انا منهاره وتعبانه نفسيتي قاعده اخسر قططي الجميل
سلام عليكم اتمنى تساعدوني اللي عنده خبره بلييييز وقسم بالله نفسيتي منهاره
انا عندي قطط مسويه لهم غرفه خاصه لهم اكل وماي وكل شي موفر لهم واحد من قططي طلع للشارع ثلاث ايام ورجع مريض يستفرغ رغوه وشي اصفر وتم بوم واحد وديته العياده عطوه ابره بس مات بعدين انصدمت ان اثنين كتنز عندي بعد مامات قطي الكبير بعدها باربع ايام بدا يطلع ممن اذنهم نفس الوصاخه وااايد وريحه مب حلوه وديتهم العياده وعزلتهم عن اخوانهم طبعا العياده قالولي بيموتون لان فايروس هذا وعطوني ادويه وماجا ثاني بوم الا مات واحد والثاني الحين مات يستفرغون شي اصفر ولا ياكلون واسهال الحين الصدمه الثانيه ام الكيتنز اللي ماتو بدت اذنها تطلع الافرازات اللي لونها بني لها ريحه مب حلوه وعيالها الكتنز وفي قطه ثانيه مربيه عيالها الكتنز فيهم مش عارفيه كيف انقذ قططي عندي مضاد حيوي اعطيهم مرتين فاليوم انا ماطعمت القطط اللي عندي لان عندي فوق العشرين قطه ولا اقدر على مصاريف التطعيم خاصه فالامارات اسعار غاليه عندنا يعني اعراض المرض خمول استفراغ لون اصفر تفرازات الاذن بشكل فضيع لون اسود بني وكل شوي يحكون اذنهم واحس نفس صوت يوم يحركون اذنهم نفس سائل داخل الاذن ولا باكلون واسهال لونه اصفر بعد الله يخليكم ساعدوني انا ماعندي بالدنيا غير هالقطط احبهم وتخليت عن كل شي بحياتي عشانهم |
رد: انا منهاره وتعبانه نفسيتي قاعده اخسر قططي الجميل
|
رد: انا منهاره وتعبانه نفسيتي قاعده اخسر قططي الجميل
المصيبه ان كل القطط قاعده تنعدي منربعض
|
رد: انا منهاره وتعبانه نفسيتي قاعده اخسر قططي الجميل
السلام عليكم
اول شيء حاسة فيكي لاني مررت بنفس تجربتك مع طيوري وكم هو صعب أن تفقدي عيالك بالنسبة للمرض دام قال لك البيطري فيروس ومعدي يجب أن تزعلي القطط السليمة بالنسبة القطط المريضة ماعليك إلا بأخذها للبيطري وبأسرع وقت كل ما أقوله لك هو الصبر والدنيا لا تقف عند شيء واحد .تشجيعي واصلي ولا تيأسي والله يعينك |
رد: انا منهاره وتعبانه نفسيتي قاعده اخسر قططي الجميل
اقتباس:
شعور الفقد صعب لاني اشوفهم عيالي ثاني شي انا كل اللي مرضو وديتهم وعلى الفاضي كل ماودي واحد وادفع الوف بعدين يموت مادري ليش مافي علاج لهم الحين اعطيهم مضاد واكلهم غصب الباقيين احياء واحاول بكل مافيني يارب يارب ادعيلي يارب |
رد: انا منهاره وتعبانه نفسيتي قاعده اخسر قططي الجميل
وعليكم السلام ، الي صار لج صار مع قططي ماتوا 4 ولحقت على 2 وربي لك الحمد اول شي قالي الدكتور " المكان ونظافته + عدم تزادحم القطط في نفس المكان + التطعيم السنوي " هذا كلامه والي بالاذن قبل توقعته من " جرب الاذن " الموضوع عدوه وفطريات بالاذن وكان ينزل سائل ماي اصفر وريحته قويه والقطط تنعزل ولا تاكل لكن كنت انظفه واحط لهم القطره و العصار الاذن وانظفه القطط الي تستفرغ ولا تاكل " لازم تخلينهم بالعياده " ويعطونها مغذي وفي علاج انا استخدمه لقطي الاخير والحمدالله بدا ياكل من ثالث يوم الدوا للترجيع ومضاد حيوي وطبعا الدكتور عطاه فاتح الشهيه و مضاد حيوي وقال خلال 24 ساعه ماتحسن جيبه وتخليه بالعياده والحمدالله تحسن .. انا الصبح ان شاء الله بعطيج اسم العلاج الي خذيته للترجيع والاحسن مافيه مفعوله قوي يعني مجرد اسبوع ومفعول الدوا يتغير وماله فايده لكن نتيجته جداً حلوه .. ونصيحه مني لج العدد الي عندج كبير وانتي مو قادره على التطعيم خففي من العدد كثر ماتقدرين وحاولي تطعمين القطط السليمه فقط اما المريضه تتعالج .. وياليت اعرف شنو قالج الطبيب وشنو عطاج بالضبط ماشاف الحراره لان الحراره مهمه |
رد: انا منهاره وتعبانه نفسيتي قاعده اخسر قططي الجميل
اقتباس:
ااول واحد برونو قطي يوم وديته فحص دكتور قال مافيه شي وعطاه الره وتكلم عن الاذن بس لكن برونو مات نفس اليوم اما الكيتنز فحصتهم الدكتوره قال هذا فايروس وقالت اسمه طويل ولاحظت اول اعراض المرض الاذن تبدا تطلع اوصاخ بس الحمدالله اليوم في قط عمره شهرين كان يستفرغ ماستفرغ عطيته مضاد حيوي بس ماياكل انا اكله غصب وللحين سهرانه وياه عل وعسى ربي يشافه :( وانا اشربهم جلكوز غصب فالبيت واعطيهم مضاد واكلهم غصب https://a.top4top.net/p_744jf6d30.jpg |
رد: انا منهاره وتعبانه نفسيتي قاعده اخسر قططي الجميل
حد يعرف كم مره اعطي القطط مضاد فاليوم انا اعطيهم مرتين
واعطيهم فلوستاك ابره اظن جي اسمه واعطيهم فيتامينات سائله لونها وردي تنحط مع ماي |
رد: انا منهاره وتعبانه نفسيتي قاعده اخسر قططي الجميل
ممكن حد يجاوبني
القطط اللي عندي وقف عندهم الاسهال والاستفراغ بس للاسف جاهم امساك ويعانون في الليتر بوكس |
رد: انا منهاره وتعبانه نفسيتي قاعده اخسر قططي الجميل
اقتباس:
بسم الله انا ياما ربيت قطاو ماصارت عندي هالحاله بس كم مره مرض كم قط ووديتهم البيطري وفعلا تعافن والحاله هاي مامرت عليا ابدا عكثر القطاو الي مرت عليا ماشاء الله الله يعينج بس في الغالب المضادات هي الحل وهي الي تسوي الامساك شربيهن ماي لاتنسين الله يعافيهن ويعينج Sent from my iPhone using 2zoo.com |
جميع الأوقات بتوقيت GMT +3. الساعة الآن 01:15 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو