|
سؤال عن سقوط الشعر .. و ابره منع التساقط!
السلام عليكم اعضاء تو زو الاعزاء :shy: عندي سؤال بسيط! عندي قطة تبنيتها و اول ما اخدتها كان فروها حلو مافي تساقط ولا شي ! لكني لاحظت خلال الاسبوعين اللي فاتو انو عندها تساقط بالشعر كثيف نوعا ما.. و خلف اذنها صار اشبه بوجود منطقة فارغه و تحكها كثير المنطقة هذي و تحك داخل اذنها مع اني مني شايف اثار فطريات! و في كمان المطقه فوق العين ( مكان الحاجب ) نفس الشي شعرها خفيف شوية بس مو زي خلف الاذن, الفطريات انا اعرف انو يكون تساقط شعر مع حكة ووجود قشور بيضه اشبه بقشرة الرأس. بس مافي قشور بيضه بس حكة و تساقط هذي صورة توضح كلامي : http://www12.0zz0.com/2015/12/15/05/531654722.jpg هذا فوق العين: http://www12.0zz0.com/2015/12/15/05/126358039.jpg اتمنى تفيدوني ايش حلها هاذي المنطقتين و مشكله تساقط جسمها بشكل عام. بالنسبه لاكلها للي حابب يعرف أأكلها رويال كانن حق الكتنز ( بعد مشورة صاحب المحل لانها لسه حدود 9 شهور ) و كمان دجاج مسلوق مع المرق حقو.. و احيانا جبنه شيدر - - صاحب المحل قلي في ابرة تاخدها تمنع تساقط الشعر بس ما اعطيتها شي خفت يكون في ضرر عليها.؟ آسف عالاطاله بس انتو عندكم خبرة اكثر مني و ان شاء الله الكل يستفيد من كلو هههه |
رد: سؤال عن سقوط الشعر .. و ابره منع التساقط!
الأكل المعلب ابداً موب زينه كثرته للقطوه يعني يفضل لو مره في الأسبوع واتوقع هو سبب التساقط يفضل انك تعطيها الأكل اللي يجي حبوب خاص فيهم وما تعطيها أكل فيه بهارات يعني الدجاج يفضل لو انت تطبخ لها صدور دجاج مخليه بمويه بس وشووي ملح يعني يكون هذا الغدا في الليل يكون صحن من الحبوب وان شاء الله يخف التساقط .
|
رد: سؤال عن سقوط الشعر .. و ابره منع التساقط!
اقتباس:
فعلا هو هذا نظام اكلها و الدجاج مسلوك خاص لها .. بس المشكله انو ما تاكل الدجاج كثير تميل لاكل الحبوب ف احطلها دجاج و حبوب سوا. مشكور :) و نشوف باقي الاعضاء ايش رأيهم بالموضوع :) |
رد: سؤال عن سقوط الشعر .. و ابره منع التساقط!
لحظة واحدة حرام عليك تعطيها رويال مال الكيتن ترى قطتك مب كيتن هي في مرحلة البلوغ يعني بالغة و المفروض ما تشاور صاحب المحل
و اعتقد انه فيها جرب لان مثل هذا الهرش يسبب مثل قرحة |
رد: سؤال عن سقوط الشعر .. و ابره منع التساقط!
وعليكم السلام ورحمة الله وبركاته
تساقط الشعر عند القطط يجي من كذا شغله يعني ممكن فطريات او ديدان وبعض انواع الاكل يعني الحل الامثل يكشف عليها بيطري متخصص ويشخص الحاله اكثر عشان تاخذ العلاج المناسب والصحيح والقطط تحتاج الى فيتامينات وبروتينات بشكل متوازن وهذا الكلام موجود في الدراي فود من شركات معروفه مثل رويال كنن او غيره من الشركات المعروفه بالتوفيق |
رد: سؤال عن سقوط الشعر .. و ابره منع التساقط!
اقتباس:
طيب اخويا ايش حل هذي الحاله في دوا معين او شي اسويه ؟ خايف اخدها عالمحل يجي يعطيني اي دوا و خلاص هو كل همه اني ادفع مو هامه الحيوان اللي يعالجه.! |
رد: سؤال عن سقوط الشعر .. و ابره منع التساقط!
اقتباس:
الله يعطيك العافية :) انا عندي زيت كبد الحوت " او اللي يسموه زيت سمك " بشري اكيد مدري لو في للحيوانات او لا لو اديتها حبه منو حبه ممكن يفيد بالنسبه للتساقط ؟ |
رد: سؤال عن سقوط الشعر .. و ابره منع التساقط!
