاعلون وتشدون حيلكم وكل واحد يكتب يوميته ببغائه عشان يتثبت الموضع
ونفيد ونمتع إلى يقراه

وانتظروا يومية (سيكو)

رد: يوميات ببغاوات ؟؟؟ ادخل وشوف ؟؟؟
 

اخوي موضوعك جدا جميل وبرد عليك في الغد بأذن الله

اوكي

رد: يوميات ببغاوات ؟؟؟ ادخل وشوف ؟؟؟
 

انا اول شخص اجاوب هذه الاسئلة باذن الله

بسم الله نبدا و به نستعين

درة نيبالية

Pato

اربعة اشهر تقريبا

باربعين دينار بحريني

هو على المزاج طبعا

الحين اسمعه يقول كلمات مثل اسمه او يقول يمه بس مو واضح كلش
كانه طفل توه يتكلم بس ما نعرف شو يخربط

هو ينام من الساعة الثانية عشر ليلا الى الخامسة صباحا و فيه فترات قيلولة في الفترة الصباحية (بعد ما نروح الدوام) و الظهر

في الصالة

32*38*56 طبعا بالبوصة (انش)

المشاوي و خصوصا الدجاج المشوي (هذا صقر مو درة)

1- يسلم
2- يركب على اليد بالكلام
3- يروح القفص بالكلام
4- افتح باب الحمام و اناديه للشور يجي ( الحين اذا فتحت باب الحمام ما يدخل الا اذا ناديته لاني زفيته كذا مرة )

ما لاحظت شي لحد الان غير كرهه لاخي الاصغر مني بشكل رهيب وهجومه عليه

ساعة ,ساعتين, يعتمد على فراغي بس طول الوقت ويا البيت في الصالة

اي ليش لا
هو يحب يلعب في المسباح مال الوالدة فحطينا لها مسباح معلق في القفص تلعب فيه
و ماتلعب فيه الا اذا شافت الوالدة تسبح بعد الصلاة

ننتظر على احر من جمر

رد: يوميات ببغاوات ؟؟؟ ادخل وشوف ؟؟؟
 

والله مووووضوووع اكثر من رائع ....

بس اصبر لين نتفضى لك عشاان نرد عليك:)

رد: يوميات ببغاوات ؟؟؟ ادخل وشوف ؟؟؟
 

رد: يوميات ببغاوات ؟؟؟ ادخل وشوف ؟؟؟
 

بالنسبه لببغبغائي الهنديه الخضراء

1- نوع الطير:البغبغاء الدره الهنديه الخضراء
2- اسمه: ميمو
3- عمره: تقريباَ صار لها سنه
4-بكم شريته:7 دينار
5-سلوكه (حبوب وإلا شري): حبوب
6-الكلمات إلي يقولها (إذا كا يتكلم): ميمو و متو
7-وقت نومه واستيقاظه: ينام باليل ويستيقظ بالصباح
8-وين حاطه من البيت (الصاله-المطبخ.... : الصاله
9-حجم قفصه:كبير 10-
اكله المفضل: ماادري يمكن اكله المفضل التفاح11-
اي حركه يسويها انت معلمه يسويها : تبوس:D
12-اشياء يخاف منها: الأشياء الكبيره مثل المكنسه
13_كم من الوقت تقضيها معه (تقريبا): وقت مااكون فاضيه

رد: يوميات ببغاوات ؟؟؟ ادخل وشوف ؟؟؟
 

مثل ما وعدتك اخوي امس اني ارد عليك اليوم

عندي فيشر وقريبا الأفريقي

وبعد ما شريته صايده

وهوبالغ

وهوشراني بشكل غير طبيعي
إلا إذا روشته بالبخاخة يهدأ 10 دقائق بعدين يرجع

ما يسوي إلا حركة وحدة هي إذا اخرجته خارج القفص في الصالة واشرتله على مكان بيدي يروح عليه

حاطينه بالصالة

حجم قفصه الحجم المعروف الطبيعي

وقت نومه مشكل

يخاف من كفوف اليد السوداء بشكل غير طبيعي ومن بخاخ المويا

ومشكور على الموضوع ونحن بنتظار يوميات سيكوووووو

رد: يوميات ببغاوات ؟؟؟ ادخل وشوف ؟؟؟
 

- نوع الطير.....دره
2- اسمه.........ايكون
3- عمره........شهرين وشوي
4-بكم شريته......بمية درهم بعد ظرابه
5-سلوكه (حبوب وإلا شري) حبووووووووووووب مره
6-الكلمات إلي يقولها (إذا كا يتكلم) ..........بعده على الكلام صغير
7-وقت نومه واستيقاظه والله دومه راقد بس الصبح نشيط يتحوط فالبيت عالستايير و عالغنفات وكل مكان الا ويسيره مايخليه مكسر الليتات وعافس ادنيا والوالده حالفه تذبحه خخخ لكن انا مب طايع
8-وين حاطه من البيت (الصاله-المطبخ.... ..حاطنه فالحجره ملعوزني وايد
9-حجم قفصه ماعنده قفص طليق وين مايبي يروح يروح لكن لازم يلزم حدوده
10-اكله المفضل .......سيريلاك والحين يبتدي ياكل حب
11- اي حركه يسويها انت معلمه يسويها .............خشوم اقوله خشمك يجرب خشمه ويوم اقوله متوه يرقص يهزز راسه وذيله ويوم اصفر له واقوله متوه وجي يعني على طول يطير عندي
12-اشياء يخاف منها.........اكثر شي الوالده خخخخخخخخخخ
13_كم من الوقت تقضيها معه (تقريبا) والله اول ماي من الدوام ويوم يالس ع النت صوبي مره مايتحرك من علي مول بس مرات اخليه يرقد


وتسلم عالموضوع اخوي وان شالله يعجبك الرد

رد: يوميات ببغاوات ؟؟؟ ادخل وشوف ؟؟؟
 

عندي ببغاء سنغالي ما تروض مضبوط حتى الأن
و اللي لحظته أنه لما تمسكه بمنشفة مثلا و تقلبه على ظهره .. يهجد و يستانس و لا عاد يتحرك
و بكذا بديت أتعامل معه في الترويض .. قبل كذا ما فيه أمل يسمع الكلام

و دمتم بألف عافية..

رد: يوميات ببغاوات ؟؟؟ ادخل وشوف ؟؟؟
 

1- نوع الطير:البغبغاءالافريقي
2- اسمه: لم أسميه
3- عمره: تقريباَ صار له ثلاث سنوات ونصف
4-بكم شريته:1150 سعودي
5-سلوكه (حبوب وإلا شري): حبوب
6-الكلمات إلي يقولها (إذا كا يتكلم): السلام عليكم ,صباح الخير , بابا,أنت بابا, يقلد صوت القطو
7-وقت نومه واستيقاظه: ينام باليل ويستيقظ بالصباح
8-وين حاطه من البيت (الصاله-المطبخ.... : الصاله
9-حجم قفصه:كبير 10-
اكله المفضل: حبوب عباد الشمس
اي حركه يسويها انت معلمه يسويها : تبوس
12-اشياء يخاف منها: الأشياء المفاجئة
13_كم من الوقت تقضيها معه (تقريبا): للاسف قليل بحكم عملي