اول شي ياليت تبتعد عن المحلات وتوديها عيادة فيها بيطري فاهم وعارف شغله لان اللي بالمحلات كلهم نصابين وغير مؤهلين للعلاج..لاتخليه يلمس قطوتك ولا بعطيها اي ابرة...مافي ابر لمنع التساقط
القطة يسقط شعرها بسبب مرحلة البلوغ...كمان لاتخليه يعالجها او يقولك ابر فطريات وديدان وخرابيط الفطريات واضحة تتك ن بقعة خالية مت الشعر وحكة شديدة بالمكان وجروح او قشور كثير قطط شعرهم يخف فوق منطقة العين...انا قطاوتي كذا ثانيا...الدراي فود اسوأ غذاء للقطط ممكن نعتمد عليه...الدراي مكمل المفروض ماياكلون منه اكثر من ملعقتين باليوم وتوزعها عاايوم كله رويال كانن او غيره كلهم اضرارهم كبيرة وهم السبب الرئيسي في مشاكل المسالك البولية والفشل الكلوي واخطر شي احتباس البول...الكلية عضو حساس جدا واذا تعب مستحيل يتعالج ..الدراي كربوهيدرات تعدم تجهزة الجسم وتترسب في الكلى لانها ترفع حموضة البول ... اكيد صاحب المحل بيمدحه لانه جاهل وكل اللي يبيه يربح ويبيع المواقع الاجنبية البيطرية يحذرون منه ومت بلاويه اللي يق لك المعلبات سيئة والدراي افضل اتمنى يقرأ كثير عن هالموضوع قبل ماينصح بشي غلط المعلبات مش صحية كثير لانها من مواد رخيصة ومخلفات الحيوانات لكنها مش خطيرة زي الدراي فود... وعلى قولة طبيبة امريكية (ارخص طعام معلب هو افضل من اغلى نوع من الاكل الجاف) اعتمد عالدجاج المسلوق بدون بهارات او طماط ولا صلصة وعطيها معلبات ماركة كويسة وسعرها مش رخيص جدا ثلاث مرات بالاسبوع عندك قطوة وحدة سهل جدا انك توفرلها افضل الانواع وسهل انك تطبخلها بالبيت مايكلف عمرها تسع شهور توها صغيرة...اتمنى ماتزوجها لان لسه حوضها ما اكتمل ولا رحمها...لازم تبلغ سنة او سنة وشهرين وياليت تفكر بالتعقيم نصيحة مجرب 😊 |
رد: سؤال عن سقوط الشعر .. و ابره منع التساقط!
اقتباس:
انا فعلا ما رضيت اعطيها اي شي الا لما ارجع لكم و أسأل الدكتور اللي اتعامل معاه الحمدلله اني ما اعطيتها شي:) انا اليوم كنت عند الدكتور و قلي جلدها سليم و مافيها فطريات قلي اللي خلف الاذن هاذا من حشرات صغيرة جوه اذها تسببلها الحكة " قلي اسمها بس نسيت " المهم قلي بعطيك قطرة اذن تحطلها لمده 5 ايام و كلو بروح هو فعلا اذها فيها وساخه و كل ما انضفها ترجع تاني ان شاء الله اليومين هذي بمر عليه لانو مو متوفر معاه حاليا شكرا عالنصائح :) |
رد: سؤال عن سقوط الشعر .. و ابره منع التساقط!
دي فطريات
مرهم لاميزيل او بنزايل ٣ مرات ف اليوم و مفيش حاجه اسمها ابره تساقط الشعر في رويال كانن هير اند سكن ده كويس |
رد: سؤال عن سقوط الشعر .. و ابره منع التساقط!
اللي بأذنها ear mites عث الاذن...لو قلت من الاول انك تنطفها ويرجع كان وصفنالك العلاج...
ايش الدوا اللي وصفه لك؟ عشان نقيم قدراته :) |
رد: سؤال عن سقوط الشعر .. و ابره منع التساقط!
اقتباس:
هو شكلو شاطر هو هذا اول تعامل لي معاه بس شكلو يستغل زباينه باسعاره " طبعا ما اقلل من قدرات اي طبيب بس في غيررو كثير أرخص منه " |
رد: سؤال عن سقوط الشعر .. و ابره منع التساقط!
طيب ايش المشكلة لو حطيت اسم القطرة!!
|
رد: سؤال عن سقوط الشعر .. و ابره منع التساقط!
كان مع واحد من الاهل قط ذكر .. كان شعره يتساقط بشكل كبير لكن اخذ للبيطري و اعطاه ابره و الحمدلله اموره طيبه صارت
|
| جميع الأوقات بتوقيت GMT +3. الساعة الآن 03:03 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو